ਟੋਰਾਂਟੋ, 7 ਜੂਨ (ਪੋਸਟ ਬਿਊਰੋ) : ਟੋਰਾਂਟੋ ਵਿੱਚ ਹਾਈਵੇਅ 404 ਉੱਤੇ ਰਾਤ ਸਮੇਂ ਹੋਏ ਹਾਦਸੇ ਵਿੱਚ ਇੱਕ 23 ਸਾਲਾ ਨੌਜਵਾਨ ਦੀ ਮੌਤ ਹੋ ਗਈ।
ਓਨਟਾਰੀਓ ਪ੍ਰੋਵਿੰਸ਼ੀਅਲ ਪੁਲਿਸ ਨੇ ਦੱਸਿਆ ਕਿ ਇਹ ਹਾਦਸਾ ਬੁੱਧਵਾਰ ਰਾਤ ਨੂੰ 12:30 ਵਜੇ ਦੇ ਨੇੜੇ ਤੇੜੇ ਸਟੀਲਜ਼ ਐਵਨਿਊ ਦੇ ਦੱਖਣ ਵੱਲ ਹਾਈਵੇਅ 404 ਦੀਆਂ ਦੱਖਣ ਵਾਲੀਆਂ ਲੇਨਜ਼ ਵਿੱਚ ਇਕਹਿਰੀ ਗੱਡੀ ਨੂੰ ਪੇਸ਼ ਆਇਆ। ਪੁਲਿਸ ਨੇ ਆਖਿਆ ਕਿ ਫੋਰਡ ਮਸਟੈਂਗ ਪਹਿਲਾਂ ਸੈਂਟਰ ਬੈਰੀਅਰ ਨਾਲ ਟਕਰਾਈ ਤੇ ਫਿਰ ਪਲਟ ਗਈ ਤੇ ਬਿਲਕੁਲ ਪੁੱਠੀ ਹੋ ਗਈ।
ਇਸ ਵਿੱਚ ਸਵਾਰ 23 ਸਾਲਾ ਡਰਾਈਵਰ ਨੂੰ ਮੌਕੇ ਉੱਤੇ ਹੀ ਮ੍ਰਿਤਕ ਐਲਾਨ ਦਿੱਤਾ ਗਿਆ। ਗੱਡੀ ਵਿੱਚ ਸਿਰਫ ਉਹੀ ਇੱਕ ਸ਼ਖਸ ਮੌਜੂਦ ਸੀ। ਇਨ੍ਹਾਂ ਲੇਨਜ਼ ਨੂੰ ਜਾਂਚ ਲਈ ਸਟੀਲਜ਼ ਕੋਲ ਬੰਦ ਕਰ ਦਿੱਤਾ ਗਿਆ ਸੀ ਪਰ ਫਿਰ ਸਵੇਰੇ 8:00 ਵਜੇ ਇਨ੍ਹਾਂ ਨੂੰ ਖੋਲ੍ਹ ਦਿੱਤਾ ਗਿਆ।