ਅਭਿਨੇਤਰੀ ਤਾਪਸੀ ਪਨੂੰ ਦੀ ਪਿਛਲੀ ਫਿਲਮ ‘ਸਾਂਢ ਕੀ ਆਂਖ’ ਨੇ ਬਾਕਸ ਆਫਿਸ 'ਤੇ ਵਧੀਆ ਪ੍ਰਦਰਸ਼ਨ ਕੀਤਾ ਹੈ। ਇਸ ਨੂੰ ਕ੍ਰਿਟੀਕਸ ਦੇ ਨਾਲ ਹੀ ਦਰਸ਼ਕਾਂ ਨੇ ਵੀ ਕਾਫੀ ਪਸੰਦ ਕੀਤਾ ਹੈ। ਇਨ੍ਹਾਂ ਦਿਨੀਂ ਉਹ ਆਪਣੀ ਅਗਲੀ ਫਿਲਮ ‘ਰਸ਼ਮੀ ਰਾਕੇਟ’ ਦੀ ਸ਼ੂਟਿੰਗ ਵਿੱਚ ਬਿਜ਼ੀ ਹੈ। ਇਹ ਇੱਕ ਫਿਕਸ਼ਨਲ ਸਪੋਰਟਸ ਫਿਲਮ ਹੈ ਜਿਸ ਵਿੱਚ ਉਹ ਦੌੜਾਕ ਦੇ ਰੋਲ ਵਿੱਚ ਨਜ਼ਰ ਆਏਗੀ। ਸੁਣਨ ਵਿੱਚ ਆਇਆ ਹੈ ਕਿ ਤਾਪਸੀ ਇੰਡੀਅਨ ਕ੍ਰਿਕਟ ਟੀਮ ਦੀ ਸਾਬਕਾ ਕਪਤਾਨ ਮਿਤਾਲੀ ਰਾਜ ਦੀ ਬਾਇਓਪਿਕ ਵਿੱਚ ਉਸ ਦੇ ਰੋਲ ਵਿੱਚ ਨਜ਼ਰ ਆਏਗੀ। ਇਸ ਫਿਲਮ ਦਾ ਵਾਇਆਕਾਮ 18 ਪ੍ਰੋਡਿਊਸ ਕਰਨਗੇ।
ਚਰਚਾ ਹੈ ਕਿ ਇਸ ਫਿਲਮ ਦੇ ਡਾਇਰੈਕਟਰ ਨੂੰ ਵੀ ਫਾਈਨਲ ਕੀਤਾ ਜਾ ਚੁੱਕਾ ਹੈ। ਜੇ ਸਭ ਕੁਝ ਠੀਕ ਰਿਹਾ ਤਾਂ ਇਹ ਫਿਲਮ ਅਗਲੇ ਸਾਲ ਤੱਕ ਫਲੋਰ 'ਤੇ ਜਾਏਗੀ ਅਤੇ 2021 ਵਿੱਚ ਰਿਲੀਜ਼ ਹੋ ਸਕਦੀ ਹੈ। ਇਹ ‘ਸੂਰਮਾ' ਅਤੇ ‘ਸਾਂਢ ਕੀ ਆਂਖ' ਦੇ ਬਾਅਦ ਤਾਪਸੀ ਦੀ ਤੀਸਰੀ ਬਾਇਓਪਿਕ ਹੋਵੇਗੀ।