ਦੇਸ਼ ਜਦੋਂ ਆਜ਼ਾਦੀ ਦੀ 75ਵੀਂ ਵਰ੍ਹੇਗੰਢ ਮਨਾ ਰਿਹਾ ਸੀ, ਓਦੋਂ ਹਿੰਦੀ ਸਿਨੇਮਾ ਕਈ ਅਜਿਹੇ ਬਹਾਦਰਾਂ ਦੀਆਂ ਕਹਾਣੀ ਬਣਾ ਰਿਹਾ ਸੀ, ਜਿਨ੍ਹਾਂ ਨੇ ਦੇਸ਼ ਦੀ ਆਨ ਬਾਨ ਅਤੇ ਸ਼ਾਨ ਉੱਤੇ ਆਂਚ ਤੱਕ ਨਹੀਂ ਆਉਣ ਦਿੱਤੀ। ਇਨ੍ਹਾਂ ਵਿੱਚ ਸਾਲ 1971 ਵਿੱਚ ਭਾਰਤ ਪਾਕਿਸਤਾਨ ਜੰਗ ਦੇ ਮਹਾਨਾਇਕ ਸੈਮ ਮਾਨੇਕਸ਼ਾਅ ਦਾ ਨਾਂਅ ਸਭ ਤੋਂ ਅੱਗੇ ਹੈ। ਜੰਗ ਵਿੱਚ ਫੌਜੀ ਜਿੱਤ ਕਾਰਨ ਹੀ ਬੰਗਲਾ ਦੇਸ਼ ਬਣਿਆ ਸੀ। ਮੇਘਨਾ ਗੁਲਜ਼ਾਰ ਨੇ ਉਨ੍ਹਾਂ ਉੱਤੇ ਫਿਲਮ ‘ਸੈਮ ਬਹਾਦੁਰ’ ਬਣਾਉਣ ਦਾ ਐਲਾਨ ਕੀਤਾ ਸੀ। ਫਿਲਮ ਵਿੱਚ ਸੈਮ ਦੀ ਭੂਮਿਕਾ ਵਿੱਚ ਵਿੱਕੀ ਕੌਸ਼ਲ ਨਜ਼ਰ ਆਉਣਗੇ। ਫਿਲਮ ਦੀ ਸ਼ੂਟਿੰਗ ਸ਼ੁਰੂ ਹੋ ਚੁੱਕੀ ਹੈ। ਫਿਲਮ ਵਿੱਚ ਸੈਮ ਦੀ ਪਤਨੀ ਦੀ ਭੂਮਿਕਾ ਵਿੱਚ ਸਾਨਿਆ ਮਲਹੋਤਰਾ ਅਤੇ ਸਾਬਕਾ ਪ੍ਰਧਾਨ ਮੰਤਰੀ ਇੰਦਰਾ ਗਾਂਧੀ ਦੀ ਭੂਮਿਕਾ ਵਿੱਚ ਫਾਤਿਮਾ ਸਨਾ ਸ਼ੇਖ਼ ਦੇ ਲੁਕ ਦੀ ਝਲਕ ਦਿੱਤੀ ਗਈ ਹੈ।
ਫਿਲਮ ਬਾਰੇ ਵਿੱਕੀ ਕੌਸ਼ਲ ਕਹਿੰਦੇ ਹਨ, ‘‘ਮੈਂ ਇੱਕ ਰੀਅਲ ਲਾਈਫ ਹੀਰੋ ਤੇ ਦੇਸ਼ਭਗਤ ਦੀ ਭੂਮਿਕਾ ਨਿਭਉਣ ਲਈ ਖੁਦ ਨੂੰ ਲੱਕੀ ਮੰਨਦਾ ਹਾਂ। ਅਭਿਨੇਤਾ ਵਜੋਂ ਸਿੱਖਣ ਅਤੇ ਆਪਣੇ ਨਾਲ ਰੱਖਣ ਲਈ ਬਹੁਤ ਕੁਝ ਹੈ। ਤਿਆਰੀ ਨਾਲ ਪੂਰੀ ਟੀਮ ਨੇ ਸਖਤ ਮਿਹਨਤ ਕੀਤੀ ਹੈ। ਮੈਨੂੰ ਯਕੀਨ ਹੈ ਕਿ ਅੱਜ ਦੇ ਭਾਰਤ ਨੂੰ ਬਣਾਉਣ ਦੀ ਸੈਮ ਦੀ ਯਾਦਗਾਰ ਜਰਨੀ ਨੂੰ ਦੇਖ ਕੇ ਦਰਸ਼ਕ ਕਾਫੀ ਰੋਮਾਂਚਿਤ ਹੋਣਗੇ।” ਇਹ ਫਿਲਮ ਅਗਲੇ ਸਾਲ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋਵੇਗੀ।