ਆਪਣੇ ਦਮਦਾਰ ਅਭਿਨੈ ਨਾਲ ਖੂਬ ਨਾਂਅ ਕਮਾ ਚੁੱਕੀ ਰਸਿਕਾ ਦੁੱਗਲ ਹੁਣ ਫਿਲਮ ‘ਲਾਰਡ ਕਰਜ਼ਨ ਕੀ ਹਵੇਲੀ’ ਵਿੱਚ ਨਜ਼ਰ ਆਏਗੀ। ਫਿਲਮ ‘ਲਵ ਸੈਕਸ ਔਰ ਧੋਖਾ’ ਵਿੱਚ ਐਕਟਿੰਗ ਕਰ ਚੁੱਕਾ ਅੰਸ਼ੁਮਨ ਝਾਅ ਇਸ ਫਿਲਮ ਨਾਲ ਨਿਰਦੇਸ਼ਨ ਦੇ ਫੀਲਡ ਵਿੱਚ ਕਦਮ ਰੱਖਣ ਵਾਲਾ ਹੈ। ਸੂਤਰਾਂ ਅਨੁਸਾਰ ਵਿਕਾਸ ਮਿਸ਼ਰਾ ਵੱਲੋਂ ਲਿਖੀ ਇਹ ਫਿਲਮ ਇੱਕ ਕਾਮੇਡੀ ਥ੍ਰਿਲਰ ਹੋਵੇਗੀ ਅਤੇ ਇਸ ਵਿੱਚ ਰਸਿਕਾ ਤੋਂ ਇਲਾਵਾ ਅਰਜੁਨ ਮਾਥੁਰ ਅਤੇ ਤਨਿਸ਼ਠਾ ਚੈਟਰਜੀ ਮੁੱਖ ਭੂਮਿਕਾਵਾਂ ਵਿੱਚ ਦਿਖਾਈ ਦੇਣਗੇ। ਫਿਲਮ ਦੀ ਸਟਾਰ ਕਾਸਟ ਬਾਰੇ ਅੰਸ਼ੁਮਨ ਨੇ ਕਿਹਾ, ‘‘ਆਪਣੀ ਵਿਧਾ 'ਚ ਮਾਹਿਰ ਅਭਿਨੇਤਾਵਾਂ ਨੂੰ ਪਾ ਕੇ ਮੈਂ ਬਹੁਤ ਖੁਸ਼ਕਿਸਮਤ ਹਾਂ। ਹਰ ਕੋਈ ਆਪਣੀ ਭੂਮਿਕਾ ਵਿੱਚ ਫਿੱਟ ਹੈ ਤੇ ਇੱਕ ਨਿਰਮਾਤਾ ਦੇ ਤੌਰ 'ਤੇ ਉਨ੍ਹਾਂ ਨਾਲ ਕੰਮ ਕਰਨਾ ਬਹੁਤ ਮਜ਼ੇਦਾਰ ਹੋਣ ਵਾਲਾ ਹੈ। ਮੈਂ ਪਹਿਲਾਂ ਉਨ੍ਹਾਂ ਨਾਲ ਸਹਿ-ਕਲਾਕਾਰ ਦੇ ਤੌਰ 'ਤੇ ਕੰਮ ਕਰ ਚੁੱਕਾ ਹਾਂ। ਮੈਨੂੰ ਪਤਾ ਹੈ ਕਿ ਇੰਨੇ ਚੰਗੇ ਕਲਾਕਾਰ ਹੋਣ ਨਾਲ ਮੇਰਾ ਕੰਮ ਕੁਝ ਆਸਾਨ ਹੋਣ ਵਾਲਾ ਹੈ, ਪਰ ਮੇਰੇ ਕੋਲ ਉਨ੍ਹਾਂ ਦੇ ਕੰਮ ਨੂੰ ਚੰਗੀ ਤਰ੍ਹਾਂ ਸਾਹਮਣੇ ਰੱਖਣ ਦੀ ਜ਼ਿੰਮੇਵਾਰੀ ਹੈ, ਪਰ ਵਿਕਾਸ ਮਿਸ਼ਰਾ ਦਾ ਸਕਰੀਨ ਪਲੇਅ ਸ਼ਾਨਦਾਰ ਹੈ।” ਇਸ ਫਿਲਮ ਦੀ ਸ਼ੂਟਿੰਗ ਵੱਡੇ ਪੱਧਰ 'ਤੇ ਇਸੇ ਮਹੀਨੇ ਲੰਡਨ ਵਿੱਚ ਸ਼ੁਰੂ ਹੋਣ ਵਾਲੀ ਹੈ।