ਫਿਲਮ ‘ਲਵਯਾਤਰੀ’ ਤੋਂ ਪ੍ਰਸਿੱਧੀ ਖੱਟਣ ਵਾਲੀ ਵਰੀਨਾ ਹੁਸੈਨ ਨੇ ਪਿੱਛੇ ਜਿਹੇ ਆਪਣੀ ਅਗਲੀ ਫਿਲਮ ‘ਦਿਲ ਬਿਲ’ ਦੀ ਸ਼ੂਟਿੰਗ ਪੂਰੀ ਕੀਤੀ ਹੈ। ਕਰਮਾ ਮੀਡੀਆ ਐਂਡ ਇੰਟਰਟੇਨਮੈਂਟ ਦੇ ਉਸੇ ਬੈਨਰ ਹੇਠ ਇਹ ਫਿਲਮ ਬਣ ਰਹੀ ਹੈ, ਜਿਸ ਨੂੰ ‘ਤਨੂੰ ਵੈਡਸ ਮਨੂ’, ‘ਅਲੀਗੜ੍ਹ’, ‘ਮਦਾਰੀ’ ਵਰਗੀਆਂ ਕੁਝ ਸੁਪਰਹਿੱਟ ਤੇ ਵੱਖਰੇ ਵਿਸ਼ੇ ਵਾਲੀਆਂ ਫਿਲਮਾਂ ਲਈ ਜਾਣਿਆ ਜਾਂਦਾ ਹੈ।ਫਿਲਮ ਦੀ ਸ਼ੂਟਿੰਗ ਪੂਰੀ ਹੋਣ ਉੱਤੇ ‘ਦਿਲ ਬਿਲ’ ਦੀ ਪੂਰੀ ਟੀਮ ਲਈ ਵੱਡੀ ਪਾਰਟੀ ਕੀਤੀ ਗਈ। ਇੱਕ ਪੱਬ ਵਿੱਚ ਹੋਈ ਇਸ ਪਾਰਟੀ ਲਈ ਵਰੀਨਾ ਖਾਸ ਅੰਦਾਜ਼ ਵਿੱਚ ਤਿਆਰ ਹੋ ਕੇ ਪਹੁੰਚੀ। ਉਹ ਰੇਸ਼ਮੀ ਨੀਲੇ ਰੰਗ ਦੀ ਸਾਟਨ ਸਲਿੱਪ ਡਰੈੱਸ ਵਿੱਚ ਬੇਹੱਦ ਖੂਬਸੂਰਤ ਲੱਗਦੀ ਸੀ ਅਤੇ ਉਸ ਨੇ ਹੀਲਸ ਪਾਈ ਹੋਈ ਸੀ।
ਅਸੀਂ ਜੋ ਫਿਲਮ ਦੇਖਦੇ ਹਾਂ, ਉਸ ਨੂੰ ਵੱਡੇ ਪਰਦੇ ਉੱਤੇ ਦਿਖਾਉਣ ਲਈ ਬੜੇ ਹੀ ਪੇਸ਼ੇਵਰ ਅਤੇ ਚੰਗੀ ਤਰ੍ਹਾਂ ਨਾਲ ਐਡਿਟ ਕੀਤੇ ਸੀਨ ਹੁੰਦੇ ਹਨ, ਪਰ ਹਰ ਫਿਲਮ ਲਈ ਅਜਿਹੇ ਲੋਕਾਂ ਦੀ ਵੱਡੀ ਟੀਮ ਦੀ ਲੱਗਦੀ ਹੈ, ਜੋ ਲੰਬਾ ਸਮਾਂ ਕੰਮ ਕਰਦੇ ਹਨ ਅਤੇ ਆਪਣੀਆਂ ਰਾਤਾਂ ਦੀ ਨੀਂਦ ਦੀ ਪ੍ਰਵਾਹ ਵੀ ਨਹੀਂ ਕਰਦੇ। ਫਿਲਮ ਪੂਰੀ ਹੋਣ ਤੱਕ ਇਕੱਠੇ ਕੰਮ ਕਰਦੇ ਉਹ ਸਾਰੇ ਪਰਵਾਰ ਦੇ ਮੈਂਬਰਾਂ ਵਾਂਗ ਬਣ ਜਾਂਦੇ ਹਨ।ਵਰੀਨਾ ਨਾਲ ਵੀ ਇਸ ਫਿਲਮ ਦੀ ਸ਼ੂਟਿੰਗ ਦੌਰਾਨ ਕੁਝ ਏਦਾਂ ਹੀ ਹੋਇਆ। ਉਸ ਨੇ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ ਉੱਤੇ ਟੀਮ ਦੇ ਹਰ ਮੈਂਬਰ ਦੇ ਨਾਂ ਦਾ ਵਿਸ਼ੇਸ਼ ਵਰਣਨ ਕਰਦੇ ਹੋਏ ਧੰਨਵਾਦ ਕੀਤਾ, ਜੋ ਬਹੁਤ ਘੱਟ ਦੇਖਿਆ ਜਾਂਦਾ ਹੈ। ਵਰੀਨਾ ਨੇ ਕਲੈਪਬੋਰਡ ਨਾਲ ਇੱਕ ਫੋਟੋ ਸ਼ੇਅਰ ਕੀਤੀ, ਜਿਸ ਵਿੱਚ ਉਹ ਕੈਮਰੇ ਲਈ ਪੋਜ਼ ਦਿੰਦੀ ਬੇਹੱਦ ਖੁਸ਼ ਨਜ਼ਰਆ ਰਹੀ ਹੈ। ਉਸ ਨੇ ਕੈਪਸ਼ਨ ਵਿੱਚ ਲਿਖਿਆ, ‘‘ਸ਼ੂਟਿੰਗ ਖਤਮ ਹੋਈ। ਸਾਢੇ ਤਿੰਨ ਸਾਲਾਂ ਦੀ ਯਾਤਰਾ ਆਖਰ ਪੂਰੀ ਹੋ ਰਹੀ ਅਤੇ ਅਸੀਂ ਇਸ ਬਾਰੇ ਭਾਵੁਕ ਹਾਂ, ਯਕੀਨ ਕਰੋ ਪੂਰੀ ਟੀਮ ਤੀਜੇ ਸ਼ਡਿਊਲ ਲਈ ਵੀ ਖੁਸ਼ੀ-ਖੁਸ਼ੀ ਤਿਆਰ ਹੋ ਜਾਂਦੀ। ਇੱਕ ਵੱਡਾ ਧੰਨਵਾਦ ਸ਼ੈਲੇਸ਼ ਸਿੰਘ ਸਰ ਦਾ, ਜਿਨ੍ਹਾਂ ਨੇ ਮੈਨੂੰ ਕਰੀਅਰ ਦਾ ਸਭ ਤੋਂ ਯਾਦਗਾਰੀ ਪ੍ਰੋਜੈਕਟ ਦਿੱਤਾ। ਜੇ ਮੈਨੂੰ ਕਦੀ ਇਹ ਸਭ ਫਿਰ ਕਰਨਾ ਪਿਆ ਤਾਂ ਮੈਂ ਤੁਹਾਨੂੰ ਡਾਇਰੈਕਟਰ ਵਜੋਂ ਚੁਣਾਂਗੀ। ਇਸ ਫਿਲਮ ਨੂੰ ਸਾਰੇ ਦਰਸ਼ਕਾਂ ਨਾਲ ਸ਼ੇਅਰ ਕਰਨ ਲਈ ਹੋਰ ਨਹੀਂ ਉਡੀਕਸਕਦੀ।”