ਆਮਿਰ ਖਾਨ ਹਰ ਕੰਮ ਕਰਨ ਦੇ ਯੋਗ ਹੋਣ ਵਜੋਂ ਜਾਣਿਆ ਜਾਂਦਾ ਹੈ, ਪਰ ਉਸ ਦੀ ਪਿੱਛੇ ਜਿਹੇ ਸ਼ੋਸ਼ਲ ਮੀਡੀਆ ਉੱਤੇ ਪਾਈ ਪੋਸਟ ਨੇ ਉਸ ਦੇ ਪ੍ਰਸ਼ੰਸਕਾਂ ਨੂੰ ਹੈਰਾਨ ਕਰ ਦਿੱਤਾ ਹੈ। ਆਮਿਰ ਖਾਨ ਨੇ ਆਖਿਆ ਕਿ ਉਹ ਇਸ ਗੱਲ ਵਿੱਚ ਭਰੋਸਾ ਨਹੀਂ ਰੱਖਦਾ ਕਿ ਉਹ ਸੋਲਾਂ ਕਲਾ ਸੰਪੂਰਨ ਹੈ। ਆਪਣੀ ਅਗਲੀ ਫਿਲਮ ‘ਲਾਲ ਸਿੰਘ ਚੱਢਾ’ ਦੇ ਪ੍ਰਚਾਰ ਵਿੱਚ ਰੁੱਝੇ ਆਮਿਰ ਖਾਨ ਨੇ ਆਖਿਆ ਕਿ ਉਹ ‘ਗਿਣਤੀ’ ਨਾਲੋਂ ‘ਮਿਆਰ’ ਵਿੱਚ ਭਰੋਸਾ ਰੱਖਦਾ ਹੈ।
ਆਮਿਰ ਖਾਨ ਨੇ ਕਿਹਾ, ‘‘ਮੈਂ ਇਸ ਗੱਲ ਦਾ ਭਰੋਸਾ ਨਹੀਂ ਕਰਦਾ ਕਿ ਹਰ ਕੰਮ ਕਰਨ ਦੇ ਸਮਰੱਥ ਹਾਂ ਕਿਉਂਕਿ ਕਿਸੇ ਤਰੁੱਟੀ ਵਿੱਚ ਵੀ ਬਹੁਤ ਕੁਝ ਚੰਗਾ ਹੁੰਦਾ ਹੈ। ਮੇਰੀ ਸੋਚ ਹੈ ਕਿ ਮੈਨੂੰ ਇਹ ਲਕਬ ਮੀਡੀਆ ਨੇ ਦਿੱਤਾ ਸੀ ਕਿਉਂਕਿ ਮੇਰੇ ਕੋਲ ਬਹੁਤ ਲੰਮਾ ਸਮਾਂ ਕੋਈ ਫਿਲਮ ਨਹੀਂ ਸੀ ਅਤੇ ਨਾ ਕੋਈ ਕੰਮ ਸੀ।”ਫਿਲਮ ‘ਲਗਾਨ’ ਬਾਰੇ ਉਨ੍ਹਾ ਕਿਹਾ ਕਿ ਇਸ ਵਿੱਚ ਵਰਤਿਆ ਗਿਆ ਬੱਲਾ ਨਿਤਿਨ ਦੇਸਾਈ ਨੇ ਡਿਜ਼ਾਈਨ ਕੀਤਾ ਸੀ ਅਤੇ ਇਹ ਮਹਿਜ਼ ਇੱਕੋ ਪੀਸ ਸੀ। ਉਸ ਨੇ ਆਖਿਆ ਕਿ ਇਹ ਆਮ ਬੱਲੇ ਨਾਲੋਂ ਕਾਫੀ ਭਾਰਾ ਸੀ ਅਤੇ ਇਸ ਨਾਲ ਬੱਲੇਬਾਜ਼ੀ ਕਰਨਾ ਕਾਫੀ ਔਖਾ ਸੀ।