ਸੰਜੇ ਲੀਲਾ ਭੰਸਾਲੀ ਦਾ ਪੂਰਾ ਧਿਆਨ ਆਪਣੀ ਅਗਲੀ ਵੈੱਬ ਸੀਰੀਜ਼ ‘ਹੀਰਾ ਮੰਡੀ’ ਉੱਤੇ ਹੈ। ਇਸ ਸੀਰੀਜ਼ ਵਿੱਚ ਲੰਬੀ-ਚੌੜੀ ਸਟਾਰਕਾਸਟ ਹੋਣ ਦੀ ਆਸ ਹੈ। ਸੋਨਾਕਸ਼ੀ ਸਿਨਹਾ ਤੇ ਹੁਮਾ ਕੁਰੈਸ਼ੀ ਪਹਿਲਾਂ ਹੀ ਇਸ ਪ੍ਰੋਜੈਕਟ ਲਈ ਫਾਈਨਲ ਹੋ ਚੁੱਕੀਆਂ ਹਨ। ਇਸੇ ਦੌਰਾਨ ਰਿਚਾ ਚੱਢਾ ਦਾ ਇੱਕ ਨਾਮ ਸੀਰੀਜ਼ ਨਾਲ ਜੁੜਨ ਦੀ ਖਬਰ ਹੈ।
ਸੂਤਰਾਂ ਮੁਤਾਬਕ ‘ਗੈਂਗਸ ਆਫ ਵਾਸੇਪੁਰ’ ਅਭਿਨੇਤਰੀ ਰਿਚਾ ਨੂੰ ਸੰਜੇ ਲੀਲਾ ਭੰਸਾਲੀ ਦੇ ਦਫਤਰ ਜਾਂਦੇ ਦੇਖਿਆ ਗਿਆ ਹੈ। ਇਹ ਵਿੱਚ ਕਿਆਸ ਲਾਏ ਜਾ ਰਹੇ ਹਨ ਕਿ ‘ਹੀਰਾ ਮੰਡੀ’ ਵਿੱਚ ਸ਼ਾਮਲ ਹੋਣ ਵਾਲੀ ਅਗਲੀ ਅਭਿਨੇਤਰੀ ਰਿਚਾ ਹੋਵੇਗੀ। ਇਸ ਤੋਂ ਪਹਿਲਾਂ ਰਿਚਾ ਸੰਜੇ ਦੇ ਨਿਰਦੇਸ਼ਨ ਵਿੱਚ ਫਿਲਮ ‘ਗੋਲੀਓਂ ਕੀ ਰਾਸ ਲੀਲਾ : ਰਾਮਲੀਲਾ’ ਵਿੱਚ ਕੰਮ ਕਰ ਚੁੱਕੀ ਹੈ। ਉਸ ਫਿਲਮ ਵਿੱਚ ਉਸ ਨੇ ਛੋਟਾ ਜਿਹਾ ਕਿਰਦਾਰ ਨਿਭਾਇਆ ਸੀ। ਦੋਵੇਂ ਇੱਕ-ਦੂਸਰੇ ਇੱਕ ਦੂਸਰੇ ਦੇ ਕੰਮ ਤੋਂ ਜਾਣੂ ਹਨ। ਦੱਸਿਆ ਜਾ ਰਿਹਾ ਹੈ ਕਿ ‘ਹੀਰਾ ਮੰਡੀ’ ਸੀਰੀਜ਼ ਵੱਡੇ ਸਕੇਲ ਉਤੇ ਸ਼ੂਟ ਹੋਣ ਵਾਲੀ ਹੈ। ਇਹ ਸੰਜੇ ਦਾ ਡਿਜੀਟਲ ਡੈਬਿਊ ਵੀ ਹੋਵੇਗਾ।