ਸਟਾਕਹੋਮ, 11 ਅਕਤੂਬਰ (ਪੋਸਟ ਬਿਊਰੋ) : ਅਮਰੀਕਾ ਸਥਿਤ ਕੈਨੇਡੀਅਨ ਇਕਨੌਮਿਸਟ ਨੇ ਅਰਥਸ਼ਾਸਤਰ ਦੇ ਖੇਤਰ ਵਿੱਚ ਨੋਬਲ ਪ੍ਰਾਈਜ਼ ਜਿੱਤਿਆ ਹੈ।
ਯੂਨੀਵਰਸਿਟੀ ਆਫ ਕੈਲੇਫੋਰਨੀਆ, ਬਰਕਲੇ ਵਿੱਚ ਪੜ੍ਹਾਉਣ ਵਾਲੇ ਕੈਨੇਡਾ ਦੇ ਜੰਮਪਲ ਡੇਵਿਡ ਕਾਰਡ ਨੂੰ ਘੱਟ ਤੋਂ ਘੱਟ ਵੇਜ, ਇਮੀਗ੍ਰੇਸ਼ਨ ਤੇ ਸਿੱਖਿਆ ਦੇ ਲੇਬਰ ਮਾਰਕਿਟ ਉੱਤੇ ਪੈਣ ਵਾਲੇ ਪ੍ਰਭਾਵ ਦੇ ਸਬੰਧ ਵਿੱਚ ਕੀਤੀ ਗਈ ਉਨ੍ਹਾਂ ਦੀ ਰਿਸਰਚ ਦੇ ਸਬੰਧ ਵਿੱਚ ਪ੍ਰਾਈਜ਼ ਦਾ ਅੱਧ ਮਿਲੇਗਾ। ਇਸ ਪ੍ਰਾਈਜ਼ ਦਾ ਦੂਜਾ ਅੱਧ ਮੈਸਾਚਿਊਸੈਟਸ ਇੰਸਟੀਚਿਊਟ ਆਫ ਟੈਕਨੌਲੋਜੀ ਦੇ ਜੋਸੂਆ ਐਂਗਰਿਸਟ ਤੇ ਸਟੈਨਫੋਰਡ ਯੂਨੀਵਰਸਿਟੀ ਦੇ ਜਰਮਨੀ ਵਿੱਚ ਪੈਦਾ ਹੋਏ ਗਾਇਡੋਇੰਬੈਨਸ ਨੂੰ ਦਿੱਤਾ ਗਿਆ ਹੈ।
ਇਨ੍ਹਾਂ ਦੋਵਾਂ ਦੇ ਅਧਿਐਨ ਦਾ ਦਾਇਰਾ ਵੀ ਉਹ ਮੁੱਦੇ ਹਨ ਜਿਹੜੇ ਰਵਾਇਤੀ ਸਾਇੰਟਿਫਿਕ ਮੈਥਡਜ਼ ਨਹੀਂ ਹਨ। ਰਾਇਲ ਸਵੀਡਿਸ਼ ਅਕੈਡਮੀ ਆਫ ਸਰਵਿਸਿਜ਼ ਨੇ ਆਖਿਆ ਕਿ ਇਨ੍ਹਾਂ ਤਿੰਨਾਂ ਨੇ ਇਕਨੌਮਿਕ ਸਾਇੰਸਿਜ਼ ਦੇ ਖੇਤਰ ਵਿੱਚ ਨਵੇਂ ਦਿੱਸਹੱਦੇ ਕਾਇਮ ਕੀਤੇ ਹਨ।