ਸੁਲਤਾਨਪੁਰ ਲੋਧੀ, 24 ਮਈ (ਪੋਸਟ ਬਿਊਰੋ)- ਮਾਮੂਲੀ ਤਕਰਾਰ ਪਿੱਛੋਂ ਗੁਆਂਢੀ ਜਸਬੀਰ ਸਿੰਘ ਨੂੰ ਗੋਲੀਆਂ ਮਾਰ ਕੇ ਕਤਲ ਕਰਨ ਦੇ ਦੋਸ਼ ਵਿੱਚ ਥਾਣਾ ਤਲਵੰਡੀ ਚੌਧਰੀਆਂ ਪੁਲਸ ਨੇ ਥਾਣੇਦਾਰ ਹਰਦੇਵ ਸਿੰਘ ਕਪੂਰਥਲਾ ਨੂੰ ਗ਼੍ਰਿਫ਼ਤਾਰ ਕਰ ਲਿਆ ਅਤੇ ਇਸ ਸੰਬੰਧ ਵਿੱਚ ਅਗਲੀ ਕਾਰਵਾਈ ਕੀਤੀ ਜਾ ਰਹੀ ਹੈ।
ਡੀ ਐਸ ਪੀ ਨੇ ਦੱਸਿਆ ਕਿ ਏ ਐਸ ਆਈ ਹਰਦੇਵ ਸਿੰਘ ਵਾਸੀ ਤਲਵੰਡੀ ਚੌਧਰੀਆਂ ਨੇ ਗੁਆਂਢੀਆਂ ਉੱਤੇ ਗੋਲੀਆਂ ਚਲਾਈਆਂ ਸਨ। ਉਸ ਕੋਲੋਂ 12 ਬੋਰ ਦੀ ਲਾਇਸੈਂਸੀ ਬੰਦੂਕ, ਕਾਰਤੂਸ ਅਤੇ ਡੀ ਵੀ ਆਰ ਮਿਲੀ ਹੈ। ਦੋਸ਼ੀ ਥਾਣੇਦਾਰ ਦਾ ਆਪਣੇ ਗੁਆਂਢੀ ਨਾਲ ਗਲੀ ਵਿੱਚੋਂ ਗੱਡੀ ਲੰਘਾਉਣ ਦੀ ਮਾਮੂਲੀ ਗੱਲ ਉੱਤੇਝਗੜਾ ਹੋਇਆ ਤਾਂ ਥਾਣੇਦਾਰ ਵੱਲੋਂ ਦੁਨਾਲੀ ਨਾਲ ਗੁਆਂਢੀ ਉੱਤੇ ਗੋਲੀਆਂ ਦਾਗ਼ ਦਿੱਤੀਆਂ ਸਨ। ਇਸ ਬਾਰੇ ਤਲਵੰਡੀ ਚੌਧਰੀਆਂ ਪੁਲਸ ਨੇ ਰਵਿੰਦਰ ਸਿੰਘ ਪੁੱਤਰ ਜਸਬੀਰ ਸਿੰਘ ਵਾਸੀ ਤਲਵੰਡੀ ਚੌਧਰੀਆਂ ਦੇ ਬਿਆਨਾਂ ਉੱਤੇ ਹਰਦੇਵ ਸਿੰਘ ਪੁੁੱਤਰ ਬਲਬੀਰ ਸਿੰਘ ਵਿਰੁੱਧ ਧਾਰਾ 302 ਤੇ 25, 54, 59 ਦਾਕੇਸ ਦਰਜ ਕੀਤਾ ਸੀ। ਮੁੱਢਲੀ ਜਾਂਚ ਵਿੱਚਦੋਸ਼ੀ ਨੇ ਦੱਸਿਆ ਕਿ ਗਲੀ ਵਿੱਚ ਗੁਆਂਢੀ ਵੱਲੋਂ ਮਿਸਤਰੀਆਂ ਦੀ ਪੈਡ ਕੀਤੀ ਸੀ, ਜਿਸ ਬਾਰੇ ਉਸ ਦੀ ਮ੍ਰਿਤਕ ਜਸਬੀਰ ਸਿੰਘ ਦੇ ਭਰਾ-ਭਰਜਾਈ ਨਾਲ ਬਹਿਸ ਹੋਈ ਅਤੇ ਬਾਅਦ ਵਿੱਚ ਉਸ ਨੇ ਗੋਲੀਆਂ ਚਲਾ ਦਿੱਤੀਆਂ।