ਵਸ਼ਿੰਗਟਨ, 5 ਫਰਵਰੀ (ਪੋਸਟ ਬਿਊਰੋ) - ਅਮਰੀਕਾ ਵਿਚ ਤੇਜ ਸਰਦੀ ਅਤੇ ਬਰਫਬਾਰੀ ਨੇ ਤਬਾਹੀ ਮਚਾ ਦਿੱਤੀ ਹੈ। ਉੱਤਰ-ਪੂਰਬੀ ਅਮਰੀਕਾ ਦੇ ਖੇਤਰਾਂ ਵਿੱਚ ਘੱਟੋ-ਘੱਟ ਤਾਪਮਾਨ -42 ਡਿਗਰੀ ਤੱਕ ਪਹੁੰਚ ਗਿਆ ਹੈ। ਠੰਢ ਦੇ ਕਹਿਰ ਨੇ ਰੋਜਾਨਾ ਦੀ ਜ਼ਿੰਦਗੀ ਨੂੰ ਵਿਗਾੜ ਕੇ ਰੱਖ ਦਿੱਤਾ ਹੈ। ਅਮਰੀਕਾ ਦੇ ਉੱਤਰ-ਪੂਰਬ ਵਿਚ ਤਾਪਮਾਨ ਰਿਕਾਰਡ ਹੇਠਲੇ ਪੱਧਰ ਤੱਕ ਡਿੱਗ ਗਿਆ ਹੈ। ਮੌਸਮ ਵਿਭਾਗ ਦੀ ਰਿਪੋਰਟ ਮੁਤਾਬਕ ਨਿਊ ਹੈਂਪਸਾਇਰ ਅਤੇ ਮਾਊਂਟ ਵਾਸ਼ਿੰਗਟਨ ਦੀਆਂ ਚੋਟੀਆਂ ’ਤੇ ਘੱਟੋ-ਘੱਟ ਤਾਪਮਾਨ-108 ਫਾਰਨਹਾਈਟ ਭਾਵ ਮਾਈਨਸ -42.2 ਡਿਗਰੀ ਸੈਲਸੀਅਸ ਤੱਕ ਡਿੱਗ ਗਿਆ ਹੈ। ਯੂਐਸ ਨੈਸ਼ਨਲ ਮੈਟਰੋਲੋਜੀਕਲ ਸਰਵਿਸ ਦੀ ਭਵਿੱਖਬਾਣੀ ਵਿਚ ਕਿਹਾ ਗਿਆ ਹੈ ਕਿ ਆਉਣ ਵਾਲੇ ਦਿਨਾਂ ਵਿਚ ਪੂਰਾ ਉੱਤਰ-ਪੂਰਬੀ ਅਮਰੀਕਾ ਬਰਫ਼ੀਲੇ ਤੂਫ਼ਾਨ ਨਾਲ ਪ੍ਰਭਾਵਿਤ ਹੋਵੇਗਾ। ਇਨ੍ਹਾਂ ਇਲਾਕਿਆਂ ’ਚ ਭਾਰੀ ਬਰਫ਼ਬਾਰੀ ਦੇਖਣ ਨੂੰ ਮਿਲ ਰਹੀ ਹੈ।
ਯੂਐਸਏ ਟੂਡੇ ਨੇ ਅਲਾਸਕਾ ਦੇ ਇਕ ਜਲਵਾਯੂ ਵਿਗਿਆਨੀ, ਬ੍ਰਾਇਨ ਬ੍ਰੈਟਸਚਨਾਈਡਰ ਦੇ ਹਵਾਲੇ ਨਾਲ ਕਿਹਾ ਕਿ ਵਿਗਿਆਨੀਆਂ ਨੇ ਅਲਾਸਕਾ ਵਿੰਡਚਿਲ ਨੂੰ ਟਰੈਕ ਕਰਨਾ ਸੁਰੂ ਕਰਨ ਤੋਂ ਬਾਅਦ ਇਹ ਅਮਰੀਕਾ ਵਿੱਚ ਸਭ ਤੋਂ ਘੱਟ ਤਾਪਮਾਨ ਹੈ। ਨੈਸ਼ਨਲ ਵੈਦਰ ਸਰਵਿਸ ਮੁਤਾਬਿਕ ਸ਼ੁੱਕਰਵਾਰ ਰਾਤ ਨੂੰ ਮਾਊਂਟ ਵਾਸ਼ਿੰਗਟਨ ’ਤੇ ਤਾਪਮਾਨ ਜੀਰੋ ਤੋਂ 46.1 ਡਿਗਰੀ ਫਾਰਨਹਾਈਟ ਤੱਕ ਡਿੱਗ ਗਿਆ ਅਤੇ ਹਵਾ ਦਾ ਤਾਪਮਾਨ ਜੀਰੋ ਤੋਂ 107 ਡਿਗਰੀ ਫਾਰਨਹੀਟ ਦਰਜ ਕੀਤਾ ਗਿਆ। ਬਰਫੀਲੇ ਤੂਫਾਨ ਦੀ ਰਫਤਾਰ 97 ਮੀਲ ਪ੍ਰਤੀ ਘੰਟਾ ਤੱਕ ਪਹੁੰਚ ਗਈ। ਪ੍ਰੋਵਿਡੈਂਸ, ਰੋਡ ਆਈਲੈਂਡ, ਬਿ੍ਰਜਪੋਰਟ, ਕਨੈਕਟੀਕਟ ਅਤੇ ਬੋਸਟਨ, ਮੈਸੇਚਿਉਸੇਟਸ ਵਿਚ ਰਿਕਾਰਡ ਘੱਟ ਤਾਪਮਾਨ ਦਰਜ ਕੀਤਾ ਗਿਆ।