ਮੱਲਪੁਰ, 17 ਮਈ (ਪੋਸਟ ਬਿਊਰੋ)- ਪਿੰਡ ਕਾਹਮਾ ਦੇ ਨੌਜਵਾਨ ਦੀ ਊਨਾ ਨੇੜੇ ਡੈਮ ਦੇ ਪਾਣੀ ਵਿੱਚ ਡੁੱਬ ਕੇ ਮੌਤ ਹੋਣ ਦੀ ਖ਼ਬਰ ਹੈ, ਜਿਸ ਬਾਰੇ ਪੁਲਸ ਜਾਂਚ ਕਰ ਰਹੀ ਹੈ।
ਪ੍ਰਦੀਪ ਸਿੰਘ ਉਰਫ਼ ਵਿਪਨ (25) ਆਪਣੇ ਉਸਤਾਦ ਨਾਲ ਬਲਾਚੌਰ ਤੋਂ ਗਏ ਸੰਗ ਨਾਲ ਬਾਬਾ ਬਾਲਕ ਨਾਥ ਹਿਮਾਚਲ ਪ੍ਰਦੇਸ਼ ਵਿਖੇ ਮੱਥਾ ਟੇਕਣ ਗਿਆ ਸੀ। ਜਦੋਂ ਉਹ ਊਨਾਨੇੜੇ ਰੁਕੇ ਤਾਂ ਉਹ ਰੋਡ ਤੋਂ ਆਪਣੇ ਸਾਥੀਆਂ ਸਮੇਤ ਡੈਮ ਦੇ ਲੰਘ ਰਹੇ ਪਾਣੀ ਵਿੱਚ ਨਹਾਉਣ ਲਈ ਪਹਾੜੀ ਤੋਂ ਹੇਠਾਂ ਉਤਰ ਗਏ। ਜਦੋਂ ਉਸ ਨੇ ਪਾਣੀ ਵਿੱਚ ਛਾਲ ਲਾਈ ਤਾਂ ਪਾਣੀ ਵਿੱਚੋਂ ਬਾਹਰ ਨਹੀਂ ਆਇਆ ਤਾਂ ਉਸ ਦੇ ਸਾਥੀਆਂ ਨੇ ਰੌਲਾ ਪਾਇਆ। ਪ੍ਰਸ਼ਾਸਨ ਦੀ ਕਾਫ਼ੀ ਮਿਹਨਤ ਨਾਲ 20 ਘੰਟੇ ਬਾਅਦ ਪਾਣੀ ਵਿੱਚੋਂ ਉਸਦੀ ਲਾਸ਼ ਮਿਲੀ। ਵਿਪਨ ਤਿੰਨ ਭੈਣਾਂ ਦਾ ਇਕਲੌਤਾ ਭਰਾ ਸੀ ਅਤੇ ਹਫ਼ਤੇ ਤਕ ਉਸ ਨੇ ਸਾਊਦੀ ਅਰਬ ਜਾਣਾ ਸੀ। ਉਹ ਵਧੀਆ ਦੌੜਾਕ ਵੀ ਸੀ ਤੇ ਕਾਫ਼ੀ ਮੈਡਲਾਂ ਨਾਲ ਉਸ ਦਾ ਸਨਮਾਨ ਵੀ ਹੋ ਚੁੱਕਾ ਸੀ।