ਮੁੰਬਈ, 7 ਨਵੰਬਰ (ਪੋਸਟ ਬਿਊਰੋ): ਇਨ੍ਹੀਂ ਦਿਨੀਂ ਹੈਦਰਾਬਾਦ ਦੇ ਮਸ਼ਹੂਰ ਤਾਜ ਫਲਕਨੁਮਾ ਪੈਲੇਸ 'ਚ ਸਲਮਾਨ ਖਾਨ ਦੀ ਫਿਲਮ ਸਿਕੰਦਰ ਦੀ ਸ਼ੂਟਿੰਗ ਚੱਲ ਰਹੀ ਹੈ। ਇਸ ਦੌਰਾਨ ਫਿਲਮ ਦੇ ਸੈੱਟ ਤੋਂ ਇਕ ਵੀਡੀਓ ਲੀਕ ਹੋਇਆ ਹੈ, ਜਿਸ 'ਚ ਫਿਲਮ ਦੀ ਲੀਡ ਹੀਰੋਇਨ ਰਸ਼ਮਿਕਾ ਮੰਦਾਨਾ ਦੀ ਪਹਿਲੀ ਝਲਕ ਨਜ਼ਰ ਆ ਰਹੀ ਹੈ। ਇਸ ਤੋਂ ਇਲਾਵਾ ਵੀਡੀਓ 'ਚ ਫਿਲਮ ਦੀ ਸ਼ੂਟਿੰਗ ਦੇ ਕੁਝ ਦ੍ਰਿਸ਼ ਵੀ ਨਜ਼ਰ ਆ ਰਹੇ ਹਨ।
ਇਸ ਵਾਇਰਲ ਵੀਡੀਓ 'ਚ ਫਿਲਮ ਸਿਕੰਦਰ ਦਾ ਸੈੱਟ ਨਜ਼ਰ ਆ ਰਿਹਾ ਹੈ। ਇਸ ਵਿੱਚ ਕਰੂ ਦਲ ਦੇ ਮੈਂਬਰ ਦਿਖਾਈ ਦੇ ਰਹੇ ਹਨ, ਅਤੇ ਰਸ਼ਮਿਕਾ ਮੰਦਾਨਾ ਇੱਕ ਮਾਨੀਟਰ 'ਤੇ ਦਿਖਾਈ ਦੇ ਰਹੇ ਹਨ। ਹਾਲਾਂਕਿ ਇਸ ਵੀਡੀਓ 'ਚ ਸਲਮਾਨ ਖਾਨ ਨਜ਼ਰ ਨਹੀਂ ਆਏ।
ਦਰਅਸਲ, ਸਲਮਾਨ ਖਾਨ ਨੂੰ ਪਿਛਲੇ ਕੁਝ ਸਮੇਂ ਤੋਂ ਜਾਨੋਂ ਮਾਰਨ ਦੀਆਂ ਧਮਕੀਆਂ ਮਿਲ ਰਹੀਆਂ ਹਨ। ਇਸ ਦੌਰਾਨ, ਅਦਾਕਾਰ ਹੁਣ ਸਿਕੰਦਰ ਦੀ ਸ਼ੂਟਿੰਗ ਲਈ ਹੈਦਰਾਬਾਦ ਦੇ ਮਸ਼ਹੂਰ ਤਾਜ ਫਲਕਨੁਮਾ ਪੈਲੇਸ ਵਿੱਚ ਵਾਪਿਸ ਆ ਗਏ ਹਨ, ਜਿੱਥੇ ਉਨ੍ਹਾਂ ਦੀ ਸੁਰੱਖਿਆ ਨੂੰ ਧਿਆਨ ਵਿੱਚ ਰੱਖਦੇ ਹੋਏ ਸਖ਼ਤ ਸੁਰੱਖਿਆ ਪ੍ਰਬੰਧ ਕੀਤੇ ਗਏ ਹਨ। ਤਾਜ ਫਲਕਨੁਮਾ ਪੈਲੇਸ ਨੂੰ ਸ਼ਾਨਦਾਰ ਲਾਈਟਾਂ ਨਾਲ ਸਜਾਇਆ ਗਿਆ ਹੈ।