ਓਟਾਵਾ, 20 ਜੂਨ (ਪੋਸਿਟ ਬਿਊਰੋ): ਸੀਨੇਟ ਨੇ ਵਿਦੇਸ਼ੀ ਦਖ਼ਲ ਨੂੰ ਰੋਕਣ, ਜਾਂਚ ਕਰਣ ਅਤੇ ਦੰਡਿਤ ਕਰਨ ਵਿੱਚ ਮਦਦ ਕਰਨ ਦੇ ਉਦੇਸ਼ ਨਾਲ ਇੱਕ ਸਰਕਾਰੀ ਬਿੱਲ ਪਾਸ ਕੀਤਾ ਹੈ। ਸੀਨੇਟਰਾਂ ਨੇ ਬੁੱਧਵਾਰ ਦੇਰ ਰਾਤ ਇੱਕ ਪ੍ਰਸਤਾਵਿਤ ਸੋਧ ਨੂੰ ਵੋਟ ਦੇਣ ਤੋਂ ਬਾਅਦ ਇਸ ਬਿੱਲ ਨੂੰ ਮਨਜ਼ੂਰੀ ਦੇ ਦਿੱਤੀ ਜਿਸਦਾ ਉਦੇਸ਼ ਇਹ ਯਕੀਨੀ ਕਰਨਾ ਹੈ ਕਿ ਨਿਰਦੋਸ਼ ਲੋਕ ਇਸਦੇ ਜਾਲ ਵਿੱਚ ਨ ਫਸਣ।

ਇਹ ਬਿੱਲ, ਜਿਸਨੂੰ ਸ਼ਾਹੀ ਮਨਜ਼ੂਰੀ ਦਾ ਇੰਤਜ਼ਾਰ ਹੈ, ਚਾਲਬਾਜ਼ ਜਾਂ ਗੁਪਤ ਗਤੀਵਿਧੀਆਂ ਖਿਲਾਫ ਆਪਰਾਧਿਕ ਵਿਵਸਥਾ ਪੇਸ਼ ਕਰੇਗਾ, ਕਾਰੋਬਾਰਾਂ ਦੇ ਨਾਲ ਸੰਵੇਦਨਸ਼ੀਲ ਜਾਣਕਾਰੀ ਸਾਂਝਾ ਕਰਨ ਦੀ ਆਗਿਆ ਦੇਵੇਗਾ ਅਤੇ ਇੱਕ ਵਿਦੇਸ਼ੀ ਪ੍ਰਭਾਵ ਪਾਰਦਰਸਿ਼ਤਾ ਰਜਿਸਟਰੀ ਸਥਾਪਤ ਕਰੇਗਾ।
ਬਿੱਲ ਵਿੱਚ ਮਾਨਤਾ ਦਿੱਤੀ ਗਈ ਹੈ ਕਿ ਰਾਜ ਅਤੇ ਹੋਰ ਵਿਦੇਸ਼ੀ ਸੰਸਥਾਵਾਂ ਜੋ ਰਾਜਨੀਤਕ ਉਦੇਸ਼ਾਂ ਨੂੰ ਅੱਗੇ ਵਧਾਉਣ ਲਈ ਦਖਲ ਕਰਦੀਆਂ ਹਨ, ਉਹ ਉਨ੍ਹਾਂ ਸਬੰਧਾਂ ਦਾ ਖੁਲਾਸਾ ਕੀਤੇ ਬਿਨ੍ਹਾਂ, ਆਪਣੇ ਵਲੋਂ ਕੰਮ ਕਰਨ ਲਈ ਲੋਕਾਂ ਨੂੰ ਨਿਯੁਕਤ ਕਰ ਸਕਦੀਆਂ ਹਨ।
ਪਾਰਦਰਸਿ਼ਤਾ ਰਜਿਸਟਰੀ ਲਈ ਕੁੱਝ ਆਦਮੀਆਂ ਨੂੰ ਅਜਿਹੀ ਗਤੀਵਿਧੀ ਤੋਂ ਬਚਣ ਵਿੱਚ ਮਦਦ ਕਰਣ ਲਈ ਫੈਡਰਲ ਸਰਕਾਰ ਨਾਲ ਰਜਿਸਟਰਡ ਕਰਣ ਦੀ ਲੋੜ ਹੋਵੇਗੀ।
ਸਿਵਲ ਸੁਸਾਇਟੀ ਗਰੁੱਪਾਂ ਨੇ ਇਸ ਬਿੱਲ `ਤੇ ਵਿਚਾਰ ਕਰਨ ਲਈ ਹੋਰ ਸਮਾਂ ਮੰਗਿਆ, ਜਿਸਨੂੰ ਸੱਤ ਹਫ਼ਤੇ ਤੋਂ ਵੀ ਘੱਟ ਸਮਾਂ ਪਹਿਲਾਂ ਹਾਊਸ ਆਫ ਕਾਮਨਜ਼ ਵਿੱਚ ਪੇਸ਼ ਕੀਤਾ ਗਿਆ ਸੀ। ਉਨ੍ਹਾਂ ਨੇ ਕਿਹਾ ਕਿ ਜਲਦਬਾਜ਼ੀ ਕਾਰਨ ਦੋਸ਼ਪੂਰਨ ਵਿਵਸਥਾਵਾਂ ਹੋ ਸਕਦੀਆਂ ਹਨ ਜੋ ਲੋਕਾਂ ਦੇ ਅਧਿਕਾਰਾਂ ਦੀ ਉਲੰਘਣਾ ਕਰਦੀਆਂ ਹਨ।