ਪਤੀ ਆਪਣੀ ਪਤਨੀ ਨਾਲ ਬਾਜ਼ਾਰ ਨੂੰ ਗਿਆ। ਪਤਨੀ ਨੇ ਹਉਕਾ ਭਰ ਕੇ ਕਿਹਾ, ‘‘ਕੀ ਹਾਲਤ ਹੋਈ ਪਈ ਹੈ। ਮੇਰੇ ਕੋਲ ਬਾਰਡਰ ਹੈ, ਸਾੜ੍ਹੀ ਨਹੀਂ। ਇਤਰ ਦੀ ਸ਼ੀਸ਼ੀ ਹੈ, ਇਤਰ ਨਹੀਂ। ਬੁੱਲ੍ਹ ਹਨ, ਲਿਪਸਟਿਕ ਨਹੀਂ।”
ਪਤੀ ਨੇ ਆਕਾਸ਼ ਵੱਲ ਦੇਖਦਿਆਂ ਕਿਹਾ, ‘‘ਮੇਰਾ ਵੀ ਇਹੋ ਹਾਲ ਹੈ। ਜੇਬ ਹੈ, ਪਰ ਪੈਸੇ ਨਹੀਂ।”
*********
ਸ਼ੀਲਾ ਨੇ ਸਕੂਲ ਵਿੱਚ ਜਦੋਂ ਆਪਣੇ ਬੱਚੇ ਨੂੰ ਦਾਖਲ ਕਰਾਇਆ ਤਾਂ ਉਹ ਟੀਚਰ ਨੂੰ ਕਹਿਣ ਲੱਗੀ, ‘‘ਮੇਰਾ ਮੁੰਨਾ ਬਹੁਤ ਕੋਮਲ ਤੇ ਸੰਵੇਦਨਸ਼ੀਲ ਹੈ। ਇਸ ਲਈ ਕਿਰਪਾ ਕਰਕੇ ਇਸ ਨੂੰ ਕੁੱਟਣਾ ਨਹੀਂ। ਹਾਂ, ਜੇ ਸ਼ਰਾਰਤ ਕਰੇ ਤਾਂ ਇਸ ਦੇ ਨਾਲ ਬੈਠੇ ਬੱਚੇ ਨੂੰ ਕੁੱਟ ਦੇਣਾ। ਇਹ ਆਪਣੇ-ਆਪ ਸਮਝ ਕੇ ਸੁਧ ਜਾਵੇਗਾ।”
*********
ਸੁਰੇਸ਼, ‘‘ਅਲੋਕ, ਤੂੰ ਅਜੇ ਤੱਕ ਦੁਨੀਆ ਦਾ ਨਕਸ਼ਾ ਕਿਉਂ ਨਹੀਂ ਖਰੀਦਿਆ?”
ਅਲੋਕ, ‘‘ਪਿਤਾ ਜੀ ਕਹਿੰਦੇ ਹਨ ਕਿ ਦੁਨੀਆ ਤੇਜ਼ ਨਾਲ ਬਦਲ ਰਹੀ ਹੈ। ਮੈਂ ਸੋਚਿਆ ਜਦੋਂ ਸਥਿਰ ਹੋ ਜਾਵੇਗੀ, ਉਸ ਵੇਲੇ ਖਰੀਦਾਂਗਾ।”