Welcome to Canadian Punjabi Post
Follow us on

30

March 2023
ਬ੍ਰੈਕਿੰਗ ਖ਼ਬਰਾਂ :
‘ਪੁਤਿਨ ਨੇ ਜੰਗ ਵਿੱਚ ਸਭ ਕੁਝ ਗੁਆਇਆ, ਹੁਣ ਰੂਸ ਨਹੀਂ ਕਰ ਸਕਦਾ ਪ੍ਰਮਾਣੂ ਹਮਲਾ’: ਜੈਲੇਂਸਕੀਭਾਰਤੀ ਮੂਲ ਦੇ ਡੇਨੀਅਲ ਮੁਖੀ ਬਣੇ ਐਨਐਸਡਬਲਿਊ ਦੇ ਖਜ਼ਾਨਚੀ, ਭਗਵਤ ਗੀਤਾ ਦੀ ਸਹੁੰ ਚੁੱਕ ਕੇ ਰਚਿਆ ਇਤਿਹਾਸਨੀਨਾ ਤਾਂਗੜੀ ਨੇ ਹਾਊਸਿੰਗ ਦੇ ਐਸੋਸੀਏਟ ਮੰਤਰੀ ਵਜੋਂ ਸੰਭਾਲਿਆ ਅਹੁਦਾਮੁੱਖ ਮੰਤਰੀ ਭਗਵੰਤ ਮਾਨ ਨੇ ਸਿੱਖਿਆ ਵਿਭਾਗ ਵਿੱਚ ਨਵ-ਨਿਯੁਕਤ 245 ਨੌਜਵਾਨਾਂ ਨੂੰ ਨਿਯੁਕਤੀ ਪੱਤਰ ਸੌਂਪੇ ਪ੍ਰੋ: ਰੇਨੂੰ ਚੀਮਾ ਵਿਗ ਪੰਜਾਬ ਯੂਨੀਵਰਸਿਟੀ ਦੇ ਵਾਈਸ ਚਾਂਸਲਰ ਨਿਯੁਕਤਵਾਰਿਸ ਪੰਜਾਬ ਦੇ’ ਦੇ ਮੁਖੀ ਅੰਮ੍ਰਿਤਪਾਲ ਸਿੰਘ ਦੀ ਨਵੀਂ ਵੀਡੀਓ ਆਈ ਸਾਹਮਣੇ, ਕਿਹਾ: ਸਰਕਾਰ ਦਾ ਇਰਾਦਾ ਗ੍ਰਿਫਤਾਰ ਕਰਨਾ ਹੁੰਦਾ ਤਾਂ ਘਰ ਤੋਂ ਆ ਕੇ ਗ੍ਰਿਫਤਾਰ ਕਰ ਲੈਂਦੀਹਾੜ੍ਹੀ ਖਰੀਦ ਸੀਜ਼ਨ ਲਈ ਪੰਜਾਬ ਸਰਕਾਰ ਨੇ ਖਿੱਚੀ ਤਿਆਰੀ, ਸੀ.ਸੀ.ਐੱਲ. ਮਨਜ਼ੂਰ ਹੁੰਦੇ ਹੀ ਮੁੱਖ ਮੰਤਰੀ ਨੇ ਕੀਤੀ ਅਫ਼ਸਰਾਂ ਨਾਲ ਮੀਟਿੰਗਖੇਤੀਬਾੜੀ ਮੰਤਰੀ ਧਾਲੀਵਾਲ ਵੱਲੋਂ ਫੀਲਡ ਅਧਿਕਾਰੀਆਂ ਨੂੰ ਮੀਂਹ ਕਾਰਣ ਫਸਲਾਂ ਦੇ ਖਰਾਬੇ ਦੇ ਅਸਲ ਅੰਕੜੇ ਜਲਦ ਪੇਸ਼ ਕਰਨ ਦੇ ਹੁਕਮ
 
ਮਨੋਰੰਜਨ

ਮਜ਼ਾ ਆਉਂਦਾ ਹੈ ਕਿਰਦਾਰ ਵਿੱਚ ਢਲਣ ਦਾ : ਆਕਾਂਗਸ਼ਾ ਸਿੰਘ

August 24, 2022 05:10 PM

‘ਰਨਵੇ 34’ ਅਤੇ ‘ਬਦਰੀਨਾਥ ਕੀ ਦੁਲਹਨੀਆਂ’ ਵਰਗੀਆਂ ਫਿਲਮਾਂ ਨਾਲ ਸਾਊਥ ਦੀਆਂ ਕਈ ਫਿਲਮਾਂ ਵਿੱਚ ਨਜ਼ਰ ਆ ਚੁੱਕੀ ਆਕਾਂਗਸ਼ਾ ਸਿੰਘ ਖੁਦ ਨੂੰ ਅਜਿਹੀ ਅਭਿਨੇਤਰੀ ਮੰਨਦੀ ਹੈ, ਜਿਸ ਨੂੰ ਕਿਰਦਾਰਾਂ ਵਿੱਚ ਢਲਣ ਵਿੱਚ ਮਜ਼ਾ ਆਉਂਦਾ ਹੈ। ਉਹ ਕਹਿੰਦੀ ਹੈ, ‘‘ਬੇਸ਼ੱਕ, ਹਰ ਕਿਸੇ ਨੂੰ ਚੁਣੌਤੀਆਂ ਦਾ ਸਾਹਮਣਾ ਕਰਨਾ ਸਿੱਖਣਾ ਪੈਂਦਾ ਹੈ ਅਤੇ ਜੋ ਰੋਲ ਪਰਦੇ ਉੱਤੇ ਨਿਭਾਉਣ ਲਈ ਮਿਲੇ, ਉਸ ਨਾਲ ਨਿਆਂ ਕਰਨਾ ਹੋਵੇਗਾ। ਵਰਨਾ ਅਭਿਨੇਤਰੀ ਕਹਾਉਣ ਦਾ ਕੀ ਮਤਲਬ?”
ਆਪਣੀ ਨਵੀਂ ਵੈੱਬ ਸੀਰੀਜ਼ ‘ਰੰਗਬਾਜ਼ ਡਰ ਕੀ ਰਾਜਨੀਤੀ’ ਵਿੱਚ ਉਸ ਨੂੰ ਤਿੰਨ ਵੱਖ-ਵੱਖ ਉਮਰ ਵਾਲੇ ਰੋਲ ਕਰਨੇ ਪਏ। ਉਸ ਨੇ ਦੱਸਿਆ, ‘‘ਵੀਹ ਤੋਂ ਤੀਹ ਅਤੇ ਚਾਲੀ ਦੀ ਉਮਰ ਦੀ ਮਹਿਲਾ ਦਾ ਰੋਲ ਕਰਨਾ ਅਸਲੀ ਚੁਣੌਤੀ ਸੀ। ਮੈਨੂੰ ਸ਼ੁਰੂ ਤੋਂ ਪਤਾ ਸੀ ਕਿ ਇਹ ਕਿਰਦਾਰ ਮੈਨੂੰ ਇੱਕ ਕਲਾਕਾਰ ਵਜੋਂ ਆਪਣੇ ਖਾਸ ਹੁਨਰ ਦੇ ਨਾਲ ਵਰਤਣ ਦਾ ਵੱਡਾ ਮੌਕਾ ਦੇਵੇਗਾ। ਮੈਨੂੰ ਮੂੰਹ ਵਿੱਚ ‘ਡੈਂਚਰ’ ਪਹਿਨਣਾ ਪਿਆ ਤਾਂ ਕਿ ਚਿਹਰਾ ਭਰਿਆ-ਭਰਿਆ ਦਿਖਾਈ ਦੇ ਸਕੇ ਅਤੇ ਮੈਂ ਵੱਧ ਉਮਰ ਦੀ ਦਿੱਸਦੀ ਰਹਾਂ। ਮੈਂ ਕਿਰਦਾਰ ਦਾ ਅਹਿਸਾਸ ਪਾਉਣ ਲਈ ਸ਼ੂਟਿੰਗ ਦੇ ਬਾਅਦ ਵੀ ‘ਡੇਂਚਰ’ ਪਹਿਨਦੀ ਸੀ। ਇਹ ਅਸਲ ਵਿੱਚ ਦਰਦਨਾਕ ਸੀ, ਕਿਉਂਕਿ ਇਸ ਨਾਲ ਬੋਲਣਾ ਔਖਾ ਹੁੰਦਾ ਹੈ। ਫਿਰ ਪ੍ਰੋਸਥੈਟਿਕਸ ਵਜੋਂ ਭਾਰਾ ਮੇਕਅਪ ਵੀ ਕੀਤਾ ਗਿਆ। ਇਸ ਰੋਲ ਲਈ ਭਾਰ ਮੈਨੂੰ ਆਪਣਾ ਘਟਾਉਣਾ-ਵਧਾਉਣ ਦੀ ਲੋੜ ਨਹੀਂ ਪਈ, ਕਿਉਂਕਿ ਅਸੀਂ ਪਹਿਲੇ ਦਿਨ ਜਦੋਂ ਕਲਾਇਮੈਕਸ ਸ਼ੂਟ ਕਰ ਰਹੇ ਸੀ, ਉਦੋਂ ਕਿਰਦਾਰ ਦੀ ਚਾਲੀ ਤੋਂ ਪੰਜਾਹ ਸਾਲ ਦੀ ਉਮਰ ਤੋਂ ਸ਼ੁਰੂਆਤ ਹੋਈ। ਵਿਚਾਲੇ ਕਿਤੇ ਯੰਗ ਏਜ ਨੂੰ ਸ਼ੂਟ ਕਰ ਲਿਆ ਤਾਂ ਕਦੇ ਕੁਝ ਹੋਰ ਕਰ ਲਿਆ।”ਆਕਾਂਗਸ਼ਾ ਨੇ 15 ਸਾਲ ਉਮਰ ਵਿੱਚ ਥੀਏਟਰ ਕਰਨਾ ਸ਼ੁਰੂ ਕੀਤਾ ਸੀ ਤੇ ਫਿਰ ਸਾਊਧਥ ਸਿਨੇਮਾ ਵਿੱਚ ਆਉਣ ਤੋਂ ਪਹਿਲਾਂ ਟੀ ਵੀ ਸ਼ੋਅ ਕੀਤੇ। ਉਹ ਕਹਿੰਦੀ ਹੈ, ‘‘ਅਸੀਂ ਕਲਾਕਾਰ ਵਜੋਂ ਮੰਨੀਏ ਜਾਂ ਨਾ, ਪਰ ਟੀ ਵੀ ਸਾਨੂੰ ਟਾਈਪਕਾਸਟ ਕਰਦਾ ਹੈ, ਇਹ ਮੇਰੇ ਨਾਲ ਹੋ ਰਿਹਾ ਸੀ ਜਦੋਂ ਮੈਂ ਫਿਲਮਾਂ ਵਿੱਚ ਕੰਮ ਕਰਨ ਦਾ ਫੈਸਲਾ ਕੀਤਾ। 10 ਸਾਲ ਹੋ ਗਏ ਹਨ ਤੇ ਮੇਰੀ ਕਰੀਅਰ ਦੀ ਰਫਤਾਰ ਨੂੰ ਮੱਠਾ ਕਿਹਾ ਜਾ ਸਕਦਾ ਹੈ, ਪਰ ਮੈਨੂੰ ਖੁਸ਼ੀ ਹੈ ਕਿ ਮੈਂ ਟਾਈਪਕਾਸਟ ਹੋਣ ਤੋਂ ਬਚੀ ਰਹੀ ਅਤੇ ਕੁਝ ਬਿਹਤਰੀਨ ਤੇਲਗੂ ਅਤੇ ਤਮਿਲ ਫਿਲਮਾਂ ਵਿੱਚ ਕੰਮ ਕਰਨ ਦਾ ਮੌਕਾ ਮਲਿਆ।”

 
Have something to say? Post your comment