ਟੋਰਾਂਟੋ, 7 ਦਸੰਬਰ (ਪੋਸਟ ਬਿਊਰੋ) : ਸਸਤੀ ਗੈਸ ਭਰਵਾਉਣ ਦੀ ਉਡੀਕ ਕਰ ਰਹੇ ਡਰਾਈਵਰਾਂ ਦੀ ਉਡੀਕ ਇਸ ਹਫਤੇ ਦੇ ਅਖੀਰ ਤੱਕ ਮੁੱਕਣ ਵਾਲੀ ਹੈ।
ਕੈਨੇਡੀਅਨਜ਼ ਫੌਰ ਅਫੋਰਡੇਬਲ ਐਨਰਜੀ ਦੇ ਪ੍ਰੈਜ਼ੀਡੈਂਟ ਡੈਨ ਮੈਕਟੀਗ ਅਨੁਸਾਰ ਗ੍ਰੇਟਰ ਟੋਰਾਂਟੋ ਏਰੀਆ ਵਿੱਚ ਗੈਸੋਲੀਨ ਦੀਆਂ ਕੀਮਤਾਂ ਇੱਕ ਵਾਰੀ ਫਿਰ ਇਸ ਸਾਲ ਸੱਭ ਤੋਂ ਹੇਠਲੇ ਪੱਧਰ ਉੱਤੇ ਜਾਣ ਵਾਲੀਆਂ ਹਨ। ਬੁੱਧਵਾਰ ਨੂੰ 2022 ਵਿੱਚ ਪ੍ਰਤੀ ਲੀਟਰ ਗੈਸ ਦੀ ਕੀਮਤ 140·9 ਸੈਂਟ ਤੱਕ ਚਲੀ ਗਈ। ਵੀਰਵਾਰ ਨੂੰ ਗੈਸ ਦੀਆਂ ਕੀਮਤਾਂ ਵਿੱਚ ਦੋ ਸੈਂਟ ਦੀ ਹੋਰ ਕਮੀ ਆਉਣ ਵਾਲੀ ਹੈ ਤੇ ਇਹ 138·9 ਡਾਲਰ ਤੱਕ ਜਾਣ ਦੀ ਸੰਭਾਵਨਾ ਹੈ।
ਸ਼ੁੱਕਰਵਾਰ ਨੂੰ ਗੈਸ ਦੀਆਂ ਕੀਮਤਾਂ ਵਿੱਚ ਤਿੰਨ ਸੈਂਟ ਦੀ ਗਿਰਾਵਟ ਹੋਰ ਆ ਸਕਦੀ ਹੈ ਤੇ ਗੈਸ ਦੀ ਔਸਤ ਕੀਮਤ 135·9 ਸੈਂਟ ਪ੍ਰਤੀ ਲੀਟਰ ਤੱਕ ਪਹੁੰਚ ਸਕਦੀ ਹੈ। ਮੈਕਟੀਗ ਨੇ ਆਖਿਆ ਕਿ ਆਖਰੀ ਵਾਰੀ 9 ਦਸੰਬਰ, 2021 ਨੂੰ ਗੈਸ ਦੀਆਂ ਕੀਮਤਾਂ ਐਨੀਆਂ ਘੱਟ ਪਾਈਆਂ ਗਈਆਂ ਸਨ।