‘ਚਾਂਦਨੀ ਚੌਕ ਟੂ ਚਾਈਨਾ’, ‘ਪਦਮਾਵਤ’ ਅਤੇ ਹਾਲੀਵੁੱਡ ਫਿਲਮ ‘ਟਿ੍ਰਪਲ ਐਕਸ : ਦ ਰਿਰਟਨ ਆਫ ਜੈਂਡਰ ਕੇਜ’ ਦੇ ਬਾਅਦ ਦੀਪਿਕਾ ਪਾਦੁਕੋਣ ਇੱਕ ਵਾਰ ਫਿਰ ਤੋਂ ਆਪਣੇ ਐਕਸ਼ਨ ਦਾ ਜਲਵਾ ਦਿਖਾਉਣ ਦੇ ਲਈ ਤਿਆਰ ਹੈ। ਇਸ ਵਾਰ ਦੀਪਿਕਾ ਹਿੰਦੀ ਸਿਨੇਮਾ ਦਾ ਬਾਦਸ਼ਾਹ ਸ਼ਾਹਰੁਖ ਖਾਨ ਨਾਲ ਐਕਸ਼ਨ ਕਰਦੀ ਨਜ਼ਰ ਆਏਗੀ। ਕੁਝ ਦਿਨ ਪਹਿਲਾਂ ਹੀ ਖਬਰਾਂ ਆਈਆਂ ਸਨ ਕਿ ਸ਼ਾਹਰੁਖ ਨੇ ਯਸ਼ਰਾਜ ਫਿਲਮਜ਼ ਦੇ ਬੈਨਰ ਹੇਠ ਬਣ ਰਹੀ ਫਿਲਮ ‘ਪਠਾਨ’ ਦੀ ਸ਼ੂੂਟਿੰਗ ਸ਼ੁਰੂ ਕੀਤੀ ਹੈ।
ਹੁਣ ਜੋ ਖਬਰਾਂ ਆ ਰਹੀਆਂ ਹਨ ਉਸ ਦੇ ਮੁਤਾਬਕ ਦਸੰਬਰ ਦੇ ਅੱਧ ਤੋਂ ਦੀਪਿਕਾ ਵੀ ਫਿਲਮ ਦੀ ਟੀਮ ਨਾਲ ਜੁੜੇਗੀ। ਫਿਲਮ ਨਾਲ ਜੁੜੇ ਸੂਤਰਾਂ ਮੁਤਾਬਕ ਇਸ ਫਿਲਮ ਵਿੱਚ ਦੀਪਿਕਾ ਸ਼ਾਹਰੁਖ ਦੇ ਨਾਲ ਮਿਲ ਕੇ ਉਨ੍ਹਾਂ ਦੇ ਖੁਫੀਆ ਮਿਸ਼ਨ ਨੂੰ ਅੰਜਾਮ ਤੱਕ ਪਹੁੰਚਾਉਣ ਵਿਚ ਮਦਦ ਕਰੇਗੀ। ਉਥੇ ਹੀ ਫਿਲਮ ਵਿੱਚ ਖਲਨਾਇਕ ਦਾ ਕਿਰਦਾਰ ਨਿਭਾਉਣ ਵਾਲੇ ਅਭਿਨੇਤਾ ਜਾਨ ਅਬਰਾਹਮ ਵੀ ਜਲਦ ਹੀ ਫਿਲਮ ਦੀ ਟੀਮ ਨਾਲ ਜੁੜ ਸਕਦੇ ਹਨ। ਜਾਨ ਅਗਲੇ ਦੋ ਹਫਤੇ ਵਿੱਚ ਇਸ ਫਿਲਮ ਦੀ ਸ਼ੂਟਿੰਗ ਸ਼ੁਰੂ ਕਰ ਸਕਦੇ ਹਨ।