ਸਾਨ ਫਰਾਂਸਿਸਕੋ, 17 ਅਕਤੂਬਰ (ਪੋਸਟ ਬਿਊਰੋ)-ਅਮਰੀਕਾ 'ਚ ਭਾਰਤੀ ਮੂੂਲ ਦਾ ਇੱਕ ਆਈ ਟੀ ਪੇਸ਼ੇਵਰ ਆਪਣੀ ਕਾਰ 'ਚ ਇੱਕ ਲਾਸ਼ ਲੈ ਕੇ ਉਤਰੀ ਕੈਲੀਫੋਰਨੀਆ ਪੁਲਸ ਥਾਣੇ ਪਹੁੰਚਿਆ ਅਤੇ ਉਥੇ ਉਸ ਨੇ ਆਪਣੇ ਅਪਾਰਟਮੈਂਟ 'ਚ ਤਿੰਨ ਹੋਰ ਲੋਕਾਂ ਦੀ ਹੱਤਿਆ ਦਾ ਜੁਰਮ ਸਵੀਕਾਰ ਕਰ ਲਿਆ। ਬਾਅਦ 'ਚ ਉਸ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ। ਮਾਰੇ ਗਏ ਲੋਕਾਂ ਦੀ ਹਾਲੇ ਤੱਕ ਪਛਾਣ ਨਹੀਂ ਹੋਈ।
ਰੋਜ਼ਵਿਲੇ ਪੁਲਸ ਵਿਭਾਗ ਦੇ ਕੈਪਟਨ ਜੋਸ਼ੂਆ ਸਿਮੋਨ ਨੇ ਕਿਹਾ ਕਿ ਇਸ ਗੰਭੀਰ ਘਟਨਾ 'ਚ ਮਾਰੇ ਗਏ ਸਾਰੇ ਚਾਰ ਲੋਕ ਇਸ ਮੁਲਜ਼ਮ ਸ਼ੰਕਰ ਨਾਗੱਪਾ ਹੰਗੁਡ ਦੇ ਪਰਵਾਰ ਦੇ ਮੈਂਬਰ ਹਨ। ਸਿਮੋਨ ਨੇ ਚਾਰੋ ਮ੍ਰਿ੍ਰਤਕਾਂ ਦੇ ਨਾਂ ਨਹੀਂ ਦੱਸੇ, ਪਰ ਇਹ ਜ਼ਰੂਰ ਕਿਹਾ ਕਿ ਮਾਰੇ ਗਏ ਚਾਰ ਲੋਕਾਂ 'ਚ ਦੋ ਬਾਲਿਗ ਅਤੇ ਦੋ ਨਾਬਾਲਿਗ ਹਨ। ਪੁਲਸ ਨੇ ਕਿਹਾ ਕਿ ਹੰਗੁਡ ਲਾਲ ਰੰਗ ਦੀ ਆਪਣੀ ਕਾਰ 'ਚ ਸ਼ਹਿਰ ਦੇ ਥਾਣੇ ਪਹੁੰਚਿਆ ਅਤੇ ਉਸਨੇ ਅਧਿਕਾਰੀਆਂ ਨੂੰ ਕਿਹਾ ਕਿ ਉਸਨੇ ਰੋਜ਼ਵਿਲੇ ਸ਼ਹਿਰ ਦੀ ਪਲੇਸਰ ਕਾਊਂਟੀ 'ਚ ਆਪਣੇ ਅਪਾਰਟਮੈਂਟ 'ਚ ਲੋਕਾਂ ਦੀ ਹੱਤਿਆ ਕੀਤੀ ਹੈ। ਸਿਮੋਨ ਨੇ ਕਿਹਾ ਕਿ ਹੰਗੁਡ ਨੂੰ ਹਿਰਾਸਤ 'ਚ ਲੈ ਲਿਆ ਗਿਆ ਤੇ ਉਹ ਹੱਤਿਆ ਦੇ ਚਾਰ ਮੁਲਜ਼ਮਾਂ ਦਾ ਸਾਹਮਣਾ ਕਰੇਗਾ। ਹੰਗੁਡ ਦੇ ਲਿੰਕਡਿਨ ਪ੍ਰੋਫਾਈਲ ਦੇ ਮੁਤਾਬਕ ਉਹ ਨੇ ਕਈ ਕੰਪਨੀਆਂ 'ਚ ਕੰਮ ਕੀਤਾ ਹੈ।