ਸਿਨੇਮਾਘਰਾਂ ਵਿੱਚ ਪਿੱਛੇ ਜਿਹੇਆਈ ਪੰਜਾਬੀ ਫਿਲਮ ‘ਮਾਂ’ ਵਿੱਚ ਪ੍ਰਸ਼ੰਸਕਾਂ ਨੇ ਅਭਿਨੇਤਰੀ ਦਿਵਿਆ ਦੱਤਾ ਨੂੰ ਮਾਂ ਦੇ ਰੂਪ ਵਿੱਚ ਵੇਖਿਆ ਹੈ। ਅੱਗੋਂ ਦਿਵਿਆ ਦੱਤਾ ਆਪਣੀ ਨਵੀਂ ਫਿਲਮ ‘ਧਾਕੜ’ ਵਿੱਚ ਮਾਫੀਆ ਡਾਨ ਦੀ ਭੂਮਿਕਾ ਵਿੱਚ ਨਜ਼ਰ ਆਵੇਗੀ। ਉਸ ਨੇ ਆਪਣੇ ਕੰਮ ਨੂੰ ਪਿਆਰ ਕਰਨ ਦੇ ਤਜਰਬੇ ਸਾਂਝੇ ਕੀਤੇ ਅਤੇ ਦੱਸਿਆ ਕਿ ਇਹੀ ਕਾਰਨ ਹੈ, ਜਿਹੜਾ ਉਸ ਨੂੰ ਮਾਂ ਤੋਂ ਮਾਫੀਆ ਡਾਨ ਦੇ ਕਿਰਦਾਰ ਤੱਕ ਲੈ ਜਾਂਦਾ ਹੈ।
‘ਧਾਕੜ’ ਵਿਚਲੇ ਆਪਣੇ ਕਿਰਦਾਰ ਬਾਰੇ ਦਿਵਿਆ ਨੇ ਆਖਿਆ, ‘‘ਮੈਂ ਰੋਹਿਨੀ ਦੇ ਕਿਰਦਾਰ ਤੋਂ ਪਹਿਲਾਂ ਕਦੇ ਅਜਿਹੀ ਭੂਮਿਕਾ ਨਹੀਂ ਨਿਭਾਈ। ਪਤਾਨਹੀਂ ਕਿਉਂ, ਪਰ ਹਰ ਵਾਰ ਐਕਸ਼ਨ ਤੇ ਕੱਟ ਦੌਰਾਨ ਕੁਝ ਵੱਖਰਾ ਤੇ ਖਾਸ ਹੁੰਦਾ ਹੈ। ਸਾਡੇ ਡਾਇਰੈਕਟਰ ਨੇ ਵੀ ਪੁੱਛਿਆ ਕਿ ਦਿਵਿਆ ਵਿੱਚੋਂ ਇਹ ‘ਕਮੀਨਾਪਣ’ ਕਿੱਥੋਂ ਆ ਗਿਆ। ਮੈਂ ਹੱਸੀ ਅਤੇ ਕਿਹਾ ਕਿ ਮੈਨੂੰ ਇਸ ਕੰਮ ਲਈ ਕਸੂਰਵਾਰ ਨਾ ਠਹਿਰਾਓ। ਜੇ ਮੈਂ ਇਮਾਨਦਾਰੀ ਨਾਲ ਕਹਾਂ ਤਾਂ ਮੈਨੂੰ ਇੰਝ ਜਾਪਦਾ ਹੈ ਕਿ ਜਿੰਨਾ ਅਸੀਂ ਕਿਸੇ ਕਿਰਦਾਰ ਦੀ ਡੂੰਘਾਈ ਤੱਕ ਜਾਂਦੇ ਹਾਂ ਤਾਂ ਸਾਨੂੰ ਮਨੁੱਖੀ ਦਿਮਾਗ ਦੀ ਸੋਝੀ ਆਉਂਦੀ ਹੈ ਅਤੇ ਅਦਾਕਾਰ ਹੋਣ ਦੇ ਨਾਤੇ ਇਹ ਮੇਰੇ ਲਈ ਖੁਦ ਨੂੰ ਤਰਾਸ਼ਣ ਵਾਂਗ ਹੈ।'”