ਓਟਵਾ, 2 ਦਸੰਬਰ (ਪੋਸਟ ਬਿਊਰੋ): ਦਸੰਬਰ ਦਾ ਦੂਜਾ ਦਿਨ ਸ਼ੁਰੂ ਹੁੰਦੇ ਹੀ, ਤੱਟ ਤੋਂ ਤੱਟ ਤੱਕ ਕੈਨੇਡਾ ਦੇ ਲੋਕ ਠੰਡ ਦਾ ਸਾਹਮਣਾ ਕਰ ਰਹੇ ਹਨ। ਗਰੇਟ ਲੇਕਸ ਖੇਤਰ ਵਿੱਚ ਭਾਰੀ ਬਰਫਬਾਰੀ ਅਤੇ ਤੂਫਾਨ ਤੋਂ ਲੈ ਕੇ ਪ੍ਰੇਇਰੀਜ਼ ਵਿੱਚ ਕੜਾਕੇ ਦੀ ਠੰਡ ਤੱਕ, ਲੋਕਾਂ ਨੂੰ ਮੌਸਮ ਦਾ ਮਿਲਿਆ-ਜੁਲਿਆ ਰੂਪ ਦੇਖਣ ਨੂੰ ਮਿਲ ਰਿਹਾ ਹੈ।

ਕੈਲਗਰੀ ਅਤੇ ਐਡਮਿੰਟਨ ਵਿੱਚ ਠੰਡ ਤੋਂ ਥੋੜ੍ਹੀ ਰਾਹਤ ਮਿਲੀ ਹੈ, ਕਿਉਂਕਿ ਹਫ਼ਤੇ ਦਾ ਤਾਪਮਾਨ ਸਿਫ਼ਰ ਤੋਂ ਉੱਪਰ ਰਿਹਾ।
ਠੰਡ ਦੱਖਣ ਅਲਬਰਟਾ ਅਤੇ ਸਸਕੇਚੇਵਾਨ ਵਿੱਚ ਵੀ ਪੈ ਰਹੀ ਹੈ। ਸਵੇਰ ਦਾ ਤਾਪਮਾਨ ਠੰਡਾ ਰਹਿਣ ਵਾਲਾ ਹੈ। ਰੇਜਿਨਾ ਵਿੱਚ -14 ਡਿਗਰੀ ਸੈਲਸੀਅਸ ਅਤੇ ਸਾਸਕਾਟੂਨ ਵਿੱਚ -12 ਡਿਗਰੀ ਸੈਲਸੀਅਸ ਤੱਕ ਤਾਪਮਾਨ ਰਹਿਣ ਦਾ ਅਨੁਮਾਨ ਹੈ।
ਮੈਨਿਟੋਬਾ ਵਿੱਚ ਵੀ ਠੰਡ ਦਾ ਅਜਿਹਾ ਹੀ ਰੁਖ਼ ਦੇਖਣ ਨੂੰ ਮਿਲ ਰਿਹਾ ਹੈ। ਜਿੱਥੇ ਸੋਮਵਾਰ ਨੂੰ ਵਿੰਨੀਪੇਗ ਵਿੱਚ ਤਾਪਮਾਨ -12 ਡਿਗਰੀ ਸੈਲਸੀਅਸ ਤੱਕ ਪਹੁੰਚ ਗਿਆ, ਜਦੋਂਕਿ ਮੰਗਲਵਾਰ ਨੂੰ ਇਹ -5 ਡਿਗਰੀ ਸੈਲਸੀਅਸ ਤੱਕ ਪਹੁੰਚ ਗਿਆ।
ਓਂਟਾਰੀਓ ਅਤੇ ਕਿਊਬੇਕ ਵਿੱਚ ਬਰਫਬਾਰੀ ਹੋ ਰਹੀ ਹੈ, ਖਾਸ ਤੌਰ ਉੱਤੇ ਗਰੇਟ ਲੇਕਸ ਦੇ ਖੇਤਰਾਂ ਵਿੱਚ, ਜਿਸ ਵਿੱਚ ਨਿਊਯਾਰਕ ਅਤੇ ਮਿਸ਼ੀਗਨ ਵਰਗੇ ਅਮਰੀਕੀ ਰਾਜ ਸ਼ਾਮਿਲ ਹਨ।
ਕੁੱਝ ਖੇਤਰਾਂ ਵਿੱਚ 50 ਸੈਂਟੀਮੀਟਰ ਤੱਕ ਬਰਫਬਾਰੀ ਹੋਈ ਹੈ, ਖਾਸ ਤੌਰ `ਤੇ ਹੂਰੋਨ ਝੀਲ ਅਤੇ ਜਾਰਜਿਆਈ ਖਾੜੀ ਕੋਲ ਬਰਫਬਾਰੀ ਹੋਈ ਹੈ। ਓਵੇਨ ਸਾਊਂਡ, ਲੰਡਨ ਅਤੇ ਸਟਰੈਟਫੋਰਡ ਵਰਗੇ ਓਂਟਾਰੀਓ ਖੇਤਰਾਂ ਲਈ ਬਰਫਬਾਰੀ ਦੀ ਚਿਤਾਵਨੀ ਜਾਰੀ ਕੀਤੀ ਗਈ ਹੈ। ਇੱਥੇ ਬਰਫਬਾਰੀ ਦੀ ਵੱਧ ਤੋਂ ਵੱਧ ਦਰ ਪੰਜ ਤੋਂ 10 ਸੈਂਟੀਮੀਟਰ ਪ੍ਰਤੀ ਘੰਰਾ ਹੋ ਸਕਦੀ ਹੈ।
ਇਸ ਹਫ਼ਤੇ ਦੇ ਅੰਤ ਵਿੱਚ ਓਂਟਾਰਯੋ ਅਤੇ ਕਿਊਬੇਕ ਵਿੱਚ ਦਿਨ ਦੇ ਸਮੇਂ ਦੇ ਤਾਪਮਾਨ ਨੂੰ ਪ੍ਰਭਾਵਿਤ ਕਰਨ ਲਈ ਹਵਾ ਦਾ ਕਹਿਰ ਹੋ ਸਕਦਾ ਹੈ। ਮੌਸਮ ਵਿਗਿਆਨੀਆਂ ਅਨੁਸਾਰ ਉਪਰੀ ਹਵਾ ਪੈਟਰਨ ਵਿੱਚ ਇੱਕ ਜੇਟ ਸਟਰੀਮ ਨੂੰ ਦੱਖਣ ਵੱਲ ਧਕੇਲ ਦੇਵੇਗਾ, ਜਿਸ ਨਾਲ ਇਨ੍ਹਾਂ ਖੇਤਰਾਂ ਵਿੱਚ ਠੰਡੀਆਂ ਹਵਾਵਾਂ ਚੱਲਣਗੀਆਂ।