ਦੀਆ ਮਿਰਜ਼ਾ ਇਨ੍ਹੀਂ ਦਿਨੀਂ ਆਪਣੀ ਅਗਲੀ ਫਿਲਮ ‘ਧਕ ਧਕ’ ਬਾਰੇ ਚਰਚਾ ਵਿੱਚ ਹੈ। ਇਸ ਵਿੱਚ ਦੀਆ ਇੱਕ ਮੁਸਲਿਮ ਔਰਤ ਦੇ ਕਿਰਦਾਰ ਵਿੱਚ ਆਏਗੀ। ਫਿਲਮ ਵਿੱਚ ਫਾਤਿਮਾ ਸਨਾ ਸ਼ੇਖ਼, ਸੰਜਨਾ ਸਾਂਘੀ ਤੇ ਰਤਨਾ ਪਾਠਕ ਸ਼ਾਹ ਵੀ ਨਜ਼ਰ ਆਉਣਗੀਆਂ। ਦੀਆ ਨੇ ਇਸ ਫਿਲਮ ਦੀ ਸ਼ੂਟਿੰਗ ਸ਼ੁਰੂ ਕਰ ਦਿੱਤੀ ਹੈ। ਇਸ ਗੱਲ ਦੀ ਜਾਣਕਾਰੀ ਖੁਦ ਉਸ ਨੇ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ ਉੱਤੇ ਸੈਟ ਤੋਂ ਇੱਕ ਤਸਵੀਰ ਸ਼ੇਅਰ ਕਰ ਕੇ ਦਿੱਤੀ ਹੈ।
ਫਿਲਮ ‘ਧਕ ਧਕ’ ਦੀ ਗੱਲ ਕਰੀਏ ਤਾਂ ਇਸ ਨੂੰ ਪ੍ਰਾਂਜਲ ਖਗੜੀਆ, ਤਾਪਸੀ ਪੰਨੂ ਅਤੇ ਆਯੂਸ਼ ਮਹੇਸ਼ਵਰੀ ਮਿਲ ਕੇ ਪ੍ਰੋਡਿਊਸ ਕਰ ਰਹੇ ਹਨ। ਇਸ ਦਾ ਨਿਰਦੇਸ਼ਨ ਤਰੁਣਾ ਦੁਡੇਜਾ ਕਰਨਗੇ। ਪਾਰਿਜਾਤ ਜਦੋਸ਼ੀ ਅਤੇ ਤਰੁਣ ਦੁਡੇਜਾ ਇਸ ਦੇ ਰਾਈਟਰ ਹਨ। ਇਹ ਫਿਲਮ ਚਾਰ ਔਰਤਾਂ ਦੇ ਆਲੇ ਦੁਆਲੇ ਘੁੰਮਦੀ ਹੈ।