ਸਮੱਗਰੀ-ਦੋ-ਤਿੰਨ ਉਬਲੇ ਹੋਏ ਆਲੂ, ਪਿਆਜ਼ ਬਰੀਕ ਕੱਟਿਆ ਹੋਇਆ ਇੱਕ, ਚੁਟਕੀ ਕੁ ਕਾਲਾ ਨਮਕ, ਅੱਧਾ ਟੀ ਸਪੂਨ ਚਾਟ ਮਸਾਲਾ, ਚੁਟਕੀ ਕੁ ਕਾਲੀ ਮਿਰਚ, ਚੁਟਕੀ ਕੁ ਜ਼ੀਰਾ ਪਾਊਡਰ, ਅੱਧਾ ਟੀ ਸਪੂਨ ਲਾਲ ਮਿਰਚ ਪਾਊਡਰ, ਨਿੰਬੂ 1/2 (ਰਸ), ਇਮਲੀ ਦੀ ਚਟਨਾ ਇੱਕ ਟੀ ਸਪੂਨ।
ਚਟਣੀ ਬਣਾਉਣ ਲਈ ਸਮੱਗਰੀ-ਇੱਕ ਕੱਪ ਬਰੀਕ ਕੱਟਿਆ ਹੋਇਆ ਹਰਾ ਧਨੀਆ, ਇੱਕ ਬਰੀਕ ਕੱਟੀ ਹੋਈ ਹਰੀ ਮਿਰਚ, ਅੱਧਾ ਟੀ ਸਪੂਨ ਕਾਲਾ ਨਮਕ, ਸਵਾਦ ਅਨੁਸਾਰ ਨਿੰਬੂ ਦਾ ਰਸ।
ਚਟਣੀ ਬਣਾਉਣ ਦੀ ਵਿਧੀ-ਮਿਕਸੀ ਵਿੱਚ ਧਨੀਆ, ਹਰੀ ਮਿਰਚ ਅਤੇ ਕਾਲਾ ਨਮਕ ਪਾ ਕੇ ਪੀਸ ਲਓ। ਤਿਆਰ ਚਟਣੀ ਵਿੱਚ ਸਵਾਦ ਅਨੁਸਾਰ ਨਿੰਬੂ ਦਾ ਰਸ ਪਾ ਕੇ ਮਿਕਸ ਕਰੋ।
ਆਲੂ ਚਾਟ ਬਣਾਉਣ ਦੀ ਵਿਧੀ-ਸਭ ਤੋਂ ਪਹਿਲਾਂ ਪੈਨ ਵਿੱਚ ਘਿਓ ਗਰਮ ਕਰੋ। ਉਸ ਵਿੱਚ ਆਲੂ ਨੂੰ ਸੁਨਹਿਰਾ ਭੂਰਾ ਹੋਣ ਤੱਕ ਫਰਾਈ ਕਰੋ ਤੇ ਵੱਖ ਬਾਊਲ ਵਿੱਚ ਕੱਢ ਲਓ। ਫਰਾਈਡ ਆਲੂਆਂ ਵਿੱਚ ਕਾਲਾ ਨਮਕ, ਜੀਰਾ ਪਾਊਡਰ, ਕਾਲੀ ਮਿਰਚ, ਲਾਲ ਮਿਰਚ ਪਾਊਡਰ ਅਤੇ ਚਾਟ ਮਸਾਲਾ ਪਾ ਕੇ ਮਿਕਸ ਕਰੋ। ਇਸ ਦੇ ਉਪਰ ਪਿਆਜ਼ ਤੇ ਨਿੰਬੂ ਦਾ ਰਸ ਪਾ ਕੇ ਮਿਲਾਓ। ਫਿਰ ਇਮਲੀ ਅਤੇ ਹਰੀ ਚਟਣੀ ਪਾ ਕੇ ਸਾਰੀ ਸਮੱਗਰੀ ਚੰਗੀ ਤਰ੍ਹਾਂ ਮਿਕਸ ਕਰ। ਤਿਆਰ ਹੈ ਤੁਹਾਡੀ ਦਿੱਲੀ ਦੀ ਸਪੈਸ਼ਲ ਆਲੂ ਚਾਟ। ਇਸ ਨੂੰ ਡਿਸ਼ ਵਿੱਚ ਕੱਢ ਕੇ ਉਪਰੋਂ ਪਿਆਜ਼ ਪਾ ਕੇ ਗਾਰਨਿਸ਼ ਕਰ ਕੇ ਸਰਵ ਕਰੋ।