ਅਭਿਨੇਤਰੀ ਨੁਸਰਤ ਭਰੂਚਾ ਛੇਤੀ ਹੀ ਇੱਕ ਵੱਖਰੀ ਕਿਸਮ ਦੀ ਕਾਮੇਡੀ ਫਿਲਮ ‘ਜਨਹਿਤ ਮੇਂ ਜਾਰੀ’ ਵਿੱਚ ਮੁੱਖ ਭੂਮਿਕਾ ਵਿੱਚ ਨਜ਼ਰ ਆਏਗੀ। ਇਹ ਜਾਣਕਾਰੀ ਫਿਲਮ ਦੇ ਨਿਰਮਾਤਾਵਾਂ ਨੇ ਜਾਰੀ ਕੀਤੀ ਹੈ। ਇਸ ਦੀ ਕਹਾਣੀ ‘ਡਰੀਨ ਗਰਲ’ ਵਿੱਚ ਆਪਣਾ ਹੁਨਰ ਦਿਖਾ ਚੁੱਕੇ ਰਾਜ ਸ਼ਾਂਡਿਲਯ ਨੇ ਲਿਖੀ ਹੈ ਤੇ ਇਸ ਦੇ ਨਿਰਦੇਸ਼ਨ ਨਾਲ ਜੈ ਬੰਟੂ ਸਿੰਘ ਫਿਲਮ ਨਿਰਦੇਸ਼ਨ ਵਿੱਚ ਆਪਣਾ ਪੈਰ ਰੱਖ ਰਿਹਾ ਹੈ। ‘ਪਿਆਰ ਕਾ ਪੰਚਨਾਮਾ’, ‘ਸੋਨੂੰ ਕੇ ਟੀਟੂ ਕੀ ਸਵੀਟੀ’ ਅਤੇ ਵਿੱਚਲਾਂਗ’ ਵਰਗੀਆਂ ਫਿਲਮਾਂ ਤੋਂ ਸੁਰਖੀਆਂ ਵਿੱਚ ਆਈ ਨੁਸਰਤ ਇਸ ਵਿੱਚ ਬਹੁਤ ਵੱਖਰੇ ਕਿਰਦਾਰ ਵਿੱਚ ਨਜ਼ਰ ਆਏਗੀ।
ਫਿਲਮ ਦੇ ਨਿਰਮਾਤਾ ਨੇ ਦੱਸਿਆ ਕਿ ਮੱਧ ਪ੍ਰਦੇਸ਼ ਵਿੱਚ ਫਿਲਮ ਦੀ ਸ਼ੂਟਿੰਗ ਸ਼ੁਰੂ ਹੋ ਚੁੱਕੀ ਹੈ। ਇਸ ਫਿਲਮ ਵਿੱਚ ਅਭਿਨੇਤਾ ਅਨੁਧ ਢਾਕਾ, ਅਨੂ ਕਪੂਰ ਅਤੇ ਪਰਿਤੋਸ਼ ਤਿ੍ਰਪਾਠੀ ਮੁੱਖ ਭੂਮਿਕਾ ਵਿੱਚ ਹੋਣਗੇ। ਇਸ ਫਿਲਮ ਦਾ ਨਿਰਮਾਣ ਵਿਨੋਦ ਭਾਨੂਸ਼ਾਲੀ ਵੱਲੋਂ ਭਾਨੂਸ਼ਾਲੀ ਸਟੂਡੀਓਜ਼ ਲਿਮਟਿਡ ਅਤੇ ਥਿੰਕ ਇੰਕ ਪਿਕਚਰਜ਼ ਦੇ ਬੈਨਰ ਹੇਠ ਕੀਤਾ ਜਾਵੇਗਾ, ਜਿਸ ਵਿੱਚ ਸ੍ਰੀ ਰਾਘਵ ਇੰਟਰਟੇਨਮੈਂਟ ਦੀ ਵੀ ਸਾਂਝ ਹੋਵੇਗੀ। ਇਸ ਫਿਲਮ ਤੋਂ ਬਿਨਾ ਨੁਸਰਤ ਇੱਕ ਡਰਾਉਣੀ ਫਿਲਮ ਵਿੱਚੋਰੀ’ ਸਣੇ ਅਕਸ਼ੈ ਕੁਮਾਰ ਨਾਲ ‘ਰਾਮ ਸੇਤੂ’ ਅਤੇ ਸਨੀ ਕੌਸ਼ਲ ਨਾਲ ‘ਹੁੜਦੰਗ’ ਵਿੱਚ ਵੀ ਦਿਖਾਈ ਦੇਵੇਗੀ।