ਟੋਰਾਂਟੋ, 24 ਨਵੰਬਰ (ਪੋਸਟ ਬਿਊਰੋ) : ਵੀਰਵਾਰ ਸਵੇਰੇ ਟੋਰਾਂਟੋ ਤੇ ਜੀਟੀਏ ਦੇ ਕਈ ਇਲਾਕਿਆਂ ਵਿੱਚ ਸੰਘਣੀ ਧੁੰਦ ਛਾਈ ਰਹੇਗੀ। ਇਸ ਨਾਲ ਮਾੜੀ ਵਿਜਿ਼ਬਿਲਿਟੀ ਕਾਰਨ ਗੱਡੀਆਂ ਚਲਾਉਣ ਵਾਲਿਆਂ ਨੂੰ ਵੀ ਦਿੱਕਤ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ।
ਐਨਵਾਇਰਮੈਂਟ ਕੈਨੇਡਾ ਵੱਲੋਂ ਬੁੱਧਵਾਰ ਨੂੰ ਰੀਜਨ ਲਈ ਇਹ ਧੁੰਦ ਸਬੰਧੀ ਐਡਵਾਈਜ਼ਰੀ ਜਾਰੀ ਕੀਤੀ ਗਈ। ਇਹ ਵੀ ਆਖਿਆ ਗਿਆ ਹੈ ਕਿ ਸਵੇਰ ਵੇਲੇ ਇਹ ਧੁੰਦ ਜਿ਼ਆਦਾ ਹੋਵੇਗੀ। ਕਈ ਥਾਂਵਾਂ ਉੱਤੇ ਤਾਂ ਕੁੱਝ ਵੀ ਨਜ਼ਰ ਨਾ ਆਉਣ ਕਾਰਨ ਟਰੈਵਲ ਕਰਨਾ ਨਾਮੁਮਕਿਨ ਹੋਵੇਗਾ।ਪਰ ਇਹ ਵੀ ਆਖਿਆ ਗਿਆ ਹੈ ਕਿ ਸਵੇਰ ਵੇਲੇ ਇਹ ਧੁੰਦ ਛਟ ਜਾਵੇਗੀ।
ਮੌਸਮ ਵਿਗਿਆਨੀ ਜਿਲ ਟੇਲਰ ਦਾ ਕਹਿਣਾ ਹੈ ਕਿ ਕਈ ਥਾਂਵਾਂ ਉੱਤੇ ਇਹ ਧੁੰਦ ਹੱਢ ਜਮਾ ਦੇਣ ਵਾਲੀ ਹੋਵੇਗੀ। ਉਨ੍ਹਾਂ ਆਖਿਆ ਕਿ ਇੱਕ ਵਾਰੀ ਧੁੰਦ ਛਟ ਜਾਣ ਤੋਂ ਬਾਅਦ ਬੱਦਲਵਾਈ ਹੋ ਜਾਵੇਗੀ ਤੇ ਤਾਪਮਾਨ 10 ਡਿਗਰੀ ਸੈਲਸੀਅਸ ਤੱਕ ਪਹੁੰਚ ਜਾਵੇਗਾ।