Welcome to Canadian Punjabi Post
Follow us on

28

September 2022
ਬ੍ਰੈਕਿੰਗ ਖ਼ਬਰਾਂ :
ਮੁੱਖ ਮੰਤਰੀ ਵੱਲੋਂ ਸ਼ਹੀਦ ਭਗਤ ਸਿੰਘ ਦੇ ਨਾਂ ’ਤੇ ਚੇਅਰ ਸਥਾਪਤ ਕਰਨ ਦਾ ਐਲਾਨ 30 ਸਤੰਬਰ ਨੂੰ ਸੰਯੁਕਤ ਕਿਸਾਨ ਮੋਰਚਾ ਕਰੇਗਾ ਪੰਜਾਬ ਵਿਚ ਚੱਕਾ ਜਾਮਮੁੱਖ ਮੰਤਰੀ ਵੱਲੋਂ ਸ਼ਹੀਦ ਭਗਤ ਸਿੰਘ ਅੰਤਰਰਾਸ਼ਟਰੀ ਹਵਾਈ ਅੱਡੇ ਤੋਂ ਹੋਰ ਕੌਮਾਂਤਰੀ ਉਡਾਨਾਂ ਸ਼ੁਰੂ ਕਰਨ ਦੀ ਮੰਗਸ਼ਹੀਦ-ਏ-ਆਜ਼ਮ ਭਗਤ ਸਿੰਘ ਦੇ ਜਨਮ ਦਿਨ ਮੌਕੇ ਮੁੱਖ ਮੰਤਰੀ ਭਗਵੰਤ ਮਾਨ ਵੱਲੋਂ ਸ਼ਹੀਦ-ਏ-ਆਜ਼ਮ ਭਗਤ ਸਿੰਘ ਰਾਜ ਯੁਵਾ ਪੁਰਸਕਾਰ ਦੇਣ ਦਾ ਐਲਾਨਵਿਧਾਨਸਭਾ ਵਿਚ ਮੁੱਖ ਮੰਤਰੀ ਭਗਵੰਤ ਮਾਨ ਨੇ ਕਿਹਾ: ਕਾਂਗਰਸ ਅਤੇ ਭਾਜਪਾ ਵੱਲੋਂ ਜਮਹੂਰੀ ਤਰੀਕੇ ਨਾਲ ਚੁਣੀ ਸਰਕਾਰ ਨੂੰ ਭੰਗ ਕਰਨ ਲਈ ਪਾਈ ਸਾਂਝ ਕਾਰਨ ਵਿਸ਼ਵਾਸ ਮਤਾ ਜ਼ਰੂਰੀਮੰਤਰੀ ਮੰਡਲ ਵੱਲੋਂ ਗ੍ਰਾਮ ਪੰਚਾਇਤਾਂ ਨੂੰ ਸਾਂਝੀ ਜ਼ਮੀਨ ਦੇ ਮਾਲਕੀ ਹੱਕ ਦੇਣ ਲਈ ਪੰਜਾਬ ਵਿਲੇਜ ਕਾਮਨ ਲੈਂਡਜ (ਰੈਗੂਲੇਸ਼ਨ) ਐਕਟ ਵਿੱਚ ਸੋਧ ਨੂੰ ਪ੍ਰਵਾਨਗੀਰੂਸ ਦੇ ਸਕੂਲ ਵਿਚ ਹੋਈ ਗੋਲੀਬਾਰੀ ਕਾਰਨ 13 ਹਲਾਕ, 21 ਜ਼ਖ਼ਮੀਈਰਾਨ ਵਿਚ ਹਿਜਾਬ ਖਿਲਾਫ਼ ਪ੍ਰਦਰਸ਼ਨ ਕਰ ਰਹੀ ਅਤੇ ਵਾਲ ਖੋਲ੍ਹਣ ਵਾਲੀ 20 ਸਾਲਾ ਲੜਕੀ ਨੂੰ ਪੁਲਿਸ ਨੇ ਮਾਰੀ ਗੋਲੀ
ਮਨੋਰੰਜਨ

ਯਾਦ ਆਉਂਦਾ ਹੈ ਸਿਨੇਮਾਘਰ : ਜਾਹਨਵੀ ਕਪੂਰ

August 09, 2022 05:30 PM

‘ਧੜਕ’ ਨਾਲ ਕਰੀਅਰ ਸ਼ੁਰੂ ਕਰਨ ਵਾਲੀ ਅਭਿਨੇਤਰੀ ਜਾਹਨਵੀ ਕਪੂਰ ਮੇਨ ਲੀਡ ਵਾਲੀਆਂ ਭੂਮਿਕਾ ਨਿਭਾ ਰਹੀ ਹੈ। ਉਹ 29 ਜੁਲਾਈ ਨੂੰ ਡਿਜ਼ਨੀ ਪਲੱਸ ਹੌਟ ਸਟਾਰ ਉੱਤੇ ਰਿਲੀਜ਼ ਹੋਈ ਫਿਲਮ ‘ਗੁੱਡ ਲਕ ਜੈਰੀ’ ਵਿੱਚ ਜਯਾ ਉਰਫ ਜੈਰੀ ਦੀ ਭੂਮਿਕਾ ਵਿੱਚ ਹੈ। ਪੇਸ਼ ਹਨ ਜਾਹਨਵੀ ਕਪੂਰ ਨਾਲ ਹੋਈ ਮੁਲਾਕਾਤ ਦੇ ਕੁਝ ਅੰਸ਼ :
* ਜੈਰੀ ਨਾਂਅ ਦਾ ਕਾਰਟੂਨ ਕਿਰਦਾਰ ਕਾਫੀ ਪ੍ਰਸਿੱਧ ਹੈ, ਫਿਲਮ ਵਿੱਚ ਕਿਰਦਾਰ ਜੈਰੀ ਨੂੰ ਸੁਣਨ ਦੇ ਬਾਅਦ ਸਭ ਤੋਂ ਪਹਿਲਾਂ ਤੁਹਾਡੇ ਮਨ ਵਿੱਚ ਕੀ ਆਇਆ ਸੀ?
- ਇਸ ਫਿਲਮ ਦੀ ਜੈਰੀ ਅਸਲ ਵਿੱਚ ਟਾਮ ਐਂਡ ਜੈਰੀ ਵਾਲੇ ਜੈਰੀ ਵਰਗੀ ਹੈ, ਪਰ ਉਹ ਬਹੁਤ ਚਲਾਕ ਹੈ, ਡਰੱਗਸ ਦੀ ਡਲਿਵਰੀ ਕਰਦੀ ਹੈ। ਫਿਲਮ ਦਾ ਟਾਈਟਲ ਸੁਣਨ ਵੇਲੇ ਮੇਰੇ ਮਨ ਵਿੱਚ ਇਹ ਵਿਚਾਰ ਆਇਆ ਕਿ ਸਿਰਫ ਜੈਰੀ ਨੂੰ ਨਹੀਂ, ਮੈਨੂੰ ਵੀ ਗੁਡ ਲਕ ਦੀ ਜ਼ਰੂਰਤ ਹੈ। ਮੈਂ ਹਰ ਫਿਲਮ ਸ਼ੁਰੂ ਕਰਨ ਤੋਂ ਪਹਿਲਾਂ ਭਗਵਾਨ ਤਿਰੂਪਤੀ ਦੇ ਮੰਦਰ ਜਾਂਦੀ ਹਾਂ। ਉਨ੍ਹਾਂ ਦਾ ਗੁਡਲਕ ਮੇਰੇ ਲਈ ਸਭ ਤੋਂ ਜ਼ਿਆਦਾ ਮਾਇਨੇ ਰੱਖਦਾ ਹੈ।
* ‘ਗੁੰਜਨ ਸਕਸੈਨਾ : ਦਾ ਕਾਰਗਿਲ ਗਰਲ’, ‘ਗੁਡਲਕ ਜੈਰੀ’, ‘ਰੂਹੀ’ ਅਤੇ ‘ਮਿਲੀ’, ਕੀ ਇੰਨੀਆਂ ਫਿਲਮਾਂ ਦਾ ਮੇਨ ਲੀਡ ਕਿਰਦਾਰ ਨਿਭਾਉਣਾ ਤੁਹਾਡੀਆਂ ਯੋਜਨਾਵਾਂ ਵਿੱਚ ਸ਼ਾਮਲ ਹੈ?
- ਮੈਂ ਫਿਲਮਾਂ ਬਾਰੇ ਇੰਨੀਆਂ ਯੋਜਨਾਵਾਂ ਨਹੀਂ ਬਣਾਉਂਦੀ, ਜੋ ਕਹਾਣੀ ਮੈਨੂੰ ਪਸੰਦ ਆਵੇ, ਉਹੋ ਕਰਦੀ ਹਾਂ। ਉਹੀ ਫਿਲਮਾਂ ਕਰਦੀ ਹਾਂ, ਜਿਨ੍ਹਾਂ ਵਿੱਚ ਮੈਨੂੰ ਦਿਲਚਸਪੀ ਹੋਵੇ। ਜਿਨ੍ਹਾਂ ਕਿਰਦਾਰਾਂ ਨੂੰ ਪੜ੍ਹ ਕੇ ਲੱਗੇ ਕਿ ਇਸ ਤੋਂ ਕੁਝ ਸਿੱਖਣ ਨੂੰ ਮਿਲੇਗਾ।
* ਕੀ ਸਿਰਲੇਖ ਕਿਰਦਾਰ ਵਿੱਚ ਖੁਦ ਨੂੰ ਸਾਬਿਤ ਕਰਨ ਦਾ ਜ਼ਿਆਦਾ ਬਿਹਤਰ ਮੌਕਾ ਹੁੰਦਾ ਹੈ?
- ਮੌਕਾ ਹਰ ਫਿਲਮ ਅਤੇ ਹਰ ਕਿਰਦਾਰ ਵਿੱਚ ਹੁੰਦਾ ਹੈ ਕਿ ਤੁਸੀਂ ਕੰਮ ਨਾਲ ਲੋਕਾਂ ਨੂੰ ਪ੍ਰਭਾਵਤ ਕਰੋ। ਹਾਂ, ਸਿਰਲੇਖ ਕਿਰਦਾਰ ਨਿਭਾਉਣ ਬਾਰੇ ਥੋੜ੍ਹਾ ਦਬਾਅ ਹੁੰਦਾ ਹੈ, ਪਰ ਇਹ ਫਿਲਮ ਡਿਜੀਟਲ ਪਲੇਟਫਾਰਮ ਉੱਤੇ ਆ ਰਹੀ ਹੈ, ਤਾਂਕੁਝ ਦਬਾਅ ਹੋਵੇਗਾ। ਫਿਰ ਵੀ ਅਸੀਂ ਚੰਗੀ ਫਿਲਮ ਬਣਾਉਣ ਦੀ ਕੋਸ਼ਿਸ਼ ਕੀਤੀ ਹੈ।
* ਮੌਜਦਾ ਦੌਰ ਵਿੱਚ ਬਾਕਸ ਆਫਿਸ ਦੇ ਅੰਕੜਿਆਂ ਨੂੰ ਦੇਖ ਕੇ ਕੀ ਡਿਜੀਟਲ ਪਲੇਟਫਾਰਮ ਉੱਤੇ ਫਿਲਮ ਰਿਲੀਜ਼ ਕਰਨਾ ਸਹੀ ਫੈਸਲਾ ਲੱਗਦਾ ਹੈ?
- ਇਹ ਆਸਾਨ ਅਤੇ ਘੱਟ ਖਤਰੇ ਵਾਲਾ ਫੈਸਲਾ ਹੈ। ਡਿਜੀਟਲ ਪਲੇਟਫਾਰਮ ਉੱਤੇ ਫਿਲਮ ਰਿਲੀਜ਼ ਕਰਨ ਦੇ ਨਾਲ ਗਾਰੰਟੀ ਹੈ ਕਿ ਇੰਨੇ ਲੋਕ ਫਿਲਮ ਦੇਖਣਗੇ ਹੀ, ਭਾਰਤ ਦੇ ਇਲਾਵਾ ਕਈ ਹੋਰ ਦੇਸ਼ਾਂ ਵਿੱਚ ਵੀ। ਕੋਰੋਨਾ ਮਹਾਮਾਰੀ ਦੌਰਾਨ ਮੈਂ ਖੁਦ ਡਿਜੀਟਲ ਪਲੇਟਫਾਰਮ ਉੱਤੇ ਬਹੁਤ ਸਾਰਾ ਕੰਟੈਂਟ ਦੇਖਿਆ ਹੈ। ਸਿਨੇਮਾਘਰ ਦਾ ਮਾਹੌਲ ਤਾਂ ਯਾਦ ਆਉਦਾ ਹੀ ਹੈ। ਖੁਦ ਨੂੰ ਵੱਡੇ ਪਰਦੇ ਉੱਤੇ ਦੇਖਣ ਦੀ ਇੱਕ ਅਲੱਗ ਖੁਸ਼ੀ ਹੁੰਦੀ ਹੈ।
* ਕੁਝ ਦਿਨ ਪਹਿਲਾਂ ਤਿਰੂਪਤੀ ਦੇ ਮੰਦਰ ਤੋਂ ਤੁਹਾਡੀਆਂ ਤਸਵੀਰਾਂ ਆਈਆਂ ਸਨ, ਤੁਹਾਡ ਅਧਿਆਤਮ ਨਾਲ ਜੁੜਨਾ ਕਦੋਂ ਸ਼ੁਰੂ ਹੋਇਆ?
- ਮੰਮੀ (ਮਰਹੂਮ ਅਭਿਨੇਤਰੀ ਸ੍ਰੀਦੇਵੀ) ਨੇ ਦੱਸਿਆ ਸੀ ਕਿ ਵਿਆਹ ਤੋਂ ਪਹਿਲਾਂ ਉਹ ਆਪਣੇ ਹਰ ਜਨਮ ਉੱਤੇ ਤਿਰੂਪਤੀ ਮੰਦਰ ਚੜ੍ਹਾਵਾ ਚੜਾਉਂਦੀ ਸੀ। ਮੈਂ ਸੋਚਿਆ ਕਿ ਮੈਂ ਵੀ ਹਰ ਸਾਲ ਉਨ੍ਹਾਂ ਦੇ ਹਰ ਜਨਮ ਦਿਨ ਉੱਤੇ ਮੰਦਰ ਵਿੱਚ ਚੜ੍ਹਾਵਾ ਚੜ੍ਹਾਵਾਂਗੀ। ਪਹਿਲੀ ਵਰ ਇਹ ਕੰਮ ਕਰਨ ਉੱਤੇ ਮੈਨੂੰ ਬਹੁਤ ਸਕੂਨ ਮਿਲਿਆ। ਤੁਸੀਂ ਚਾਹੋ ਜਿਸ ਅਧਿਆਤਮਕ ਜਗ੍ਹਾਜਾਓ, ਉਥੇ ਇੱਕ ਵਿਸ਼ੇਸ਼ ਊਰਜਾ ਹੁੰਦੀ ਹੈ। ਇੱਕ ਅਜਿਹੀ ਜਗ੍ਹਾ ਉੱਤੇ ਆ ਕੇ ਚੰਗਾ ਲੱਗਦਾ ਹੈ, ਜਿੱਥੇ ਇੰਨੇ ਸਰੇ ਲੋਕ ਵਿਸ਼ਵਾਸ ਅਤੇ ਸਕਾਰਾਤਮਕ ਊਰਜਾ ਦੇ ਨਾਲ ਜੁੜਦੇ ਹਨ।
* ‘ਧੜਕ’ ਦੇ ਬਾਅਦ ਇਹ ਤੁਹਾਡੀ ਦੂਸਰੀ ਰੀਮੇਕ ਫਿਲਮ ਹੈ ਅਤੇ ਅਗਲੀ ‘ਮਿਲੀ’ ਵੀ ਰੀਮੇਕ ਹੈ, ਰੀਮੇਕ ਫਿਲਮਾਂ ਨੂੰ ਸਾਈਨ ਕਰਦੇ ਸਮੇਂ ਮਨ ਵਿੱਚ ਕੀ ਚੀਜ਼ਾਂ ਚਲਦੀਆਂ ਹਨ?
- ਮੈਂ ਬੱਸ ਸਕ੍ਰਿਪਟ ਦੇਖ ਕੇ ਉਤਸ਼ਾਹਤ ਹੋ ਜਾਂਦੀ ਹਾਂ। ਰੀਮੇਕ ਫਿਲਮ ਕਰਦੇ ਸਮੇਂ ਮੈਂ ਮੂਲ ਫਿਲਮ ਦੀ ਨਕਲ ਕਰਨ ਦੀ ਥਾਂ ਖੁਦ ਦਾ ਕੁਝ ਚੰਗਾ ਲਿਆਉਣ ਦੀ ਕੋਸ਼ਿਸ਼ ਕਰਦੀ ਹਾਂ। ਅਸੀਂ ਸਿਰਫ ਕਹਾਣੀ ਮੂਲ ਫਿਲਮ ਤੋਂ ਲਈ ਹੈ, ਬਾਕੀ ਇਸ ਦੀ ਦੁਨੀਆ ਅਤੇ ਲੋਕ ਬਹੁਤ ਅਲੱਗ ਹਨ।
*‘ਮਿਲੀ’ ਵਿੱਚ ਪਹਿਲੀ ਵਾਰ ਪਿਤਾ ਬੋਨੀ ਕਪੂਰ ਦੇ ਪ੍ਰੋਡਕਸ਼ਨ ਵਿੱਚ ਕੰਮ ਕਰ ਰਹੇ ਹੋ, ਕੀ ਇਹ ਆਸਾਨ ਫੈਸਲਾ ਸੀ?
- ਮੈਂ ਉਨ੍ਹਾਂ ਨਾਲ ਬਹੁਤ ਪਹਿਲਾਂ ਤੋਂ ਕੰਮ ਕਰਨਾ ਚਾਹੁੰਦੀ ਸੀ। ‘ਮਿਲੀ' ਇੱਕ ਬਾਪ-ਬੇਟੀ ਦੀ ਕਹਾਣੀ ਹੈ, ਉਹ ਐਂਗਲ ਪਾਪਾ ਲਈ ਕਾਫੀ ਦਿਲਚਸਪ ਅਤੇ ਇਮੋਸ਼ਨਲ ਰਿਹਾ। ਇਸ ਨਾਲ ਨਿੱਜੀ ਲਗਾਅ ਹੋਣ ਦੇ ਕਾਰਨ ਅਸੀਂ ਸੋਚਿਆ ਕਿ ਇਕੱਠੇ ਕੰਮ ਕਰਨ ਲਈ ਇਹ ਸਹੀ ਫਿਲਮ ਹੈ।

Have something to say? Post your comment