ਫਿਲਮ ਨਿਰਮਾਤਾ ਅਨੁਭਵ ਸਿਨਹਾ ਆਪਣੀ ਅਗਲੀ ਫਿਲਮ ‘ਮਿਡਲ ਕਲਾਸ ਲਵ’ ਵਿੱਚ ਤਿੰਨ ਨਵੇਂ ਸਟਾਰਾਂ ਨੂੰ ਲਾਂਚ ਕਰ ਰਹੇ ਹਨ। ਰਤਨਾ ਸਿਨਹਾ ਦੇ ਨਿਰਦੇਸ਼ਨ ਵਾਲੀ ਇਹ ਫਿਲਮ ਮਸਤੀ ਤੇ ਕਾਮੇਡੀ ਨਾਲ ਭਰਪੂਰ ਕਾਲਜ ਰੋਮਾਂਸ ਨੂੰ ਦਿਖਾਏਗੀ। ਇਸ ਫਿਲਮ ਵਿੱਚ ਪ੍ਰੀਤ ਕਮਾਨੀ, ਈਸ਼ਾ ਸਿੰਘ ਅਤੇ ਕਾਵਿਆ ਥਾਪਰ ਨਜ਼ਰ ਆਉਣਗੇ। ਅਨੁਭਵ ਨੇ ਕਿਹਾ, ‘‘ਮੈਨੂੰ ਇਸ ਗੱਲ ਦਾ ਮਾਣ ਹੈ ਕਿ ਮੈਂ ਅਜਿਹੇ ਇਮਾਨਦਾਰ ਅਤੇ ਮਿਹਨਤੀ ਐਕਟਰਾਂ ਨੂੰ ਪੇਸ਼ ਕਰਨ ਦੇ ਸਮਰੱਥ ਹਾਂ, ਜਿਨ੍ਹਾਂ ਦਾ ਫਿਲਮ ਇੰਡਸਟਰੀ ਵਿੱਚ ਕੋਈ ਸੰਬੰਧ ਨਹੀਂ।”
ਫਿਲਮ ਵਿੱਚ ਨਵੇਂ ਚਿਹਰੇ ਪੇਸ਼ ਕਰਨ ਬਾਰੇ ਰਤਨਾ ਨੇ ਕਿਹਾ, ‘‘ਇਸ ਕਹਾਣੀ ਲਈ ਨਵੀਂ ਪ੍ਰਤਿਭਾ ਦੀ ਲੋੜ ਹੈ ਤੇ ਮੈਨੂੰ ਆਪਣੀ ਫਿਲਮ ਦੇ ਨਾਲ ਇਨ੍ਹਾਂ ਕਲਾਕਾਰਾਂ ਨੂੰ ਪੇਸ਼ ਕਰਨ ਦੀ ਖੁਸ਼ੀ ਹੋ ਰਹੀ ਹੈ। ਨਵੇਂ ਸਟਾਰਾਂ ਨਾਲ ਕੰਮ ਕਰਨਾ ਚੁਣੌਤੀ ਪੂਰਨ ਹੈ, ਪਰ ਇਹ ਤਸੱਲੀ ਪੂਰਨ ਵੀ ਹਨ, ਕਿਉਂਕਿ ਉਨ੍ਹਾਂ ਨੇ ਆਪਣਾ 200 ਫੀਸਦੀ ਦਿੱਤਾ। ਤੁਸੀਂ ਸੱਚਮੁੱਚ ਉਨ੍ਹਾਂ ਦਾ ਹੱਥ ਫੜ ਸਕਦੇ ਅਤੇ ਉਨ੍ਹਾਂ ਨੂੰ ਚਲਾ ਸਕਦੇ ਹੋ ਅਤੇ ਇਹ ਸ਼ਾਨਦਾਰ ਜਰਨੀ ਰਹੀ ਹੈ।” ਫਿਲਮ ਦਾ ਨਿਰਮਾਣ ਅਨੁਭਵ ਸਿਨਹਾ ਦੇ ਬਨਾਰਸ ਵੀਡੀਓ ਵਰਕਸ ਅਤੇ ਜੀ ਸਟੂਡੀਓਜ਼ ਨੇ ਕੀਤਾ ਹੈ।