ਨਵੀਂ ਦਿੱਲੀ, 22 ਅਗਸਤ (ਪੋਸਟ ਬਿਊਰੋ): ਹੇਮਾ ਮਾਲਿਨੀ ਹਾਲ ਹੀ 'ਚ ਭਜਨ ਲਾਂਚ ਈਵੈਂਟ ਲਈ ਇਸਕੋਨ ਮੰਦਰ ਪਹੁੰਚੇ ਸਨ। ਇਸ ਘਟਨਾ ਦਾ ਇੱਕ ਵੀਡੀਓ ਸਾਹਮਣੇ ਆਇਆ ਹੈ, ਜਿਸ ਵਿੱਚ ਅਭਿਨੇਤਰੀ ਇੱਕ ਔਰਤ ਦੇ ਛੂਹਣ ਤੋਂ ਪ੍ਰੇਸ਼ਾਨ ਹੋ ਕੇ ਉਸਦਾ ਹੱਥ ਹਟਾਉਂਦੀ ਨਜ਼ਰ ਆ ਰਹੀ ਹੈ। ਜਦੋਂ ਤੋਂ ਇਹ ਵੀਡੀਓ ਵਾਇਰਲ ਹੋਇਆ ਹੈ, ਹੇਮਾ ਮਾਲਿਨੀ ਨੂੰ ਉਨ੍ਹਾਂ ਦੇ ਵਿਵਹਾਰ ਲਈ ਜ਼ਬਰਦਸਤ ਟ੍ਰੋਲ ਕੀਤਾ ਜਾ ਰਿਹਾ ਹੈ।
ਦਰਅਸਲ, ਹੇਮਾ ਮਾਲਿਨੀ ਭਜਨ ਦੇ ਰਿਲੀਜ਼ ਈਵੈਂਟ ਲਈ ਇਸਕਾਨ ਮੰਦਰ ਪਹੁੰਚੇ ਸਨ। ਇਸ ਸਮਾਗਮ ਵਿੱਚ ਅਨੂਪ ਜਲੋਟਾ ਅਤੇ ਨਿਤਿਨ ਮੁਕੇਸ਼ ਸਮੇਤ ਕਈ ਮਸ਼ਹੂਰ ਹਸਤੀਆਂ ਨੇ ਸਿ਼ਰਕਤ ਕੀਤੀ। ਈਵੈਂਟ 'ਚ ਹੇਮਾ ਭਜਨ ਗਾਇਕ ਅਨੂਪ ਜਲੋਟਾ ਨਾਲ ਤਸਵੀਰਾਂ ਕਲਿੱਕ ਕਰਵਾ ਰਹੀ ਸੀ ਉਦੋਂ ਚਿੱਟੇ ਕੱਪੜੇ ਪਹਿਨੀ ਇਕ ਔਰਤ ਹੇਮਾ ਮਾਲਿਨੀ ਨਾਲ ਤਸਵੀਰਾਂ ਕਲਿੱਕ ਕਰਵਾਉਣ ਆਈ। ਔਰਤ ਹੇਮਾ ਮਾਲਿਨੀ ਦੇ ਨੇੜੇ ਆਈ ਅਤੇ ਮੋਢੇ 'ਤੇ ਹੱਥ ਰੱਖਣ ਦੀ ਕੋਸਿ਼ਸ਼ ਕੀਤੀ। ਇਸ ਤੋਂ ਅਭਿਨੇਤਰੀ ਖਿਝ ਗਈ ਅਤੇ ਅਸਹਿਜ ਮਹਿਸੂਸ ਕੀਤਾ ਅਤੇ ਹੱਥ ਹਟਾਉਣਾ ਸ਼ੁਰੂ ਕਰ ਦਿੱਤਾ। ਉਨ੍ਹਾਂ ਨੇ ਇਹ ਵੀ ਕਿਹਾ ਕਿ ਹੱਥ ਨਾ ਲਗਾਓ।