ਤੰਦਰੁਸਤ ਚਮੜੀ ਲਈ ਰੋਜ਼ ਮੁਆਇਸ਼ਚਰਾਈਜ਼ਿੰਗ ਬਹੁਤ ਮਹੱਤਵਪੂਰਨ ਹੈ। ਸਾਡੀ ਚਮੜੀ ਸਰੀਰ ਦਾ ਸਭ ਤੋਂ ਵੱਡਾ ਅੰਗ ਹੈ ਅਤੇ ਇਸ ਨੂੰ ਦਾਗ ਧੱਬੇ, ਸਿਆਹੀਆਂ ਤੋਂ ਮੁਕਤ ਰੱਖਣ ਲਈ ਇਸ 'ਤੇ ਧਿਆਨ ਜ਼ਰੂਰ ਦਿੱਤਾ ਜਾਣਾ ਚਾਹੀਦਾ ਹੈ। ਚੰਗੀ ਚਮੜੀ ਲਈ ਨਿਯਮਾਂ ਵਿੱਚ ਕਿਸੇ ਲੋਸ਼ਨ ਅਤੇ ਮੁਆਇਸ਼ਰਾਈਜ਼ਰ ਦਾ ਇਸਤੇਮਾਲ ਸ਼ਾਮਲ ਕਰਨਾ ਚਾਹੀਦੈ। ਇੱਕ ਅਜਿਹਾ ਲੋਸ਼ਨ ਚੁਣੋ ਜਿਸ ਵਿੱਚ ਬਹੁਤ ਸਾਰੇ ਵਿਟਾਮਿਨ ਹੋਣ। ਲੋਸ਼ਨ ਅਜਿਹਾ ਹੋਵੇ ਜੋ ਤੇਲ ਤੋਂ ਰਹਿਤ ਹੋਵੇ, ਤੁਹਾਡੇ ਰੋਮਾਂ ਦੇ ਛੇਕਾਂ ਨੂੰ ਬੰਦ ਕਰਨ ਵਾਲਾ ਨਾ ਹੋਵੇ, ਚਮੜੀ ਮਾਹਰਾਂ ਦੁਆਰਾ ਐਲਰਜੀ ਲਈ ਉਸ ਦਾ ਟੈਸਟ ਕੀਤਾ ਗਿਆ ਹੋਵੇ। ਵਿਟਾਮਿਨ-ਏ ਅਤੇ ਵਿਟਾਮਿਨ ਬੀ-5, ਚਮੜੀ ਦੀ ਮਜ਼ਬੂਤੀ ਵਧਾਉਂਦੇ ਹਨ ਅਤੇ ਨਮੀ ਦਾ ਲੈਵਲ ਬਣਾਉਂਦੇ ਹਨ। ਵਿਟਾਮਿਨ-ਸੀ ਅਤੇ ਵਿਟਾਮਿਨ-ਈ ਨਵੀਂ ਚਮੜੀ ਦੀ ਸੁਰੱਖਿਆ ਅਤੇ ਚਮੜੀ ਦੇ ਨੁਕਸਾਨ ਨਾਲ 'ਚ ਮਦਦ ਕਰਦੇ ਹਨ।
ਮੁਆਇਸ਼ਚਰਾਈਜ਼ਿੰਗ ਰਿਪੇਅਰਿੰਗ 'ਚ ਮਦਦ ਕਰਦੀ ਹੈ। ਤੁਹਾਡੇ ਚਿਹਰੇ, ਕੰਨਾਂ, ਗਰਦਨ ਅਤੇੇ ਛਾਤੀ ਦੀ ਚਮੜੀ ਵਾਤਾਵਰਣ ਤਬਦੀਲੀਆਂ ਪ੍ਰਤੀ ਸੰਵੇਦਨਸ਼ੀਲ ਹੁੰਦੀ ਹੈ। ਇਹ ਖੇਤਰ ਸਰੀਰ ਦੇ ਦੂਜੇ ਹਿੱਸਿਆਂ ਦੇ ਮੁਕਾਬਲੇ ਵਧੇਰੇ ਤੇਜ਼ੀ ਨਾਲ ਕੋਸ਼ਿਕਾਵਾਂ ਨੂੰ ਜਾਂ ਚਮੜੀ ਦੀ ਪਰਤ ਨੂੰ ਝਾੜਦੇ ਹਨ, ਇਸ ਲਈ ਖੁਦ ਨੂੰ ਰਿਪੇਅਰ ਕਰਨ ਲਈ ਉਨ੍ਹਾਂ ਨੂੰ ਮੁਆਇਸ਼ਚਾਈਜ਼ ਦੀ ਲੋੜ ਹੁੰਦੀ ਹੈ। ਇਸ ਦੇ ਨਾਲ ਹੀ ਲੋਸ਼ਨ ਲਗਾਉਣ ਸਮੇਂ ਕੀਤੀ ਜਾਣ ਵਾਲੀ ਮਸਾਜ ਵੀ ਖੂਨ ਦਾ ਸੰਚਾਰ (ਬਲੱਡ ਸਰਕੁਲੇਸ਼ਨ) ਅਤੇ ਨਵੀਆਂ ਕੋਸ਼ਿਕਾਵਾਂ ਬਣਨ ਵਿੱਚ ਮਦਦ ਕਰਦੀ ਹੈ।
ਚਮੜੀ ਦੀ ਦੇਖਭਾਲ ਲਈ ਟਿਪਸ
ਵਧੇਰੇ ਪਾਣੀ ਪੀਓ-ਰੋਜ਼ ਘੱਟੋ-ਘੱਟ ਅੱਠ ਗਲਾਸ ਪਾਣੀ ਪੀਓ।
ਸੌਮਿਆ ਕਲੀਂਜ਼ਰ ਇਸਤੇਮਾਲ ਕਰੋ-ਜਿਸ ਕਲੀਂਜ਼ਰ ਦੀ ਤੁਸੀਂ ਵਰਤੋਂ ਕਰਦੀਆਂ ਹੋ, ਉਹ ਸੌਮਿਆ ਅਤੇ ਖੁਸ਼ਬੂ ਰਹਿਤ ਹੋਣਾ ਚਾਹੀਦਾ ਹੈ।
ਬਾਹਰ ਜਾਣ 'ਤੇ ਸਨਸਕਰੀਨ ਲਾਓ-ਸੂਰਜ ਦੀਆਂ ਹਾਨੀਕਾਰਕ ਪਰਾਬੈਂਗਣੀ (ਅਲਟ੍ਰਾ ਵਾਇਲੈਂਟ) ਕਿਰਨਾਂ ਤੋਂ ਸੁਰੱਖਿਆ ਤੋਂ ਵੱਧ ਕੁਝ ਵੀ ਤੁਹਾਡੀ ਚਮੜੀ ਨੂੰ ਨਹੀਂ ਬਚਾ ਸਕਦਾ।
ਲਿਪ ਬਾਮ ਲਗਾਓ-ਇਸ ਨੂੰ ਵਾਰ-ਵਾਰ ਲਗਾਉਣ ਨਾਲ ਖੁਸ਼ਕ ਫਟੇ ਬੁੱਲ੍ਹਾਂ ਨੂੰ ਠੀਕ ਕਰਨ 'ਚ ਮਦਦ ਮਿਲਦੀ ਹੈ।
ਆਪਣੇ ਹੱਥਾਂ 'ਤੇ ਜ਼ਿਆਦਾ ਧਿਆਨ ਦਿਓ-ਸਰੀਰ ਦੇ ਕਿਸੇ ਵੀ ਹੋਰ ਹਿੱਸੇ ਦੇ ਮੁਕਾਬਲੇ ਤੁਹਾਡੇ ਹੱਥ ਖੁਸ਼ਕ ਵਾਤਾਵਰਣ ਦੇ ਪ੍ਰਭਾਵ ਨੂੰ ਵਧੇਰੇ ਦਿਖਾਉਂਦੇ ਹਨ। ਹਰ ਵਾਰ ਜਦੋਂ ਤੁਸੀਂ ਆਪਣੇ ਹੱਥਾਂ ਨੂੰ ਧੋਂਦੇ ਹੋ, ਉਨ੍ਹਾਂ 'ਤੇ ਹੈਂਡ ਕਰੀਮ ਲਗਾਓ।