ਜਲੰਧਰ, 23 ਮਈ (ਪੋਸਟ ਬਿਊਰੋ)- ਇੰਪਰੂਵਮੈਂਟ ਟਰੱਸਟ ਜਲੰਧਰ ਦੇ ਦਫਤਰ ਤੋਂ ਗੁੰਮ ਹੋਈਆਂ 120 ਫਾਈਲਾਂ ਦਾ ਕੇਸ ਦਰਜ ਕਰਨ ਪਿੱਛੋਂ ਥਾਣਾ ਡਵੀਜ਼ਨ ਨੰਬਰ ਚਾਰ ਦੀ ਪੁਲਸ ਵੱਲੋਂ ਕੀਤੀ ਗਈ ਜਾਂਚ ਵਿੱਚ ਪੂਰੀ ਸਾਜ਼ਿਸ਼ ਬਾਰੇ ਇੱਕ ਪਿੱਛੋਂ ਇੱਕ ਪਰਤਾਂ ਖੁੱਲ੍ਹਣ ਲੱਗੀਆਂ ਹਨ। ਪੁਲਸ ਨੂੰ ਟਰੱਸਟ ਦੇ ਰਿਕਾਰਡ ਬ੍ਰਾਂਚ ਦੇ ਇੰਚਾਰਜ ਕਪਿਲ ਸਿਆਲ ਵੱਲੋਂ ਦਿੱਤੇ ਲਿਖਤੀ ਬਿਆਨ ਵਿੱਚ ਇਸ ਪੂਰੇ ਮਾਮਲੇ ਦਾ ਸੱਚ ਸਾਹਮਣੇ ਆ ਗਿਆ ਹੈ।
ਪਤਾ ਲੱਗਾ ਹੈ ਕਿ ਦਫਤਰ ਵਿੱਚ ਚੱਲਦੀ ਆਪਸੀ ਲੜਾਈ ਦਾ ਪੂਰਾ ਮੁੱਦਾ ਸਾਜ਼ਿਸ਼ ਸੀ, ਜਿਸ ਦੇ ਸੂਤਰਧਾਰ ਅਜੇ ਸਸਪੈਂਡ ਹੋਏ ਸਾਬਕਾ ਈ ਓ ਪਰਮਿੰਦਰ ਸਿੰਘ ਗਿੱਲ ਸਨ। ਇਸ ਕਾਰਨ ਕਪਿਲ ਸਿਆਲ ਨੇ ਆਪਣੇ ਸਭ ਤੋਂ ਪਹਿਲੇ ਬਿਆਨ ਵਿੱਚ ਕਿਹਾ ਕਿ ਜਿਨ੍ਹਾਂ 120 ਫਾਈਲਾਂ ਬਾਰੇ ਕੇਸ ਦਰਜ ਕੀਤਾ ਗਿਆ ਹੈ, ਉਹ 120 ਫਾਈਲਾਂ ਉਸ ਨੂੰ ਦਫਤਰ ਤੋਂ ਮਿਲ ਗਈਆਂ ਹਨ। ਇਸ ਵਿੱਚ ਰਿਕਾਰਡ ਰੂਮ ਤੋਂ ਅਫਸਰਾਂ ਅਤੇ ਵੱਖ-ਵੱਖ ਬ੍ਰਾਂਚਾ ਦੇ ਮੁਲਾਜ਼ਮਾਂ ਦੇ ਟੇਬਲ ਉੱਤੇ ਪ੍ਰੋਸੈਸ ਵਿੱਚ ਚੱਲ ਰਹੀ ਫਾਈਲ ਨਾਲ ਸਾਰੀਆਂ ਫਾਈਲਾਂ ਉਨ੍ਹਾਂ ਦੇ ਕੋਲ ਆ ਗਈਆਂ ਹਨ। ਗੁੰਮ ਹੋਈਆਂ 120 ਫਾਈਲਾਂ ਦੀ ਰਿਪੋਰਟ ਉੱਤੇ ਰਿਕਾਰਡ ਕੀਪਰ ਦੇ ਸਾਈਨ ਹੋਣ ਬਾਰੇ ਉਸ ਨੇ ਕਿਹਾ ਹੈ ਕਿ ਜਿਨ੍ਹਾਂ ਲੋਕਾਂ ਨੇ ਗੁੰਮ ਫਾਈਲਾਂ ਦਾ ਰਿਕਾਰਡ ਬਣਾਇਆ ਸੀ, ਉਸ ਨੇ ਸਿਰਫ ਅਜੈ ਮਲਹੋਤਰਾ ਦੇ ਨਾਂਅ ਉੱਤੇ ਜਾਰੀ ਹੋਈ ਫਾਈਲ ਦਾ ਰਜਿਸਟਰ ਦੇਖਿਆ ਸੀ, ਪਰ ਇਸ ਵਿੱਚ ਜੋ ਫਾਈਲਾਂ ਰਿਕਾਰਡ ਵਿੱਚ ਵਾਪਸ ਆਉਣ ਦੀ ਰਿਪੋਰਟ ਹੈ, ਉਸ ਨੂੰ ਨਹੀਂ ਚੈਕ ਕੀਤਾ ਗਿਆ।
ਇਹੀ ਨਹੀਂ,ਦਸਖਤਾਂ ਦੇ ਰਿਕਾਰਡ ਕੀਪਰ ਦਾ ਕਹਿਣਾ ਹੈ ਕਿ ਉਸ ਵੇਲੇ ਦੇ ਈ ਓ ਨੇ ਉਨ੍ਹਾਂ ਨੂੰ ਬੁਲਾ ਕੇ ਸਿੱਧਾ ਦਸਖਤ ਕਰਨ ਨੂੰ ਕਿਹਾ ਅਤੇ ਰਿਪੋਰਟ ਉੱਤੇ ਹੋਰ ਵੀ ਮੁਲਾਜ਼ਮਾਂ ਦੇ ਦਸਖਤੇ ਸਨ ਅਤੇ ਸੀਨੀਅਰ ਅਧਿਕਾਰੀ ਦੇ ਕਹਿਣ ਉੱਤੇ ਮਨ੍ਹਾ ਨਹੀਂ ਕਰ ਸਕਿਆ ਅਤੇ ਬਗੈਰ ਰਿਪੋਰਟ ਪੜ੍ਹੇ ਦਸਖਤ ਕਰ ਦਿੱਤੇ। ਰਿਕਾਰਡ ਕੀਪਰ ਦੇ ਇਸ ਬਿਆਨ ਤੋਂ ਸਾਫ ਹੋ ਗਿਆ ਹੈ ਕਿ ਪੂਰੇ ਕੇਸ ਨੂੰ ਇੱਕ ਸਾਜ਼ਿਸ਼ ਬਣਾ ਕੇ ਪਰਚਾ ਦਰਜ ਕਰਾ ਦਿੱਤਾ ਗਿਆ ਸੀ।