ਦੱਗੂਬਾਤੀ, ਵੈਂਕਟੇਸ਼, ਤਮੰਨਾ ਭਾਟੀਆ ਤੇ ਵਰੁਮ ਤੇਜ ਸਟਾਰਰ ਫਿਲਮ ‘ਐੱਫ 3’ 27 ਮਈ ਨੂੰ ਰਿਲੀਜ਼ ਹੋਣੀ ਹੈ। ਇਹ ਤੇਲਗੂ ਭਾਸ਼ਾ ਫਿਲਮ ਹੈ। ਇਸ ਦੇ ਰਿਲੀਜ਼ ਤੋਂ ਪਹਿਲਾਂ ਇਸ ਦੇ ਹਿੰਦੀ ਰੀਮੇਕ ਬਾਰੇ ਅਟਕਲਾਂ ਚੱਲ ਪਈਆਂ ਹਨ। ਜਾਣਕਾਰ ਸੂਤਰਾਂ ਮੁਤਾਬਕ ਡਾਇਰੈਕਟਰ ਅਨਿਲ ਰਵੀਪੁਦੀ ਸ਼ਾਹਰੁਖ ਖਾਨ ਜਾਂ ਸਲਮਾਨ ਖਾਨ ਵਿੱਚੋਂ ਇੱਕ ਨੂੰ ਹਿੰਦੀ ਰੀਮੇਕ ਲਈ ਕਾਸਟ ਕਰਨਾ ਚਾਹੁੰਦੇ ਹਨ।
ਅਨਿਲ ਨੇ ਦੱਸਿਆ, ‘‘ਮੈਂ ਐੱਫ 2’ ਦੀ ਹਿੰਦੀ ਰੀਮੇਕ ਵਿੱਚ ਨਹੀਂ ਹਾਂ। ਮੈਂ ‘ਐੱਫ 3’ ਦੀ ਹਿੰਦੀ ਰੀਮੇਕ ਨਾਲ ਜੁੜਨਾ ਚਾਹੁੰਦਾ ਹਾਂ। ਮੈਂ ਪ੍ਰੋਡਿਊਸਰ ਦਿਲ ਰਾਜੂ ਨੂੰ ਇਸ ਦੀ ਹਿੰਦੀ ਰੀਮੇਕ ਵਿੱਚ ਕੰਮ ਕਰਨ ਦੀ ਇੱਛਾ ਪਹਿਲਾਂ ਹੀ ਦੱਸ ਦਿੱਤੀ ਹੈ। ਮੇਰੇ ਲਈ ਵੈਂਕਟੇਸ਼ ਦੇ ਕਿਰਦਾਰ ਲਈ ਸਲਮਾਨ ਜਾਂ ਸ਼ਾਹਰੁਖ ਸਹੀ ਬਦਲ ਹੋਣਗੇ। ਉਹ ਅੱਜਕੱਲ੍ਹ ਐਕਸ਼ਨ ਸਿਨੇਮਾ ਕਰ ਰਹੇ ਹਨ ਜਾਂ ਡਰਾਮਾ, ਪਰ ਪੂਰੀ ਤਰ੍ਹਾਂ ਇੰਟਰਟੇਨਰ ਫਿਲਮ ਉਨ੍ਹਾਂ ਦੇ ਖਾਤੇ ਵਿੱਚ ਨਹੀਂ ਹੈ। ਬਾਲੀਵੁੱਡ ਦੇ ਦਰਸ਼ਕ ਉਨ੍ਹਾਂ ਨੂੰ ਇਸ ਤਰ੍ਹਾਂ ਦੀ ਕਾਮੇਡੀ ਵਿੱਚ ਦੇਖਣਾ ਪਸੰਦ ਕਰਨਗੇ।”ਦੱਸਣਾ ਬਣਦਾ ਹੈ ਕਿ ਫਿਲਮ ਦੀ ਕਹਾਣੀ ਅਨਿਲ ਰਵੀਪੁਦੀ ਨੇ ਲਿਖੀ ਹੈ ਅਤੇ ਉਨ੍ਹਾਂ ਨੇ ਹੀ ਨਿਰਦੇਸ਼ਨ ਵੀ ਕੀਤਾ ਹੈ।