ਸਵਰਾ ਭਾਸਕਰ ਦਾ ਕਹਿਣਾ ਹੈ ਕਿ ਉਨ੍ਹਾਂ ਦੀ ਨਵੀਂ ਵੈੱਬ ਸੀਰੀਜ਼ ‘ਰਸਭਰੀ’ ਵਿੱਚ ਸਮਾਜ ਦੇ ਮਹੱਤਵ ਪੂਰਨ ਮੁੱਦਿਆਂ ਨੂੰ ਦਰਸਾਇਆ ਗਿਆ ਹੈ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਵੈਬ ਸੀਰੀਜ਼ ਵਿੱਚ ਦਮਨਕਾਰੀ ਸਮਾਜ ਦੇ ਪਾਖੰਡ ਅਤੇ ਮਹਿਲਾ ਕਾਮੁਕਤਾ ਬਾਰੇ ਡਰ ਦੀ ਝਲਕ ਪੇਸ਼ ਕੀਤੀ ਗਈ ਹੈ। ਇਸ ਵਿੱਚ ਮੇਰਠ ਦੀ ਪ੍ਰੇਮ ਕਹਾਣੀ ਦਿਖਾਈ ਹੈ। ਸਵਰਾ ਦਾ ਇਸ ਵਿੱਚ ਅੰਗਰੇਜ਼ੀ ਅਧਿਆਪਕ ਦਾ ਕਿਰਦਾਰ ਹੈ, ਜੋ ਨੰਦ (ਆਯੁਸ਼ਮਾਨ ਸਕਸੈਨਾ) ਦੀ ਖਿੱਚ ਦਾ ਕੇਂਦਰ ਹੁੰਦੀ ਹੈ।
ਸਵਰਾ ਨੇ ਕਿਹਾ, ‘‘ਸੀਰੀਜ ਦੇ ਬਾਰੇ ਦਿਲਚਸਪ ਗੱਲ ਇਹ ਹੈ ਕਿ ਇਹ ਡਿਜੀਟਲ ਪਲੇਟਫਾਰਮ 'ਤੇ ਤਾਜ਼ੀ ਹਵਾ ਦੇ ਸਾਹ ਦੇ ਰੂਪ ਵਿੱਚ ਆਉਂਦਾ ਹੈ ਜਿਸ ਵਿੱਚ ਬਹੁਤ ਜ਼ਿਆਦਾ ਡਾਰਕ ਕੰਟੈਂਟ ਹੈ। ਜਿੱਥੇ ਇੱਕ ਪਾਸੇ ਇਹ ਸਭ ਦਾ ਹਲਕਾ ਮਨੋਰੰਜਨ ਕਰੇਗੀ, ਉਥੇ ਹੀ ਦੂਸਰੇ ਪਾਸੇ ਇਹ ਸਮਾਜ ਵਿੱਚ ਕੁਝ ਬਹੁਤ ਮਹੱਤਵਪੂਰਨ ਮੁੱਦਿਆਂ ਨੂੰ ਵੀ ਦਰਸਾਉਂਦੀ ਹੈ, ਜਿਨ੍ਹਾਂ ਦੀ ਅਸੀਂ ਚਰਚਾ ਨਹੀਂ ਕਰਦੇ ਹਾਂ।”