ਇਸ ਸਾਲ ਸੁਸ਼ਾਂਤ ਪ੍ਰਸਨਸਲ ਅਤੇ ਪ੍ਰੋਫੈਸ਼ਨਲ ਦੋਵਾਂ ਫਰੰਟ ਉਤੇ ਸੁਰਖੀਆਂ ਵਿੱਚ ਬਣੇ ਰਹੇ। ਇੱਕ ਪਾਸੇ ਜਿੱਥੇ ਕ੍ਰਿਤੀ ਸਨਨ ਨਾਲ ਉਸ ਦੇ ਰਿਲੇਸ਼ਨ ਦੀਆਂ ਖਬਰਾਂ ਚਰਚਾ ਵਿੱਚ ਰਹੀਆਂ, ਦੂਜੇ ਪਾਸੇ ਉਸ ਦੀਆਂ ਫਿਲਮਾਂ ਦੀ ਰਿਲੀਜ਼ ਡੇਟ ਵੀ ਅੱਗੇ ਵਧਦੀ ਰਹੀ ਸੀ। ਉਸ ਦੀ ‘ਕੇਦਾਰਨਾ' ਅਤੇ ‘ਡਰਾਈਵ’ ਵਰਗੀਆਂ ਫਿਲਮਾਂ ਇਸ ਸਾਲ ਰਿਲੀਜ਼ ਹੋਣ ਵਾਲੀਆਂ ਸਨ, ਪਰ ਇਹ ਫਿਲਮਾਂ ਅਗਲੇ ਸਾਲ ਰਿਲੀਜ਼ ਹੋਣਗੀਆਂ।
ਇਸ ਸਾਲ ਉਨ੍ਹਾਂ ਦੀ ਕੋਈ ਫਿਲਮ ਰਿਲੀਜ਼ ਨਹੀਂ ਹੋਵੇਗੀ। ਇੱਕ ਹੋਰ ਫਿਲਮ ਹੈ ਜਿਸ ਵਿੱਚ ਸੁਸ਼ਾਂਤ ਆਈ ਆਈ ਟੀ ਇੰਜੀਨੀਅਰ ਦਾ ਰੋਲ ਨਿਭਾ ਰਹੇ ਹਨ ਉਸ ਦਾ ਟਾਈਟਲ ਅਜੇ ਤੱਕ ਡਿਸਾਈਡ ਨਹੀਂ ਹੋ ਸਕਿਆ ਹੈ।
ਸੁਣਨ ਵਿੱਚ ਆਇਆ ਹੈ ਕਿ ਇਸ ਫਿਲਮ ਦਾ ਨਾਂਅ ‘ਛਿਛੋਰੇ’ ਰੱਖਿਆ ਜਾ ਸਕਦਾ ਹੈ। ਖੈਰ, ਇਨ੍ਹਾਂ ਸਾਰੀਆਂ ਫਿਲਮਾਂ 'ਤੇ ਹਣ ਕਲੈਰਿਟੀ ਆ ਗਈ ਹੈ। ਅਗਲੇ ਸਾਲ ਉਨ੍ਹਾਂ ਦੀਆਂ ਪੰਜ ਫਿਲਮਾਂ ਰਿਲੀਜ਼ ਹੋ ਸਕਦੀਆਂ ਹਨ। ਇਨ੍ਹਾਂ ਵਿੱਚ ‘ਡਰਾਈਵ’, ‘ਕੇਦਾਰਨਾਥ’, ‘ਸੋਨ ਚਿਰੱਈਆ’, ‘ਕਿਜ਼ੀ ਔਰ ਮੈਨੀ’ ਅਤੇ ‘ਛਿਛੋਰੇ’ ਹੋ ਸਕਦੀਆਂ ਹਨ।