Welcome to Canadian Punjabi Post
Follow us on

28

March 2024
ਬ੍ਰੈਕਿੰਗ ਖ਼ਬਰਾਂ :
ਬੱਸ ਵਿੱਚ ਮਹਿਲਾ ਉੱਤੇ ਇੱਕ ਵਿਅਕਤੀ ਨੇ ਕੀਤਾ ਹਮਲਾ, ਮਹਿਲਾ ਜ਼ਖ਼ਮੀਜਾਅਲੀ ਇਨਕਮ ਬੈਨੇਫਿਟ ਹਾਸਲ ਕਰਨ ਵਾਲੇ 232 ਮੁਲਾਜ਼ਮਾਂ ਨੂੰ ਸੀਆਰਏ ਨੇ ਕੱਢਿਆਫੋਰਡ ਸਰਕਾਰ ਨੇ ਪੇਸ਼ ਕੀਤਾ 214. 5 ਬਿਲੀਅਨ ਦੇ ਖਰਚੇ ਵਾਲਾ ਬਜਟਈਡੀ ਨੇ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਨੂੰ ਕੀਤਾ ਗ੍ਰਿਫ਼ਤਾਰਪ੍ਰਧਾਨ ਮੰਤਰੀ ਮੋਦੀ ਰੂਸੀ ਰਾਸ਼ਟਰਪਤੀ ਨੂੰ ਚੋਣਾਂ ਜਿੱਤਣ 'ਤੇ ਦਿੱਤੀ ਵਧਾਈ, ਯੂਕਰੇਨ ਦੇ ਰਾਸ਼ਟਰਪਤੀ ਜ਼ੇਲੇਨਸਕੀ ਨੂੰ ਵੀ ਕੀਤਾ ਫ਼ੋਨਗਾਜ਼ਾ ਦੇ ਸਭ ਤੋਂ ਵੱਡੇ ਹਸਪਤਾਲ ਨੇੜੇ ਬੰਬਾਰੀ, 50 ਲੜਾਕਿਆਂ ਦੇ ਮਾਰੇ ਜਾਣ ਦਾ ਸ਼ੱਕ ਮੁੱਖ ਮੰਤਰੀ ਭਗਵੰਤ ਮਾਨ ਸ਼ਹੀਦ ਕਾਂਸਟੇਬਲ ਅੰਮ੍ਰਿਤਪਾਲ ਸਿੰਘ ਦੇ ਘਰ ਪਹੁੰਚੇ, ਪਰਿਵਾਰ ਨਾਲ ਕੀਤਾ ਦੁੱਖ ਸਾਂਝਾ ਸੁਪਰੀਮ ਕੋਰਟ ਨੇ ਕੀਤਾ ਬਾਬਾ ਰਾਮਦੇਵ ਅਤੇ ਆਚਾਰੀਆ ਬਾਲਕ੍ਰਿਸ਼ਨ ਨੂੰ ਨੋਟਿਸ ਜਾਰੀ, ਪੁੱਛਿਆ, ਮਾਣਹਾਨੀ ਦੀ ਕਾਰਵਾਈ ਕਿਉਂ ਨਾ ਕੀਤੀ ਜਾਵੇੇ
 
ਸੰਪਾਦਕੀ

ਰੋਚਕ ਹਨ ਨਵੀਂ ਮਦਰਮਸ਼ੁਮਾਰੀ ਵਿੱਚ ਨਵੇਂ ਕੈਨੇਡੀਅਨ ਤੱਥ

February 11, 2022 12:30 PM

ਕੈਨੇਡੀਅਨ ਪੰਜਾਬੀ ਪੋਸਟ

ਕੈਨੇਡਾ ਦੇ ਅੰਕੜਾ ਵਿਭਾਗ ਵੱਲੋਂ 2016 ਤੋਂ 2021 ਦੇ ਅਰਸੇ ਲਈ ਕੀਤੀ ਗਈ ਮਰਦਮਸ਼ੁਮਾਰੀ ਦੇ ਨਤੀਜੇ ਪਿਛਲੀ ਦਿਨੀਂ ਜਾਰੀ ਕੀਤੇ ਗਏ। ਇਹਨਾਂ ਸਿੱਟਿਆਂ ਵਿੱਚ ਇੱਕ ਗੱਲ ਸਾਫ਼ ਹੋਈ ਕਿ ਕੈਨੇਡਾ ਦੀ ਆਬਾਦੀ ਵਿੱਚ ਵਾਧੇ ਦਾ ਇੱਕੋ ਇੱਕ ਕਾਰਣ ਪਰਵਾਸੀਆਂ ਦਾ ਆਉਣਾ ਹੈ। ਬੀਤੇ ਪੰਜ ਸਾਲਾਂ ਵਿੱਚ ਕੈਨੇਡਾ ਦੀ ਜਨਸੰਖਿਆ ਵਿੱਚ 5.2% ਵਾਧਾ ਹੋਇਆ ਹੈ। ਕੈਨੇਡਾ ਦੇ ਸਮੁੱਚੇ G7 ਮੁਲਕਾਂ ਵਿੱਚੋਂ ਸੱਭ ਤੋਂ ਵੱਧ ਆਬਾਦੀ ਦੀ ਦਰ ਦਰਜ਼ ਕਰਵਾਉਣ ਵਿੱਚ ਪਰਵਾਸੀਆਂ ਨੇ 80% ਯੋਗਦਾਨ ਪਾਇਆ ਹੈ। ਹੁਣ ਸਾਡੇ ਮੁਲਕ ਦੀ ਆਬਾਦੀ 36.99 ਮਿਲੀਅਨ ਹੈ ਭਾਵ 3 ਕਰੋੜ 69 ਲੱਖ ਦੇ ਕਰੀਬ ਹੈ। ਥੋੜਾ ਹੋਰ ਹੰਭਲਾ ਮਾਰਨ ਨਾਲ ਗੱਲ 37 ਮਿਲੀਅਨ ਤੱਕ ਪੁੱਜ ਜਾਵੇਗੀ। 2016 ਤੋਂ ਲੈ ਕੇ 2021 ਤੱਕ 18 ਮਿਲੀਅਨ ਵਧੇਰੇ ਲੋਕ ਇਸ ਦੇਸ਼ ਨੂੰ ਆਪਣਾ ਘਰ ਆਖਣ ਲੱਗੇ ਹਨ।

ਕੈਨੇਡਾ ਦੀ ਆਬਾਦੀ ਵਿੱਚ ਵਾਧੇ ਦੀ 5.2% ਦਰ ਬਿਲਕੁਲ ਭਾਰਤ ਦੀ ਆਬਾਦੀ ਵਿੱਚ ਹੋ ਰਹੇ ਵਾਧੇ ਦੇ ਬਰਾਬਰ ਹੈ। ਕੈਨੇਡਾ ਦੇ ਅੰਕੜਾ ਵਿਭਾਗ ਮੁਤਾਬਿਕ G20 ਦੇਸ਼ਾਂ ਵਿੱਚ ਸੱਭ ਤੋਂ ਵੱਧ ਦਰ 8.9% ਨਾਲ ਵਾਧਾ ਸਾਊਦੀ ਅਰਬੀਆ ਵਿੱਚ ਹੋ ਰਿਹਾ ਹੈ ਜਦੋਂ ਕਿ ਸੱਭ ਤੋਂ ਘੱਟ ਵਾਧਾ ਮਨਫੀ 2% ਇਟਲੀ ਵਿੱਚ। ਆਸਟਰੇਲੀਆ, ਦੱਖਣੀ ਅਫਰੀਕਾ, ਤੁਰਕੀ, ਇੰਡੋਨੇਸ਼ੀਆ ਮੈਕਸੀਕੋ ਹੋਰ G20 ਦੇਸ਼ ਹਨ ਜਿਹਨਾਂ ਦੀ ਵਾਧਾ ਦਰ ਕੈਨੇਡਾ ਨਾਲੋਂ ਵੱਧ ਹੈ ਜਦੋਂ ਅਰਜਨਟਾਈਨਾ, ਬਰਾਜ਼ੀਲ, ਇੰਗਲੈਂਡ, ਅਮਰੀਕਾ ਅਤੇ ਚੀਨ ਸਾਡੇ ਤੋਂ ਪਿੱਛੇ ਹਨ।

ਪਿਛਲੇ ਪੰਜ ਸਾਲਾਂ ਦੀ ਗੱਲ ਕਰਦੇ ਹੋਏ ਕੋਵਿਡ 19 ਦੀ ਮਹਾਮਾਰੀ ਨੂੰ ਅੱਖੋਂ ਪਰੋਖੇ ਨਹੀਂ ਕੀਤਾ ਜਾ ਸਕਦਾ ਅਤੇ ਸੁਭਾਵਿਕ ਹੈ ਕਿ ਇਸਦਾ ਅਸਰ ਜਨਸੰਖਿਆ ਉੱਤੇ ਵੀ ਪਿਆ ਹੈ। ਕੋਵਿਡ ਦੇ ਚੱਲਦੇ ਦੋ ਸਾਲਾਂ ਤੋਂ ਨਵੇਂ ਪਰਵਾਸੀਆਂ ਦਾ ਕੈਨੇਡਾ ਅੰਦਰ ਆਉਣਾ ਲੱਗਭੱਗ ਰੁਕਿਆ ਹੋਇਆ ਹੈ ਜਿਸ ਕਾਰਣ 2020 ਅਤੇ 2021 ਵਿੱਚ ਸੱਭ ਤੋਂ ਘੱਟ ਵਾਧਾ ਨੋਟਿਸ ਕੀਤਾ ਗਿਆ। ਜਦੋਂ ਕੈਨੇਡੀਅਨ ਵੱਸੋਂ ਦੀ ਗੱਲ ਕੀਤੀ ਜਾਂਦੀ ਹੈ ਤਾਂ ਇਸਨੂੰ ਹਰ ਕੈਨੇਡੀਅਨ ਔਰਤ ਦੇ ਬੱਚੇ ਜੰਮਣ ਦੀ ਸਮਰੱਥਾ ਨਾਲ ਜੋੜ ਕੇ ਵੇਖਿਆ ਜਾਣਾ ਹੁੰਦਾ ਹੈ। ਪਿਛਲੇ ਪੰਜ ਸਾਲਾਂ ਵਿੱਚ ਬੱਚੇ ਜੰਮਣ ਵਿੱਚ ਸਮਰੱਥ ਕੈਨੇਡੀਅਨ ਔਰਤ ਨੇ ਔਸਤਨ 1.4 ਬੱਚਿਆਂ ਨੂੰ ਜਨਮ ਦਿੱਤਾ। ਜੇ ਕਿਸੇ ਮੁਲਕ ਨੇ ਕੁਦਰਤੀ ਢੰਗ ਨਾਲ ਆਪਣੀ ਜਨਸੰਖਿਆ ਦਾ ਸੰਤੁਲਨ ਬਣਾ ਕੇ ਰੱਖਣਾ ਹੋਵੇ ਤਾਂ ਪ੍ਰਤੀ ਔਰਤ 2.1 ਬੱਚੇ ਜੰਮਣੇ ਚਾਹੀਦੇ ਹਨ। ਵਿਕਸਿਤ ਮੁਲਕਾਂ ਵਿੱਚ ਬੱਚਿਆਂ ਦੇ ਜੰਮਣ ਨੂੰ ਆਰਥਕਤਾ ਨਾਲ ਵੀ ਜੋੜ ਕੇ ਵੇਖਿਆ ਜਾਂਦਾ ਹੈ। ਜੇ ਬੱਚੇ ਜੰਮਣ ਦੀ ਦਰ ਪ੍ਰਤੀ ਔਰਤ 2.1 ਤੋਂ ਘੱਟ ਹੋਵੇ ਤਾਂ ਮੁਲਕ ਅੰਦਰ ਖਤਪਕਾਰੀ ਵੀ ਪ੍ਰਭਾਵਿਤ ਹੁੰਦੀ ਹੈ। ਇਸ ਨਜ਼ਰੀਏ ਤੋਂ ਵੇਖਿਆਂ ਸਮਝਿਆ ਜਾ ਸਕਦਾ ਹੈ ਕਿ ਵੱਡੀਆਂ ਵਿਉਪਾਰਕ ਕੈਨੇਡੀਅਨ ਕਾਰਪੋਰੇਸ਼ਨਾਂ ਪਰਵਾਸੀਆਂ ਦੀ ਆਮਦ ਨੂੰ ‘ਸ਼ੁਭ ਸ਼ਗਨ’ ਕਿਉਂ ਸਮਝਦੀਆਂ ਹਨ।

ਕੋਵਿਡ 19 ਨੇ ਇੱਕ ਹੋਰ ਪ੍ਰਭਾਵ ਇਹ ਪਾਇਆ ਕਿ ਕੈਨੇਡੀਅਨਾਂ ਨੇ ਲਾਮਾਂ ਬੰਨ ਬੰਨ ਕੇ ਵੱਡੇ ਸ਼ਹਿਰਾਂ ਤੋਂ ਛੋਟੇ ਸ਼ਹਿਰਾਂ ਵੱਲ ਵਹੀਰਾਂ ਘੱਤੀਆਂ। ਇਹੀ ਕਾਰਣ ਹੈ ਕਿ ਲੰਡਨ ਉਂਟੇਰੀਓ ਦੀ ਜਨਸੰਖਿਆ ਵਿੱਚ 10% ਵਾਧਾ ਨੋਟਿਸ ਕੀਤਾ ਗਿਆ। ਬੇਸ਼ੱਕ ਵੱਡੇ ਸ਼ਹਿਰ ਹਾਲੇ ਵੀ ਵੱਡੇ ਹੀ ਹਨ ਅਤੇ ਇਹਨਾਂ ਦੀ ਵੱਸੋਂ ਵਿੱਚ ਲਗਾਤਾਰ ਵਾਧਾ ਹੋ ਰਿਹਾ ਹੈ ਪਰ ਮਹਾਮਾਰੀ ਨੇ ਕਈ ਛੋਟੇ ਅਤੇ ਅਣਗੌਲੇ ਇਲਾਕਿਆਂ ਦੀਆਂ ਪੌਂ ਬਾਰਾਂ ਕੀਤੀਆਂ।

ਕਈ ਤੱਥ ਹਨ ਜੋ ਉਂਟੇਰੀਓ ਦੀ ਵੱਸੋਂ ਬਾਰੇ ਦਿਲਚਸਪ ਹਨ। ਮਿਸਾਲ ਵਜੋਂ ਜਾਰਜੀਅਨ ਬੇਅ ਦੀ ਕੁੱਖ ਵਿੱਚ ਵੱਸੇ ਪਿੰਡ Henvey Inlet ਦੀ ਆਬਾਦੀ ਵਿੱਚ 200% ਵਾਧਾ ਹੋਇਆ ਹੈ। 2016 ਵਿੱਚ ਮੂਲਵਾਸੀਆਂ ਦੇ ਇਸ ਪਿੰਡ ਵਿੱਚ ਸਿਰਫ਼ 5 ਲੋਕ ਵੱਸਦੇ ਸਨ ਜੋ 2021 ਵਿੱਚ ਵੱਧ ਕੇ 15 ਹੋ ਗਏ ਹਨ। ਇਵੇਂ ਹੀ ਸਾਊਥ ਈਸਟ ਕੋਚਰੇਨ ਜਿ਼ਲੇ ਦੇ ਇੱਕ ਪਿੰਡ ਵਿੱਚ 2016 ਵਿੱਚ ਸਿਰਫ਼ ਦਸ ਲੋਕ ਸਨ ਜੋ 2021 ਵਿੱਚ 25 ਬੰਦਿਆਂ ਦਾ ਪਿੰਡ ਬਣ ਗਿਆ ਹੈ। ਜੇ ਪੰਜਾਬ ਵਿੱਚ ਅਜਿਹੇ ਪਿੰਡਾਂ ਬਾਰੇ ਗੱਲ ਕੀਤੀ ਜਾਵੇ ਤਾਂ ਸ਼ਾਇਦ ਕਈ ਆਖ ਦੇਣ ਕਿ ਚਲੋ ਸਾਨੂੰ ਇਹਨਾਂ ਪਿੰਡਾਂ ਵਿੱਚ ਹੀ ਵਸਾ ਦਿਓ, ਆਖਰ ਨੂੰ ਹੈ ਤਾਂ ਕੈਨੇਡਾ ਹੀ।

ਜਨਸੰਖਿਆ ਦੀ ਗੱਲ ਹੋਵੇ ਅਤੇ ਬਰੈਂਪਟਨ ਮਿਸੀਸਾਗਾ ਖਬ਼ਰਾਂ ਵਿੱਚੋਂ ਬਾਹਰ ਹੋਣ ਤਾਂ ਗੱਲ ਹੈਰਾਨੀ ਵਾਲੀ ਲੱਗਦੀ ਹੈ। ਰੀਜਨ ਆਫ ਪੀਲ ਪਿਛਲੇ ਕਈ ਦਹਾਕਿਆਂ ਤੋਂ Census Bulletins ਛਾਪਦਾ ਆਇਆ ਹੈ ਜਿਸਤੋਂ ਬਰੈਂਪਟਨ, ਮਿਸੀਸਾਗਾ ਅਤੇ ਕੈਲੀਡਾਨ ਵਿੱਚ ਚੱਲ ਰਹੇ ਜਨਸੰਖਿਆ ਦੇ ਰੁਝਾਨਾਂ ਬਾਰੇ ਪਤਾ ਲੱਗਦਾ ਹੈ। ਇਸ ਵਾਰੀ ਇਸ ਬਾਰੇ ਰੀਜਨ ਆਫ ਪੀਲ ਦੀ ਚੁੱਪ ਦਾ ਕਾਰਣ ਪਤਾ ਨਹੀਂ ਲੱਗ ਸਕਿਆ। ਇਵੇਂ ਹੀ ਸਥਾਨਕ ਅਖਬਾਰਾਂ ਜਾਂ ਵੈਬਸਾਈਟਾਂ ਨੇ ਵੀ ਮਰਦਮਸ਼ੁਮਾਰੀ ਬਾਰੇ ਗੱਲ ਨਹੀਂ ਕੀਤੀ। ਕੀ ਇਹਨਾਂ ਸ਼ਹਿਰਾਂ ਵਿੱਚ ਆਬਾਦੀ ਦਾ ਵੱਧਣਾ ਜਾਂ ਘੱਟਣਾ ਹੁਣ ਕੋਈ ਖ਼ਬਰ ਨਹੀਂ ਰਹੀ?

 
Have something to say? Post your comment
ਹੋਰ ਸੰਪਾਦਕੀ ਖ਼ਬਰਾਂ
ਮੁੱਖ ਮੰਤਰੀਆਂ ਦੀ ਮੀਟਿੰਗ ਵਿੱਚ ਪਾਣੀਆਂ ਬਾਰੇ ਪੰਜਾਬ ਦਾ ਪੱਖ ਹੋਰ ਵੀ ਮਜ਼ਬੂਤ ਹੋ ਗਿਐ ਭਾਰਤ ਵਿੱਚ ਅਧੋਗਤੀ ਵਰਤਾਰੇ ਲਈ ਧਰਮ ਨਿਰਪੱਖ ਧਿਰਾਂ ਵੀ ਘੱਟ ਜਿ਼ਮੇਵਾਰ ਨਹੀਂ ਭਾਰਤ ਲਈ ਹਨੇਰਾ ਸਮਾਂ ਹੈ, ਜਿੱਥੇ ਰਾਹ ਦਿਖਾਉਣ ਵਾਲਾ ਜੁਗਨੂੰ ਵੀ ਕੋਈ ਨਹੀਂ ਲੱਭਦਾ ਲੀਡਰਾਂ ਨੇ ਪੈਦਾ ਕੀਤੀ ਹੈ ‘ਕੋਈ ਲੀਡਰ ਭਰੋਸੇ ਦੇ ਯੋਗ ਨਹੀਂ’ ਵਾਲੀਆਮ ਲੋਕਾਂ ਦੀ ਮਾਨਸਿਕਤਾ ਆਉ ਇਸ ਦੀਵਾਲੀ ਤੇ ਇੰਨਸਾਨੀਅਤ ਦੇ ਨਾਤੇ ਪੂਰੇ ਸੰਸਾਰ ਲਈ ਅਮਨ – ਅਮਾਨ , ਸ਼ਾਤੀ ਲਈ ਅਰਦਾਸ ਕਰੀਏ ਵੱਖੋ-ਵੱਖੋ ਰਾਜਾਂ ਵਿੱਚ ਗਵਰਨਰਾਂ ਦੀ ਮੌਕੇ ਮੁਤਾਬਕ ਮਰਜ਼ੀ ਸੰਵਿਧਾਨ ਦੇ ਮੁਤਾਬਕ ਨਹੀਂ ਮੰਨੀ ਜਾ ਸਕਦੀ ਇਜ਼ਰਾਈਲ ਅਤੇ ਹਮਾਸ ਵਿਚਕਾਰ ਸੰਘਰਸ਼ ਨੂੰ ਸ਼ਾਂਤੀਪੂਰਵਕ ਹੱਲ ਕੀਤਾ ਜਾਣਾ ਚਾਹੀਦਾ ਹੈ ਬੇਅਸੂਲੇ ਸਮਝੌਤਿਆਂ ਅਤੇ ਪੈਂਤੜਿਆਂ ਪਿੱਛੋਂ ਦਰਿਆਵਾਂ ਦੇ ਪਾਣੀ ਵਿੱਚ ਮਧਾਣੀ ਘੁੰਮਾਉਣ ਦੀ ਰਾਜਨੀਤੀ ਟਰੂਡੋ ਵਲੋਂ ਭਾਰਤ ਤੇ ਲਾਏ ਹਰਦੀਪ ਸਿੰਘ ਨਿੱਜਰ ਕਤਲ ਦੇ ਦੋਸ਼ ਕਿੰਨੇ ਕੁ ਸਹੀ ? ਟਰੂਡੋ ਤੇ ਟਰੰਪ ਸੁਰਖ਼ੀਆਂ ‘ਚ ਰਹਿਣ ਵਾਲੇ ਲੀਡਰ