ਓਨਟਾਰੀਓ, 31 ਮਾਰਚ (ਪੋਸਟ ਬਿਊਰੋ) : ਪਹਿਲੀ ਅਕਤੂਬਰ ਤੋਂ ਓਨਟਾਰੀਓ ਵਿੱਚ ਘੱਟ ਤੋਂ ਘੱਟ ਉਜਰਤਾਂ ਵਿੱਚ ਵਾਧਾ ਹੋਣ ਜਾ ਰਿਹਾ ਹੈ। ਘੱਟ ਤੋਂ ਘੱਟ ਉਜਰਤਾਂ ਹੁਣ ਪ੍ਰਤੀ ਘੰਟੇ ਪਿੱਛੇ 16·55 ਡਾਲਰ ਹੋਣਗੀਆਂ।
ਇਸ ਸਮੇਂ ਓਨਟਾਰੀਓ ਵਿੱਚ ਘੱਟ ਤੋਂ ਘੱਟ ਉਜਰਤਾਂ ਪ੍ਰਤੀ ਘੰਟਾ 15·50 ਡਾਲਰ ਹਨ ਤੇ ਇਸ ਵਿੱਚ 6·8 ਫੀ ਸਦੀ ਦਾ ਵਾਧਾ ਕੀਤਾ ਜਾ ਰਿਹਾ ਹੈ। ਸਰਕਾਰ ਦਾ ਕਹਿਣਾ ਹੈ ਕਿ ਇਸ ਵਾਧੇ ਤੋਂ ਭਾਵ ਇਹ ਹੋਵੇਗਾ ਕਿ ਕੋਈ ਵਿਅਕਤੀ ਜਿਹੜਾ ਘੱਟ ਤੋਂ ਘੱਟ ਭੱਤੇ ਹਾਸਲ ਕਰ ਰਿਹਾ ਹੈ ਤੇ ਹਫਤੇ ਵਿੱਚ 40 ਘੰਟੇ ਕੰਮ ਕਰਦਾ ਹੈ ਤਾਂ ਉਸ ਨੂੰ ਹਰ ਸਾਲ ਘੱਟੋ ਘੱਟ 2,200 ਡਾਲਰ ਦਾ ਫਾਇਦਾ ਹੋਵੇਗਾ।
ਇਸ ਦੌਰਾਨ ਲੇਬਰ ਐਡਵੋਕੇਟਸ ਤੇ ਵਿਰੋਧੀ ਧਿਰ ਦੇ ਲੀਡਰਾਂ ਦਾ ਕਹਿਣਾ ਹੈ ਕਿ ਓਨਟਾਰੀਓ ਸਰਕਾਰ ਨੂੰ ਘੱਟ ਤੋਂ ਘੱਟ ਉਜਰਤਾਂ 20 ਡਾਲਰ ਪ੍ਰਤੀ ਘੰਟਾ ਕਰ ਦੇਣੀਆਂ ਚਾਹੀਦੀਆਂ ਹਨ। ਓਨਟਾਰੀਓ ਲਿਵਿੰਗ ਵੇਜ ਨੈੱਟਵਰਕ ਦਾ ਕਹਿਣਾ ਹੈ ਕਿ ਪ੍ਰੋਵਿੰਸ ਦੇ ਕਈ ਹਿੱਸਿਆਂ ਵਿੱਚ ਇਸ ਸਮੇਂ ਉਜਰਤਾਂ 19 ਡਾਲਰ ਤੱਕ ਹਨ ਤੇ ਗ੍ਰੇਟਰ ਟੋਰਾਂਟੋ ਏਰੀਆ ਵਿੱਚ ਇਹ 23 ਡਾਲਰ ਤੋਂ ਵੀ ਵੱਧ ਹਨ।