ਕਿਸ਼ਨਗੜ੍ਹ, 11 ਅਗਸਤ (ਪੋਸਟ ਬਿਊਰੋ)- ਕੱਲ੍ਹ ਬਾਅਦ ਦੁਪਹਿਰੇ ਜਲੰਧਰ-ਪਠਾਨਕੋਟ ਨੈਸ਼ਨਲ ਹਾਈਵੇ ਉੱਤੇ ਅੱਡਾ ਕਿਸ਼ਨਗੜ੍ਹ ਤੋਂ ਥੋੜ੍ਹਾ ਅੱਗੇ ਸੰਘਵਾਲ ਖੇਡ ਸਟੇਡੀਅਮ ਕੋਲ ਟਰੈਕਟਰ-ਟਰਾਲੀ ਤੇ ਸਕੂਟਰੀ ਦੀ ਟੱਕਰ ਵਿੱਚ ਸਕੂਟਰੀ ਚਾਲਕ ਮਾਂ ਅਤੇ ਪਿਛੇ ਬੈਠੀ ਧੀ ਦੇ ਗੰਭੀਰ ਜ਼ਖ਼ਮੀ ਹੋ ਗਈਆਂਅਤੇ ਪੁੱਤਰ ਦੀ ਮੌਤ ਹੋ ਗਈ।
ਕਿਸ਼ਨਗੜ੍ਹ ਦੇ ਚੌਕੀ ਇੰਚਾਰਜ ਬਲਵੀਰ ਸਿੰਘ ਬੁੱਟਰ ਨੇ ਦੱਸਿਆ ਕਿ ਜਸਦੀਪ ਕੌਰ ਪਤਨੀ ਬਲਵੀਰ ਸਿੰਘ ਵਾਸੀ ਬਿਆਸ ਪਿੰਡ ਆਪਣੀ ਸਕੂਟਰੀ ਉਤੇ ਆਪਣੇ ਦੋਨੋਂ ਬੱਚੇ ਲੜਕੀ ਕੀਰਤ ਕੌਰ (10) ਸਾਲ ਅਤੇ ਲੜਕੇ ਹਿੰਮਤ ਸਿੰਘ (8) ਸਾਲ ਨੂੰ ਘਰ ਲੈ ਕੇ ਜਾ ਰਹੀ ਸੀ। ਜਦੋਂ ਉਹ ਹਾਈਵੇ ਉੱਤੇ ਸੰਘਵਾਲ ਖੇਡ ਸਟੇਡੀਅਮ ਕੋਲੋਂ ਲੰਘ ਰਹੀਂ ਸੀ ਤਾਂ ਇਸੇ ਦੌਰਾਨ ਪਹਿਲਾਂ ਤੋਂ ਸੜਕ ਕੰਢੇ ਖੜ੍ਹੀ ਇੱਕ ਟਰੈਕਟਰ-ਟਰਾਲੀ ਨਾਲ ਉਸ ਦੀ ਸਕੂਟਰੀ ਦੀ ਟੱਕਰ ਹੋ ਗਈ, ਜਿਸ ਕਾਰਨ ਜਸਦੀਪ ਕੌਰ ਤੇ ਉਸ ਦੇ ਦੋਵੇਂ ਬੱਚੇ ਸੜਕ ਵਿਚਕਾਰ ਡਿੱਗ ਕੇ ਗੰਭੀਰ ਜ਼ਖ਼ਮੀ ਹੋ ਗਏ। ਉਨ੍ਹਾਂ ਨੂੰ ਜਲੰਧਰ ਦੇ ਕਿਸੇ ਨਿੱਜੀ ਹਸਪਤਾਲਦਾਖਲ ਕਰਵਾਇਆ ਗਿਆ, ਜਿੱਥੇ ਬੱਚੇ ਹਿੰਮਤ ਸਿੰਘ ਦੀ ਮੌਤ ਹੋ ਗਈ।