ਬਾਲੀਵੱਡ ਅਭਿਨੇਤਾ ਰਣਵੀਰ ਸਿੰਘ ਦਾ ਕਹਿਣਾ ਹੈ ਕਿ ਉਸ ਦੀ ਕ੍ਰਿਏਟੀਵਿਟੀ ਦੀ ਸੀਮਾ ਨਹੀਂ ਹੈ। ਰਣਵੀਰ ਨੂੰ ਨਵੀਆਂ-ਨਵੀਆਂ ਚੀਜ਼ਾਂ ਨਵੇਂ ਤਰੀਕਿਆਂ ਨਾਲ ਕਰਨਾ ਪਸੰਦ ਹੈ। ਰਣਵੀਰ ਨੇ ਖੁਲਾਸਾ ਕੀਤਾ, ‘‘ਮੇਰੀ ਲਗਾਤਾਰ ਕੋਸ਼ਿਸ਼ ਰਹਿੰਦੀ ਹੈ ਕਿ ਤੁਸੀਂ ਮੈਨੂੰ ਇੱਕੋ ਜਿਹੇ ਕਿਰਦਾਰਾਂ ਵਿੱਚ ਨਾ ਦੇਖੋ। ਤੁਸੀਂ ਮੈਨੂੰ ਪਰਿਭਾਸ਼ਿਤ ਨਹੀਂ ਸਕਦੇ। ਮੈਂ ਪਰਿਭਾਸ਼ਿਤ ਨਹੀਂ ਹੋਣਾ ਚਾਹੁੰਦਾ। ਮੈਨੂੰ ਲੱਗਦਾ ਹੈ ਕਿ ਇਸ ਦੀ ਮੌਲਿਕ ਪ੍ਰਵਿਰਤੀ ਨਾਲ ਕੁਝ ਪਰਿਭਾਸ਼ਤ ਕਰਨਾ ਮੈਨੂੰ ਸੀਮਤ ਕਰ ਦੇਵੇਗਾ। ਇੱਕ ਰਚਨਾਤਮਕ ਵਿਅਕਤੀ ਦੇ ਤੌਰ ਉੱਤੇ ਮੈਂ ਇਹ ਮਹਿਸੂਸ ਕਰਦਾ ਹਾਂ ਕਿ ਮੇਰੀ ਕੋਈ ਸੀਮਾ ਨਹੀਂ ਹੈ। ਮੇਰੇ ਸ਼ਿਲਪ ਦੇ ਅੰਦਰ ਸੰਭਾਵਨਾਵਾਂ ਅਸੀਮਿਤ ਹਨ, ਅਨੰਤ ਹਨ।”
ਰਣਵੀਰ ਸਿੰਘ ਦਾ ਕਹਿਣਾ ਹੈ ਕਿ ਇਸ ਗੱਲ ਦਾ ਕੋਈ ਅੰਤ ਨਹੀਂ ਕਿ ਉਹ ਸਕਰੀਨ ਲਈ ਕਿੰਨੇ ਕਿਰਦਾਰ ਨਿਭਾ ਸਕਦੇ ਹਨ। ਉਨ੍ਹਾਂ ਕਿਹਾ ਕਿ ਕਿ ਇਸ ਦਾ ਕੋਈ ਅੰਤ ਨਹੀਂ ਕਿ ਮੈਂ ਕਿੰਨਾ ਐਕਸਪਲੋਰ ਕਰ ਸਕਦਾ ਹਾਂ ਤੇ ਕਿੰਨੇ ਅਲੱਗ ਅਲੱਗ ਕਿਰਦਾਰ ਕਰ ਸਕਦਾ ਹਾਂ। ਮੈਨੂੰ ਆਸ ਹੈ ਕਿ ਮੈਂ ਇਸ ਨੂੰ ਜਾਰੀ ਰੱਖਾਂਗਾ ਤੇ ਮੈਂ ਅਜਿਹਾ ਹੀ ਕਰਦਾ ਰਹਾਂਗਾ।”