ਓਨਟਾਰੀਓ, 26 ਸਤੰਬਰ (ਪੋਸਟ ਬਿਊਰੋ) : ਡਾਊਨਟਾਊਨ ਹੈਮਿਲਟਨ ਵਿੱਚ ਦੇਰ ਰਾਤੀਂ ਹੋਏ ਹਾਦਸੇ ਵਿੱਚ ਦੋ ਵਿਅਕਤੀਆਂ ਦੇ ਮਾਰੇ ਜਾਣ ਤੋਂ ਬਾਅਦ ਓਨਟਾਰੀਓ ਸਪੈਸ਼ਲ ਇਨਵੈਸਟੀਗੇਸ਼ਨਜ਼ ਯੂਨਿਟ ਨੂੰ ਸੱਦਿਆ ਗਿਆ।
ਇਹ ਹਾਦਸਾ ਸਿਟੀ ਦੇ ਕੌਰਕਟਾਊਨ ਇਲਾਕੇ ਵਿੱਚ ਯੰਗ ਸਟਰੀਟ ਨੇੜੇ ਜੌਹਨ ਸਟਰੀਟ ਉੱਤੇ ਰਾਤੀਂ 11:00 ਵਜੇ ਵਾਪਰਿਆ।ਹੈਮਿਲਟਨ ਪੁਲਿਸ ਸਰਵਿਸ ਅਨੁਸਾਰ ਨਸ਼ਾ ਕਰਕੇ ਚਲਾਈ ਜਾ ਰਹੀ ਗੱਡੀ ਨੂੰ ਟਰੈਫਿਕ ਸਟੌਪ ਉੱਤੇ ਰੋਕੇ ਜਾਣ ਦੌਰਾਨ ਵਾਪਰੇ ਹਾਦਸੇ ਕਾਰਨ ਦੋ ਪੈਸੈਂਜਰਜ਼ ਦੀ ਮੌਤ ਹੋ ਗਈ।
ਅਜੇ ਤੱਕ ਮ੍ਰਿਤਕਾਂ ਦੇ ਸਬੰਧ ਵਿੱਚ ਕੋਈ ਜਾਣਕਾਰੀ ਹਾਸਲ ਨਹੀਂ ਹੋਈ ਹੈ। ਇਸ ਹਾਦਸੇ ਵਿੱਚ ਜੇ ਕੋਈ ਵਿਅਕਤੀ ਜ਼ਖ਼ਮੀ ਹੋਇਆ ਹੋਵੇ ਉਸ ਬਾਰੇ ਵੀ ਕੋਈ ਵੇਰਵਾ ਹਾਸਲ ਨਹੀਂ ਹੋ ਸਕਿਆ ਹੈ।ਪੁਲਿਸ ਵੱਲੋਂ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ। ਹਾਦਸੇ ਕਾਰਨ ਇਨ੍ਹਾਂ ਸੜਕਾਂ ਨੂੰ ਬੰਦ ਕੀਤਾ ਗਿਆ ਹੈ ਤੇ ਡਰਾਈਵਰਾਂ ਨੂੰ ਇਸ ਪਾਸੇ ਨਾ ਜਾਣ ਦੀ ਸਲਾਹ ਦਿੱਤੀ ਜਾ ਰਹੀ ਹੈ। ਜਾਂਚ ਵਿੱਚ ਹਾਲਟਨ ਪੁਲਿਸ ਵੱਲੋਂ ਵੀ ਸਹਿਯੋਗ ਕੀਤਾ ਜਾ ਰਿਹਾ ਹੈ।