Welcome to Canadian Punjabi Post
Follow us on

28

March 2024
ਬ੍ਰੈਕਿੰਗ ਖ਼ਬਰਾਂ :
ਬੱਸ ਵਿੱਚ ਮਹਿਲਾ ਉੱਤੇ ਇੱਕ ਵਿਅਕਤੀ ਨੇ ਕੀਤਾ ਹਮਲਾ, ਮਹਿਲਾ ਜ਼ਖ਼ਮੀਜਾਅਲੀ ਇਨਕਮ ਬੈਨੇਫਿਟ ਹਾਸਲ ਕਰਨ ਵਾਲੇ 232 ਮੁਲਾਜ਼ਮਾਂ ਨੂੰ ਸੀਆਰਏ ਨੇ ਕੱਢਿਆਫੋਰਡ ਸਰਕਾਰ ਨੇ ਪੇਸ਼ ਕੀਤਾ 214. 5 ਬਿਲੀਅਨ ਦੇ ਖਰਚੇ ਵਾਲਾ ਬਜਟਈਡੀ ਨੇ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਨੂੰ ਕੀਤਾ ਗ੍ਰਿਫ਼ਤਾਰਪ੍ਰਧਾਨ ਮੰਤਰੀ ਮੋਦੀ ਰੂਸੀ ਰਾਸ਼ਟਰਪਤੀ ਨੂੰ ਚੋਣਾਂ ਜਿੱਤਣ 'ਤੇ ਦਿੱਤੀ ਵਧਾਈ, ਯੂਕਰੇਨ ਦੇ ਰਾਸ਼ਟਰਪਤੀ ਜ਼ੇਲੇਨਸਕੀ ਨੂੰ ਵੀ ਕੀਤਾ ਫ਼ੋਨਗਾਜ਼ਾ ਦੇ ਸਭ ਤੋਂ ਵੱਡੇ ਹਸਪਤਾਲ ਨੇੜੇ ਬੰਬਾਰੀ, 50 ਲੜਾਕਿਆਂ ਦੇ ਮਾਰੇ ਜਾਣ ਦਾ ਸ਼ੱਕ ਮੁੱਖ ਮੰਤਰੀ ਭਗਵੰਤ ਮਾਨ ਸ਼ਹੀਦ ਕਾਂਸਟੇਬਲ ਅੰਮ੍ਰਿਤਪਾਲ ਸਿੰਘ ਦੇ ਘਰ ਪਹੁੰਚੇ, ਪਰਿਵਾਰ ਨਾਲ ਕੀਤਾ ਦੁੱਖ ਸਾਂਝਾ ਸੁਪਰੀਮ ਕੋਰਟ ਨੇ ਕੀਤਾ ਬਾਬਾ ਰਾਮਦੇਵ ਅਤੇ ਆਚਾਰੀਆ ਬਾਲਕ੍ਰਿਸ਼ਨ ਨੂੰ ਨੋਟਿਸ ਜਾਰੀ, ਪੁੱਛਿਆ, ਮਾਣਹਾਨੀ ਦੀ ਕਾਰਵਾਈ ਕਿਉਂ ਨਾ ਕੀਤੀ ਜਾਵੇੇ
 
ਅਪਰਾਧ

ਅੰਨ੍ਹੇ ਕਤਲ ਦਾ ਪਰਦਾ ਫਾਸ਼ : ਬਜੂਹਾ ਨਹਿਰ `ਚੋਂ ਮਿਲੀ ਲਾਸ਼ ਬਾਰੇ ਕਤਲ ਕੇਸ ਦਰਜ

September 28, 2020 10:15 PM

ਨਕੋਦਰ, 28 ਸਤੰਬਰ (ਪੋਸਟ ਬਿਊਰੋ)- ਪਿੰਡ ਬਜੂਹਾ ਖੁਰਦ ਵਿੱਚ ਵੇਈਂ ਵਿੱਚੋਂ ਮਿਲੀ ਲਾਸ਼ ਦੇ ਮਾਮਲੇ ਵਿੱਚ 18 ਦਿਨ ਦੇ ਬਾਅਦ ਮ੍ਰਿਤਕ ਅਭਿਸ਼ੇਕ ਦੇ ਜੀਜੇ ਦੇ ਬਿਆਨ `ਤੇ ਚਾਰ ਦੋਸ਼ੀਆਂ ਖਿਲਾਫ ਕਤਲ ਦਾ ਕੇਸ ਦਰਜ ਹੋਇਾ ਹੈ। ਪੁਲਸ ਨੇ ਮਾਮਲੇ ਵਿੱਚ ਪਹਿਲਾਂ ਘਰਦਿਆਂ ਦੇ ਬਿਆਨ `ਤੇ 174 ਦੇ ਤਹਿਤ ਕਾਰਵਾਈ ਕੀਤੀ ਸੀ।
ਥਾਣਾ ਇੰਚਾਰਜ ਵਿਨੋਦ ਕੁਮਾਰ ਨੇ ਦੱਸਿਆ ਕਿ ਚਰਨਜੀਤ ਸਿੰਘ ਵਾਸੀ ਨਿਊ ਆਦਰਸ਼ ਨਗਰ ਨੇ ਕਿਹਾ ਕਿ ਉਹ ਵੀਡੀਓ ਗਰਾਫੀ ਦਾ ਕੰਮ ਕਰਦਾ ਹੈ। 9 ਸਤੰਬਰ ਨੂੰ ਉਸ ਦੇ ਸਾਲੇ ਅਭਿਸ਼ੇਕ ਸਹੋਤਾ ਵਾਸੀ ਪਿੰਡ ਮੁਜੱਫਰਪੁਰ ਦੀ ਲਾਸ਼ ਸਕੂਟਰੀ ਸਮੇਤ ਬਜੂਹਾਂ ਖੁਰਦ ਦੀ ਕਾਲੀ ਵੇਈਂ `ਚੋਂ ਮਿਲੀ ਸੀ। ਉਸ ਸਮੇਂ ਕਿਸੇ ਉੱਤੇ ਸ਼ੱਕ ਨਾ ਹੋਣ ਕਾਰਨ 174 ਦੀ ਕਾਰਵਾਈ ਕਰਵਾਈ ਸੀ। ਚਰਨਜੀਤ ਨੇ ਦੱਸਿਆ ਕਿ ਪਤਾ ਲੱਗਾ ਹੈ ਕਿ ਅੱਠ ਸਤੰਬਰ ਨੂੰ ਅਭਿਸ਼ੇਕ ਸ਼ਾਮ ਕਰੀਬ 6.30 ਵਜੇ ਨਕੋਦਰ ਤੋਂ ਪਿੰਡ ਚੱਕ ਮੁਗਲਾਨੀ ਦੋਸਤ ਰਵੀ ਪਿੰਡ ਮੁਜੱਫਰਪੁਰ ਦੇ ਕੋਲ ਗਿਆ ਸੀ। ਇਸ ਦੇ ਬਾਅਦ ਰਵੀ ਅਤੇ ਉਸ ਦਾ ਸਾਲਾ ਅਭਿਸ਼ੇਕ ਨੂੰ ਲੈ ਕੇ ਪਿੰਡ ਚੱਕ ਮੁਗਲਾਨੀ ਵਿੱਚ ਕਿਸੇ ਕੋਠੀ ਵਿੱਚ ਚਲੇ ਗਏ, ਜਿੱਥੇ ਰਾਜਾ, ਪਵਿੱਤਰ ਅਤੇ ਪਰਮਜੀਤ ਵੀ ਕੋਠੀ ਵਿੱਚ ਆ ਗਏ। ਇਨ੍ਹਾਂ ਦਾ ਅਭਿਸ਼ੇਕ ਨਾਲ ਕਿਸੇ ਗੱਲ ਨੂੰ ਲੈ ਕੇ ਝਗੜਾ ਹੋ ਗਿਆ। ਇਨ੍ਹਾਂ ਚਾਰਾਂ ਨੇ ਅਭਿਸ਼ੇਕ ਨੂੰ ਮਾਰਨ ਦੇ ਇਰਾਦੇ ਨਾਲ ਕੋਈ ਜ਼ਹਿਰੀਲਾ ਜਾਂ ਨਸ਼ੀਲਾ ਪਦਾਰਥ ਦੇ ਕੇ ਬੇਹੋਸ਼ ਕਰ ਦਿੱਤਾ ਅਤੇ ਬੇਹੋਸ਼ੀ ਦੀ ਹਾਲਤ ਵਿੱਚ ਸਕੂਟਰੀ ਸਮੇਤ ਲਿਜਾ ਕੇ ਬਜੂਹਾਂ ਖੁਰਦ ਦੀ ਕਾਲੀ ਵੇਈਂ ਵਿੱਚ ਸੁੱਟ ਦਿੱਤਾ। ਇਸ ਕਾਰਨ ਉਸ ਦੀ ਮੌਤ ਹੋ ਗਈ। ਪੁਲਸ ਨੇ ਚਰਨਜੀਤ ਦੇ ਬਿਆਨ `ਤੇ ਰਾਜਾ, ਰਵੀ, ਪਵਿੱਤਰ (ਸਾਰੇ ਪਿੰਡ ਮੁਜੱਫਰਪੁਰ) ਅਤੇ ਪਰਮਜੀਤ ਸਿੰਘ ਪਿੰਡ ਚੱਕ ਮੁਗਲਾਨੀ ਦੇ ਖਿਲਾਫ ਕਤਲ ਦਾ ਮਾਮਲਾ ਦਰਜ ਕਰ ਲਿਆ ਹੈ।

 
Have something to say? Post your comment