ਲੰਡਨ, 14 ਸਤੰਬਰ (ਪੋਸਟ ਬਿਊਰੋ)- ਬ੍ਰਿਟੇਨ ਵਿੱਚ ਯੂਰਪੀ ਯੂਨੀਅਨ ਨਾਲ ਪਹਿਲਾਂ ਕੀਤੇ ਗਏ ਬ੍ਰੈਗਜਿ਼ਟ ਸਮਝੌਤੇ ਨੂੰ ਬਦਲਣ ਲਈ ਤਿਆਰ ਹੋਈ ਬੈਠੀ ਪ੍ਰਧਾਨ ਮੰਤਰੀ ਬੋਰਿਸ ਜੌਨਸਨ ਦੀ ਸਰਕਾਰ ਵਿਰੁੱਧ ਦੋ ਸਾਬਕਾ ਪ੍ਰਧਾਨ ਮੰਤਰੀ ਖੜੇ ਹੋ ਗਏ ਹਨ। ਸਾਬਕਾ ਪ੍ਰਧਾਨ ਮੰਤਰੀਆਂ ਟੋਨੀ ਬਲੇਅਰ ਅਤੇ ਜੌਹਨ ਮੇਜਰ ਨੇ ਜੌਨਸਨ ਸਰਕਾਰ ਵੱਲੋਂ ਪੇਸ਼ ਕੀਤੇ ਜਾ ਰਹੇ ਬਿੱਲ ਦੇ ਵਿਰੋਧ ਵਿੱਚ ਪਾਰਲੀਮੈਂਟ ਮੈਂਬਰਾਂ ਨੂੰ ਵੋਟਿੰਗ ਕਰਨ ਦੀ ਅਪੀਲ ਕੀਤੀ ਹੈ।
ਵਰਨਣ ਯੋਗ ਹੈ ਕਿ ਟੋਨੀ ਬਲੇਅਰ ਵਿਰੋਧੀ ਲੇਬਰ ਪਾਰਟੀ ਦੇ ਤੇ ਜੌਹਨ ਮੇਜਰ ਸੱਤਾਧਾਰੀ ਕੰਜ਼ਰਵੇਟਿਵ ਪਾਰਟੀ ਦੇ ਆਗੂ ਹਨ। ਆਮ ਤੌਰ `ਤੇ ਬ੍ਰਿਟੇਨ ਵਿੱਚ ਸਾਬਕਾ ਪ੍ਰਧਾਨ ਮੰਤਰੀ ਸਰਕਾਰ ਦੇ ਕੰਮਾਂ ਵਿੱਚ ਦਖਲ ਨਹੀਂ ਦਿੰਦੇ, ਪਰ
ਯੂਰਪੀ ਯੂਨੀਅਨ ਨਾਲ ਬ੍ਰੈਗਜਿ਼ਟ ਸਮਝੌਤਾ ਰੱਦ ਕਰਰ ਕੇ ਨਵੇਂ ਵਪਾਰ ਪ੍ਰਬੰਧ ਕਰਨ ਵਾਲਾ ਇੰਟਰਨਲ ਮਾਰਕੀਟ ਬਿੱਲ ਅੱਜ ਸੋਮਵਾਰ ਹਾਊਸ ਆਫ ਕਾਮਨਜ਼ ਵਿੱਚ ਰੱਖਿਆ ਜਾ ਰਿਹਾ ਹੈ। ਸੱਤਾਧਾਰੀ ਪਾਰਟੀ ਦੇ ਸੀਨੀਅਰ ਆਗੂ ਜੌਹਨ ਮੇਜਰ ਨੇ ਹੀ ਉਸ ਦਾ ਵਿਰੋਧ ਕਰ ਦਿੱਤਾ ਹੈ। ਸਾਬਕਾ ਪ੍ਰਧਾਨ ਮੰਤਰੀ ਟੋਨੀ ਬਲੇਅਰ ਦੇ ਨਾਲ ਉਨ੍ਹਾਂ ਕਿਹਾ ਹੈ ਕਿ ਜੇ ਇਹ ਬਿੱਲ ਪਾਸ ਹੋ ਗਿਆ ਤਾਂ ਭਵਿੱਖ ਵਿੱਚ ਹੋਣ ਵਾਲੀ ਹਰ ਤਰ੍ਹਾਂ ਦੀ ਸਮਝੌਤਾ ਵਾਰਤਾ ਵਿੱਚ ਇਸ ਦਾ ਮਾੜਾ ਪ੍ਰਭਾਵ ਪਵੇਗਾ। ਇਹ ਸਿਰਫ ਯੂਰਪੀ ਯੂਨੀਅਨ ਨਾਲ ਵਾਰਤਾਵਾਂ ਵਿੱਚ ਨਹੀਂ ਹੋਵੇਗਾ, ਸਗੋਂ ਹੋਰ ਦੇਸ਼ਾਂ ਨਾਲ ਵੀ ਹੋਵੇਗਾ। ਇਹ ਬਿੱਲ ਪਾਸ ਹੋਣ ਨਾਲ ਬ੍ਰਿਟੇਨ ਦੀ ਭਰੋਸੇਯੋਗਤਾ `ਤੇ ਅਸਰ ਪਵੇਗਾ। ਲੰਬੇ ਵਿਚਾਰ-ਵਟਾਂਦਰੇ ਪਿੱਛੋਂ ਹੋਏ ਦੋਪੱਖੀ ਸਮਝੌਤੇ ਤੋਂ ਇਕਤਰਫਾ ਹਟ ਜਾਣ ਨਾਲ ਦੁਨੀਆ ਵਿੱਚ ਗਲਤ ਸੰਦੇਸ਼ ਜਾਏਗਾ। ਦੋਵਾਂ ਨੇਤਾਵਾਂ ਨੇ ਕਿਹਾ ਕਿ ਸਮਝੌਤੇ ਦੇ ਕੁਝ ਨਿਯਮਾਂ, ਜੋ ਗਲਤ ਅਤੇ ਗੈਰ-ਜ਼ਰੂਰੀ ਲੱਗਦੇ ਹਨ, ਨੂੰ ਯੂਰਪੀ ਯੂਨੀਅਨ ਨਾਲ ਵਾਰਤਾ ਕਰ ਕੇ ਉਨ੍ਹਾਂ ਨੂੰ ਬਦਲਿਆ ਜਾ ਸਕਦਾ ਹੈ ਤੇ ਜੇ ਗੱਲ ਨਾ ਬਣੇ ਤਾਂ ਪਾਰਲੀਮੈਂਟ ਵਿੱਚ ਬਿੱਲ ਲਿਆ ਕੇ ਸਮਝੌਤੇ ਵਿੱਚ ਬਦਲਾਅ ਕੀਤਾ ਜਾ ਸਕਦਾ ਹੈ, ਪਰ ਸ਼ੁਰੂ ਦੇ ਕਦਮ ਵਜੋਂ ਬਿੱਲ ਲਿਆ ਕੇ ਇਸ ਤਰ੍ਹਾਂ ਨਾਲ ਸਮਝੌਤੇੇ ਨੂੰ ਪ੍ਰਭਾਵਹੀਣ ਕਰ ਦੇਣਾ ਗਲਤ ਹੈ।