ਤਰਨਤਾਰਨ, 25 ਅਪ੍ਰੈਲ (ਪੋਸਟ ਬਿਊਰੋ)- ਇਸ ਜਿ਼ਲੇ ਦੇ ਪਿੰਡ ਸੁਹਾਵਾ ਵਿੱਚਗੁਰਸੇਵਕ ਸਿੰਘ ਦੇ 25 ਸਾਲਾ ਇਕਲੌਤੇ ਪੁੱਤਰ ਦਾ ਕੱਲ੍ਹ ਰਾਤ ਮੋਟਰਸਾਈਕਲ ਸਵਾਰ ਬੰਦਿਆਂ ਨੇ ਗੋਲੀਆਂ ਮਾਰ ਕੇ ਕਤਲ ਕਰ ਦਿੱਤਾ।
ਮਿਲੀ ਜਾਣਕਾਰੀ ਅਨੁਸਾਰ ਗੁਰਸੇਵਕ ਸਿੰਘ ਦਾ ਲੜਕਾ ਜਤਿੰਦਰਪਾਲ ਸਿੰਘ ਕੈਨੇਡਾ ਗਿਆ ਸੀ ਅਤੇਬੀਤੀ 16 ਅਪ੍ਰੈਲ ਨੂੰ ਵਾਪਸ ਆਇਆ ਸੀ।ਉਹ ਅੰਮ੍ਰਿਤਪਾਲ ਸਿੰਘ,ਜਸਲੀਨ ਸਿੰਘ, ਜੁਨੇਜਪਾਲ ਸਿੰਘ ਤੇ ਗੁਰਜੀਤ ਸਿੰਘ ਨਾਲ ਕੱਲ੍ਹ ਸਕਾਰਪੀਉ ਗੱਡੀ ਉੱਤੇ ਰਾਤ ਨੂੰ ਖਾਣਾ ਖਾਣ ਲਈ ਤਰਨਤਾਰਨ ਗਿਆ ਸੀ। ਜਦ ਰਾਤ ਕਰੀਬ 11.30 ਸਬਵੇਅ ਮੇਨ ਹਾਈਵੇ ਤੋਂ ਖਾਣਾ ਖਾ ਕੇ ਚੌਕ ਬੋਹੜੀ ਤੋਂ ਗਗਨ ਸਵੀਟ ਕੋਲੋਂ ਲੰਘ ਰਹੇ ਸੀ ਤਾਂ ਕਿਸੇ ਅਣਪਛਾਤੇ ਨੌਜਵਾਨ ਨੇ ਗੱਡੀ ਉਪਰ ਫ਼ਾਇਰ ਕੀਤੇ, ਜੋ ਜਤਿੰਦਰਪਾਲ ਸਿੰਘ ਦੀ ਖੱਬੀ ਵੱਖੀ ਵਿੱਚ ਲੱਗੇ। ਜ਼ਖਮੀ ਹਾਲਤ ਵਿੱਚ ਜਤਿੰਦਰਪਾਲ ਨੂੰ ਗੁਰੂ ਨਾਨਕ ਦੇਵ ਸਪੈਸ਼ਲਟੀ ਹਸਪਤਾਲ ਵਿਖੇ ਲਿਜਾਇਆ ਗਿਆ, ਪਰ ਡਾਕਟਰਾਂ ਨੇ ਮ੍ਰਿਤਕ ਕਰਾਰ ਦੇ ਦਿੱਤਾ। ਪੁਲਸ ਨੇਘਟਨਾ ਸਥਾਨ ਨੇੜੇ ਦੇ ਸੀ ਸੀ ਟੀ ਵੀ ਕੈਮਰੇ ਵੇਖੇ ਤੇ ਅਣਪਛਾਤੇ ਵਿਅਕਤੀਆਂ ਵਿਰੁੱਧ ਕੇਸ ਦਰਜ ਕੀਤਾ ਹੈ।