ਸੂਰਤ, 7 ਜੁਲਾਈ (ਪੋਸਟ ਬਿਊਰੋ): ਸੂਰਤ ਸ਼ਹਿਰ ਦੇ ਸਚਿਨ ਉਦਯੋਗਿਕ ਖੇਤਰ ਵਿੱਚ ਸ਼ਨੀਵਾਰ ਦੁਪਹਿਰ ਨੂੰ ਇੱਕ ਪੰਜ ਮੰਜਿ਼ਲਾ ਇਮਾਰਤ ਡਿੱਗ ਗਈ। ਬਚਾਅ ਦਲ ਨੂੰ ਐਤਵਾਰ ਸਵੇਰ ਤੱਕ 7 ਲੋਕਾਂ ਦੀਆਂ ਲਾਸ਼ਾਂ ਮਿਲ ਚੁੱਕੀਆਂ ਹਨ। ਜਦੋਂਕਿ ਇੱਕ ਔਰਤ ਗੰਭੀਰ ਜ਼ਖ਼ਮੀ ਹੈ। ਟੀਮ ਵੱਲੋਂ ਬਚਾਅ ਕਾਰਜ ਜਾਰੀ ਹੈ। ਮਲਬਾ ਹਟਾਉਣ ਦਾ ਕੰਮ ਜਾਰੀ ਹੈ।
ਹਾਦਸੇ 'ਚ ਜਾਨ ਗਵਾਉਣ ਵਾਲਿਆਂ ਦੇ ਨਾਂ ਹੀਰਾਮਨ ਕੇਵਤ, ਅਭਿਸ਼ੇਕ ਕੇਵਤ, ਸ਼ਿਵਪੂਜਨ ਕੇਵਤ, ਸਾਹਿਲ, ਪ੍ਰਵੇਸ਼, ਬ੍ਰਿਜੇਸ਼ ਗੋਂਡ ਹਨ। ਸੱਤਵੇਂ ਦੀ ਪਛਾਣ ਨਹੀਂ ਹੋ ਸਕੀ ਹੈ। ਹਾਦਸੇ 'ਚ ਜ਼ਖਮੀ ਹੋਏ ਕਸਿਸ਼ ਸ਼ਰਮਾ ਨੂੰ ਹਸਪਤਾਲ 'ਚ ਭਰਤੀ ਕਰਵਾਇਆ ਗਿਆ ਹੈ। ਇਮਾਰਤ 2017 ਵਿੱਚ ਹੀ ਬਣਾਈ ਗਈ ਸੀ। ਇਸ ਦੇ ਨਿਰਮਾਣ ਦੀ ਗੁਣਵੱਤਾ ਦਾ ਅੰਦਾਜ਼ਾ ਸਿਰਫ਼ 7 ਸਾਲਾਂ ਵਿੱਚ ਪੂਰੀ ਇਮਾਰਤ ਦੇ ਢਹਿ ਜਾਣ ਤੋਂ ਆਸਾਨੀ ਨਾਲ ਲਗਾਇਆ ਜਾ ਸਕਦਾ ਹੈ।
ਪਹਿਲੀ ਲਾਸ਼ ਸ਼ਨੀਵਾਰ ਰਾਤ 9:10 ਵਜੇ ਬਾਹਰ ਕੱਢੀ ਗਈ। ਇਸ ਤੋਂ ਬਾਅਦ ਦੂਸਰੀ ਲਾਸ਼ ਸਵੇਰੇ 11:50 ਵਜੇ, ਤੀਸਰੀ ਸ਼ਾਮ 4 ਵਜੇ, ਚੌਥੀ 4:30 ਵਜੇ ਅਤੇ ਤਿੰਨ ਲਾਸ਼ਾਂ ਨੂੰ 4:45 ਵਜੇ ਇਕੱਠਿਆਂ ਬਾਹਰ ਕੱਢਿਆ ਗਿਆ। ਮਲਬੇ ਹੇਠ 2-3 ਹੋਰ ਲੋਕਾਂ ਦੇ ਦੱਬੇ ਹੋਣ ਦਾ ਖਦਸ਼ਾ ਹੈ।