ਬੀਜਿੰਗ, 24 ਫਰਵਰੀ (ਪੋਸਟ ਬਿਊਰੋ) : ਸੋਮਵਾਰ ਨੂੰ ਚੀਨ ਨੇ ਐਲਾਨ ਕੀਤਾ ਕਿ ਉਸ ਵੱਲੋਂ ਇਸ ਸਾਲ ਦੀ ਆਪਣੀ ਸੱਭ ਤੋਂ ਅਹਿਮ ਸਿਆਸੀ ਮੀਟਿੰਗ ਨੂੰ ਕੋਰੋਨਾਵਾਇਰਸ ਕਾਰਨ ਰੱਦ ਕੀਤਾ ਜਾ ਰਿਹਾ ਹੈ।
ਇਸ ਕਦਮ ਤੋਂ ਇਸ ਗੱਲ ਦਾ ਸੰਕੇਤ ਮਿਲਦਾ ਹੈ ਕਿ ਰਾਸ਼ਟਰਪਤੀ ਜ਼ੀ ਜਿੰ਼ਨਪਿੰਗ ਵੱਲੋਂ ਇਸ ਮੱੁਦੇ ਨੂੰ ਕਿੰਨੀ ਅਹਿਮੀਅਤ ਦਿੱਤੀ ਜਾ ਰਹੀ ਹੈ। ਉਨ੍ਹਾਂ ਵੱਲੋਂ ਵਾਇਰਸ ਖਿਲਾਫ ਜੰਗ ਵਿੱਢੀ ਗਈ ਹੈ। ਇਸ ਵਾਇਰਸ ਕਾਰਨ ਚੀਨ ਵਿੱਚ 2500 ਤੋਂ ਵੀ ਵੱਧ ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ ਤੇ ਚੀਨ ਵਿੱਚ ਹੀ 77000 ਲੋਕ ਇਸ ਵਾਇਰਸ ਦੀ ਚਪੇਟ ਵਿੱਚ ਆ ਚੁੱਕੇ ਹਨ।
2012 ਵਿੱਚ ਸੱਤਾ ਸਾਂਭਣ ਤੋਂ ਬਾਅਦ ਇਸ ਆਊਟਬ੍ਰੇਕ ਕਾਰਨ ਜ਼ੀ ਜਿ਼ੰਨਪਿੰਗ ਦੇ ਪ੍ਰਸ਼ਾਸਨ ਨੂੰ ਸੱਭ ਤੋਂ ਵੱਡੀ ਸਿਆਸੀ ਚੁਣੌਤੀ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਨੈਸ਼ਨਲ ਪੀਪਲਜ਼ ਕਾਂਗਰਸ ਤੇ ਇਸ ਦੀ ਚੀਫ ਐਡਵਾਇਜ਼ਰੀ ਬੌਡੀ ਦੀ ਸਾਲਾਨਾ ਮੀਟਿੰਗ ਅਕਸਰ 5 ਮਾਰਚ ਨੂੰ ਸੁ਼ਰੂ ਹੋ ਜਾਂਦੀ ਹੈ ਤੇ ਦੋ ਹਫਤਿਆਂ ਤੋਂ ਵੀ ਵੱਧ ਤੱਕ ਚੱਲਦੀ ਹੈ। ਇਸ ਦੌਰਾਨ ਹਜ਼ਾਰਾਂ ਦੀ ਗਿਣਤੀ ਵਿੱਚ ਡੈਲੀਗੇਟਸ ਬੀਜਿੰਗ ਦੇ ਦੌਰੇ ਉੱਤੇ ਆਉਂਦੇ ਹਨ।