ਸਮੱਗਰੀ: ਅੱਧਾ ਕਿਲੋ ਪਾਲਕ, ਇੱਕ ਕੱਪ ਮੂੰਗੀ ਦੀ ਦਾਲ, ਇੱਕ ਟਮਾਟਰ, ਦੋ ਲਸਣ ਦੀਆਂ ਕਲੀਆਂ ਕੱਟੀਆਂ ਹੋਈਆਂ, ਥੋੜ੍ਹਾ ਅਦਰਕ ਬਰੀਕ ਕੱਟਿਆ ਹੋਇਆ, ਇੱਕ ਚਮਚ ਜ਼ੀਰਾ, ਇੱਕ ਚਮਚ ਅਜਵਾਇਣ, ਇੱਕ ਚਮਚ ਲਾਲ ਮਿਰਚ ਪਾਊਡਰ, ਅੱਧਾ-ਚਮਚ ਹਲਦੀ, ਦੋ ਚਮਚ ਧਨੀਆ ਪਾਊਡਰ, ਇੱਕ ਨਿੰਬੂ।
ਵਿਧੀ: ਸਭ ਤੋਂ ਪਹਿਲਾਂ ਮੂੰਗੀ ਦੀ ਦਾਲ ਧੋ ਕੇ ਪ੍ਰੈਸ਼ਰ ਕੁੱਕਰ ਵਿੱਚ ਉਬਾਲੋ। ਉਸ ਤੋਂ ਬਾਅਦ ਇਕ ਬਰਤਨ ਵਿੱਚ ਤੇਲ ਪਾਓ। ਤੇਲ ਗਰਮ ਹੋਣ ਉੱਤੇ ਉਸ ਵਿੱਚ ਜ਼ੀਰ, ਅਜਵਾਇਣ ਪਾਓ। ਭੁੰਨਣ ਤੋਂ ਬਾਅਦ ਲਸਣ ਅਤੇ ਅਦਰਕ ਵੀ ਪਾ ਦਿਓ। ਦੋ ਮਿੰਟ ਬਾਅਦ ਕੱਟਿਆ ਟਮਾਟਰ ਪਾ ਕੇ ਭੁੰਨ ਲਓ ਤੇ ਉਸ ਵਿੱਚ ਉਬਲੀ ਹੋਈ ਦਾਲ ਪਾ ਦਿਓ। ਦਾਲ ਗਾੜ੍ਹੀ ਹੋਣ ਉੱਤੇ ਥੋੜ੍ਹਾ ਪਾਣੀ ਪਾਣੀ ਪਾਉ। ਸਵਾਦ ਅਨੁਸਾਰ ਨਮਕ, ਲਾਲ ਮਿਰਚ, ਹਲਦੀ ਪਾਊਡਰ ਤੇ ਧਨੀਆ ਪਾ ਕੇ ਦਾਲ ਸਜਾਓ। ਉਸ ਤੋਂ ਬਾਅਦ ਬਰੀਕ ਕੱਟੀ ਪਾਲਕ ਚੰਗੀ ਤਰ੍ਹਾਂ ਮਿਲਾ ਕੇ ਥੋੜ੍ਹੀ ਦੇਰ ਹੋਰ ਪਕਾਉ। ਨਿੰਬੂ ਦਾ ਰਸ ਮਿਲਾ ਕੇ ਰੋਟੀ ਅਤੇ ਚੌਲਾਂ ਨਾਲ ਵਰਤਾਓ।