ਇੱਕ ਵਾਰ ਮਹਿੰਦਰ ਨੇ ਟਰੇਨ ਰਾਹੀਂ ਕਿਤੇ ਦੌਰੇ 'ਤੇ ਜਾਣਾ ਸੀ। ਉਸ ਨੇ ਸਫਰ 'ਤੇ ਜਾਣ ਦੀ ਸਾਰੀ ਤਿਆਰੀ ਕਰ ਲਈ ਅਤੇ ਨਾਲ ਪੁਰਾਣੇ ਸਾਮਾਨ ਵਿੱਚ ਮਿਲੀ ਟਰੇਨ ਦੀ ਟਿਕਟ ਵੀ ਜੇਬ ਵਿੱਚ ਰੱਖ ਲਈ।

ਜਦੋਂ ਟਿਕਟ ਚੈਕਰ ਆਇਆ ਤਾਂ ਮਹਿੰਦਰ ਬੋਲਿਆ, ‘‘ਇਹ ਲਓ, ਦੇਖੋ।”
ਟਿਕਟ ਚੈਕਰ ਨੇ ਕਿਹਾ, ‘‘ਇਹ ਤਾਂ ਪੁਰਾਣੀ ਟਿਕਟ ਹੈ।”
ਜ਼ੋਰ ਨਾਲ ਖਿੱਝ ਕੇ ਮਹਿੰਦਰ ਬੋਲਿਆ, ‘‘ਤੁਹਾਡੀ ਇਹ ਟਰੇਨ ਵੀ ਕਿਹੜੀ ਨਵੀਂ ਹੈ।”
*********
ਚਮੇਲੀ, ‘‘ਦੇਖੋ ਜੀ, ਅੱਜ ਮੇਰਾ ਨਾਨ-ਵੈਜ ਖਾਣ ਨੂੰ ਦਿਲ ਕਰ ਰਿਹਾ ਹੈ।”
ਚਮਨ, ‘‘ਮੈਂ ਜਾ ਕੇ ਤੇਰੇ ਲਈ ਬਾਜ਼ਾਰ ਤੋਂ ਮੱਛੀ ਲੈ ਕੇ ਆਉਂਦਾ ਹਾਂ।”
ਚਮੇਲੀ, ‘‘ਰਹਿਣ ਦਿਓ ਜੀ, ਉਸ ਵਿੱਚ ਤਾਂ ਕੰਡੇ ਹੁੰਦੇ ਹਨ।”
ਚਮਨ, ‘‘ਕੋਈ ਗੱਲ ਨਹੀਂ, ਤੂੰ ਚੱਪਲ ਪਾ ਕੇ ਖਾ ਲਵੀਂ।”
*********
ਅਜੈ, ‘‘ਕੁਝ ਸਾਲ ਪਹਿਲਾਂ ਮੈਂ ਵੀ ਇੱਕ ਚੰਦ ਦੇ ਨੇੜੇ ਗਿਆ ਸੀ।”
ਰੋਹਣ, ‘‘ਅੱਛਾ, ਫਿਰ ਕੀ ਹੋਇਆ?”
ਅਜੈ, ‘‘ਫਿਰ ਕੀ, ਉਸ ਦੇ ਪਾਪਾ ਨੂੰ ਪਤਾ ਲੱਗ ਗਿਆ ਅਤੇ ਸੰਪਰਕ ਟੁੱਟ ਗਿਆ।”