ਅਜੈ ਦੇਵਗਨ ਨੇ ਆਪਣੀ ਫਿਲਮ ‘ਦਿ੍ਰਸ਼ਯਮ 2’ ਦੀ ਅਨਾਊਂਸਮੈਂਟ ਫਰਵਰੀ ਵਿੱਚ ਕੀਤੀ ਸੀ। ਇਸ ਵਿੱਚ ਅਜੈ ਦੇਵਗਨ ਦੇ ਇਲਾਵਾ ਤੱਬੂ ਤੇ ਸ਼੍ਰਿਆ ਸ਼ਰਨ ਵੀ ਹਨ। ਅਕਸ਼ੈ ਖੰਨਾ ਵੀ ਫਿਲਮ ਵਿੱਚ ਨਜ਼ਰ ਆਉਣਗੇ। ਤੱਬੂ ਅਤੇ ਅਕਸ਼ੈ ਨੇ ਫਿਲਮ ਦੇ ਗੋਆ ਸ਼ਡਿਊਲ ਦੀ ਸ਼ੂੁਟਿੰਗ ਸ਼ੁਰੂ ਕਰ ਦਿੱਤੀ ਹੈ। ਸੂਤਰਾਂ ਅਨੁਸਾਰ ਫਿਲਮ ਦਾ ਇੱਕ ਵੱਡਾ ਅਤੇ ਅਹਿਮ ਹਿੱਸਾ ਉਥੇ ਸ਼ੂਟ ਕੀਤਾ ਜਾਏਗਾ। ਅਜੈ ਉਥੇ ਰਹਿ ਕੇ ਕਰੀਬ ਇੱਕ ਮਹੀਨਾ ਸ਼ੂਟਿੰਗ ਕਰਨ ਵਾਲੇ ਹਨ। ਇਸ ਦੇ ਬਾਅਦ ਫਿਲਮ ਦੇ ਇੱਕ ਛੋਟੇ ਹਿੱਸੇ ਦੀ ਸ਼ੂਟਿੰਗ ਮੁੰਬਈ ਵਿੱਚ ਕੀਤੀ ਜਾਏਗੀ। ਅਕਸ਼ੈ, ਤੱਬੂ ਅਤੇ ਸ਼੍ਰਿਆ ਵੀ ਉਨ੍ਹਾਂ ਨਾਲ ਗੋਆ ਵਿੱਚ ਹੋਣ ਵਾਲੀ ਸ਼ੂਟਿੰਗ ਦਾ ਹਿੱਸਾ ਬਣਨਗੇ।
ਸੂਤਰਾਂ ਮੁਤਾਬਕ ਅਜੈ ਸ਼ੂਟਿੰਗ ਲਈ ਗੋਆ ਪਹੁੰਚ ਚੁੱਕੇ ਹਨ। ਦੱਸਣਾ ਬਣਦਾ ਹੈ ਕਿ ਇਹ ਫਿਲਮ ਮਲਿਆਲਮ ਸੁਪਰਸਟਾਰ ਮੋਹਨ ਲਾਲ ਦੀ ਫਿਲਮ ‘ਦਿ੍ਰਸ਼ਯਮ 2’ ਦਾ ਹਿੰਦੀ ਰੀਮੇਕ ਹੈ। ਅਜੈ ਦੇ ਵਰਕਫਰੰਟ ਦੀ ਗੱਲ ਕਰੀਏ ਤਾਂ ਉਹ ਜਲਦੀ ਹੀ ਫਿਲਮ ‘ਮੈਦਾਨ’ ਵਿੱਚ ਨਜ਼ਰ ਆਉਣਗੇ।