ਸਨ੍ਹਾ, 17 ਮਈ (ਪੋਸਟ ਬਿਊਰੋ)- ਯਮਨ ਦੇ ਹਾਊਦੀ ਬਾਗੀਆਂ ਦਾ ਕਹਿਣਾ ਹੈ ਕਿ ਛੇ ਸਾਲਾਂਪਿੱਛੋਂ ਪਹਿਲੀ ਵਾਰ ਕਿਸੇ ਵਪਾਰਕ ਜਹਾਜ਼ ਨੇ ਦੇਸ਼ ਦੀ ਰਾਜਧਾਨੀ ਸਨਾ ਤੋਂ ਉਡਾਣ ਭਰੀ ਹੈ।
ਅਧਿਕਾਰੀਆਂ ਦੇ ਅਨੁਸਾਰ ਗ੍ਰਹਿ ਯੁੱਧ ਦਾ ਸਾਹਮਣਾ ਕਰ ਰਹੇ ਇਸ ਦੇਸ਼ ਵਿੱਚ ਸਰਕਾਰ ਅਤੇ ਬਾਗੀਆਂ ਦੀ ਜੰਗ ਬੰਦੀ ਵਿੱਚ ਸਹਿਮਤੀ ਬਣਨ ਪਿੱਛੋਂਇਹ ਹੋ ਸਕਿਆ। ਸਨਾਉਤੇ ਇਸ ਸਮੇਂ ਬਾਗੀਆਂ ਦਾ ਕਬਜ਼ਾ ਹੈ। ਈਰਾਨ ਸਮਰਥਕਹਾਊਦੀ ਬਾਗੀਆਂ ਦੇ ਮੀਡੀਆ ਅਨੁਸਾਰ ਯਮਨ ਏਅਰਵੇਜ਼ ਦਾ ਇਹ ਜਹਾਜ਼ ਸਨਾ ਤੋਂ ਜੌਰਡਨ ਦੀ ਰਾਜਧਾਨੀ ਅਮਾਨ ਗਿਆ। ਜਹਾਜ਼ ਵਿੱਚ ਕੁੱਲ 151 ਯਾਤਰੀ ਸਨ। ਇਸ ਤੋਂ ਪਹਿਲਾਂ ਇਹ ਜਹਾਜ਼ ਯਾਤਰੀਆਂ ਨੂੰ ਲੈਣ ਲਈ ਯਮਨ ਦੇ ਦੱਖਣੀ ਬੰਦਰਗਾਹ ਦੇ ਸ਼ਹਿਰ ਅਦਨ ਤੋਂ ਸਨਾ ਪਹੁੰਚਿਆ ਸੀ। ਹਵਾਈ ਅੱਡੇ ਉੱਤੇ ਉਤਰਨ ਵੇਲੇ ਜਹਾਜ਼ ਨੂੰ ਰਸਮੀ ਜਲ ਸਲਾਮੀ ਦੇ ਕੇ ਉਸ ਦਾ ਸਵਾਗਤ ਕੀਤਾ ਗਿਆ। ਹਾਊਦੀ ਮੀਡੀਆ ਦਫਤਰ ਨੇ ਕਿਹਾ ਕਿ ਕੱਲ੍ਹ ਹੀ ਅਮਾਨ ਤੋਂ ਵਾਪਸੀ ਉਡਾਣ ਆਉਣ ਦੀ ਆਸ ਹੈ। ਵਰਨਣ ਯੋਗ ਹੈ ਕਿ ਯੂ ਐੱਨ ਦੀ ਵਿਚੋਲਗੀ ਦੇ ਬਾਅਦ ਪਿਛਲੇ ਮਹੀਨੇ ਯਮਨ ਦੀ ਅੰਤਰਰਾਸ਼ਟਰੀ ਮਾਨਤਾ ਪ੍ਰਾਪਤ ਸਰਕਾਰ ਤੇ ਹਾਊਦੀ ਬਾਗੀਆਂ ਵਿਚਾਲੇ 60 ਦਿਨਾਂ ਲਈ ਜੰਗਬੰਦੀ ਦਾ ਐਲਾਨ ਹੋਇਆ ਸੀ।