ਬਾਲੀਵੁੱਡ ਅਭਿਨੇਤਾ ਸੁਨੀਲ ਸ਼ੈੱਟੀ ਆਪਣੇ ਬੇਟੇ ਅਹਾਨ ਸ਼ੈੱਟੀ ਦੀ ਪਹਿਲੀ ਫਿਲਮ ਨੂੰ ਬਾਕਸ ਆਫਿਸ ਉਤੇ ਸ਼ਾਨਦਾਰ ਪ੍ਰਤੀਕਿਰਿਆ ਮਿਲਣ ਉੱਤੇ ਮਾਣ ਮਹਿਸੂਸ ਕਰਦੇ ਹਨ। ਇੱਕ ਪਿਤਾ ਵਜੋਂ ਉਨ੍ਹਾਂ ਨੇ ਕਿਹਾ ਕਿ ਉਹ ਫਿਲਹਾਲ ਘੱਟ ਚਿੰਤਾ ਮਹਿਸੂਸ ਕਰ ਰਹੇ ਹਨ। ਸੁਨੀਲ ਨੇ ਆਪਣੇ ਬੇਟੇ ਦੇ ਬਾਰੇ ਵਿੱਚ ਗੱਲਬਾਤ ਵਿੱਚ ਕਿਹਾ, ‘‘ਫਿਲਹਾਲ ਮੈਂ ਘੱਟ ਚਿੰਤਤ ਪਿਤਾ ਹਾਂ। ਬੇਸ਼ੱਕ ਮਾਣ ਹੈ। ਮੈਨੂੰ ਹਮੇਸ਼ਾ ਤੋਂ ਪਤਾ ਸੀ ਕਿ ਉਸ ਨੇ ਸਖਤ ਮਿਹਨਤ ਕੀਤੀ ਹੈ, ਪਰ ਇੱਕ ਬੱਚੇ ਦੇ ਚਿੰਤਤ ਹੋਣ ਨਾਲ ਤੁਾਹਨੂੰ ਵੀ ਚਿੰਤਾ ਹੁੰਦੀ ਹੈ।”
60 ਸਾਲਾ ਸਟਾਰ ਨੂੰ ਪਤਾ ਸੀ ਕਿ ਅਹਾਨ ਨੂੰ ਕਾਮਯਾਬੀ ਮਿਲੇਗੀ, ਪਰ ਇੰਨੀ ਵੱਡੀ ਪ੍ਰਤੀਕਿਰਿਆ ਦੀ ਉਮੀਦ ਨਹੀਂ ਸੀ। ਉਸ ਨੇ ਕਿਹਾ, ਇਮਾਨਦਾਰੀ ਨਾਲ ਜਦ ਮੈਂ ਅਹਾਨ ਦੇ ਕੰਮ ਨੂੰ ਦੇਖਿਆ ਤਾਂ ਮੈਨੂੰ ਪਤਾ ਸੀ ਕਿ ਉਸ ਨੂੰ ਪ੍ਰਸ਼ੰਸਾ ਮਿਲੇਗੀ, ਪ੍ਰੰਤੂ ਇਸ ਤਰ੍ਹਾਂ ਦੀ ਪ੍ਰਤੀਕਿਰਿਆ ਦੀ ਉਮੀਦ ਨਹੀਂ ਸੀ। ‘ਤੜਪ’ ਬਾਕਿਸ ਆਫਿਸ ਉਤੇ ਸ਼ਾਨਦਾਰ ਪ੍ਰਦਰਸ਼ਨ ਕਰ ਰਹੀ ਹੈ। ਰਿਲੀਜ਼ ਦੇ ਦੂਸਰੇ ਦਿਨ ਇਸ ਨੇ 8.17 ਕਰੋੜ ਦੀ ਕਮਾਈ ਕੀਤੀ। ਫਾਕਸ ਸਟਾਰ ਸਟੂਡੀਓ ਦੁਆਰਾ ਪੇਸ਼ ‘ਤੜਪ’, ਸਾਜਿਦ ਨਾਡਿਆਡਵਾਲਾ ਦੀ ਬਣਾਈ ਅਤੇ ਮਿਲ ਲੂਥਰੀਆ ਦੇ ਨਿਰਦੇਸ਼ਨ ਵਿੱਚ ਤਿੰਨ ਦਸੰਬਰ ਨੂੰ ਰਿਲੀਜ਼ ਹੋਈ ਸੀ। ਅਹਾਨ ਇਸ ਫਿਲਮ ਵਿੱਚ ਤਾਰਾ ਸੁਤਾਰੀਆ ਦੇ ਨਾਲ ਦਿਖਾਈ ਦਿੱਤੇ ਹਨ। ਤਾਰਾ ਇਸ ਤੋਂ ਪਹਿਲਾਂ ‘ਸਟੂਡੈਂਟ ਆਫ ਦੀ ਈਅਰ’ ਅਤੇ ‘ਮਰਜਾਵਾਂ’ ਵਰਗੀਆਂ ਫਿਲਮਾਂ ਵਿੱਚ ਕੰਮ ਕਰ ਚੁੱਕੀ ਹੈ।