Welcome to Canadian Punjabi Post
Follow us on

19

February 2025
 
ਕੈਨੇਡਾ

ਓਂਟਾਰੀਓ ਦਾ ਲਿਕਰ ਬੋਰਡ ਮੰਗਲਵਾਰ ਨੂੰ ਆਪਣੀਆਂ ਸ਼ੈਲਫਾਂ ਤੋਂ ਹਟਾਏਗਾ ਅਮਰੀਕੀ ਸ਼ਰਾਬ

February 03, 2025 06:00 AM

ਓਂਟਾਰੀਓ, 3 ਫਰਵਰੀ (ਪੋਸਟ ਬਿਊਰੋ): ਅਮਰੀਕਾ ਤੇ ਕੈਨੇਡਾ ਵਿਚ ਚੱਲ ਰਹੇ ਵਪਾਰ ਯੁੱਧ ਦੇ ਹਿੱਸੇ ਵਜੋਂ ਓਨਟਾਰੀਓ ਦੇ ਸ਼ਰਾਬ ਸਟੋਰਾਂ ਵਿੱਚ ਵੱਡੇ ਬਦਲਾਅ ਆ ਰਹੇ ਹਨ। ਲਿਕਰ ਬੋਰਡ ਆਫ ਓਨਟਾਰੀਓ (ਐੱਲ.ਸੀ.ਬੀ.ਓ.) ਨੇ ਪੁਸ਼ਟੀ ਕੀਤੀ ਹੈ ਕਿ ਉਹ ਮੰਗਲਵਾਰ ਤੋਂ ਆਪਣੀਆਂ ਸ਼ੈਲਫਾਂ ਤੋਂ ਸਾਰੀਆਂ ਅਮਰੀਕੀ ਸ਼ਰਾਬ ਹਟਾ ਦੇਵੇਗਾ। ਜਾਣਕਾਰੀ ਅਨੁਸਾਰ ਕਰਾਊਨ ਏਜੰਸੀ ਸਾਲਾਨਾ 965 ਮਿਲੀਅਨ ਡਾਲਰ ਤੱਕ ਦੀ ਅਮਰੀਕੀ ਸ਼ਰਾਬ ਵੇਚਦੀ ਹੈ, ਜਿਸ ਵਿੱਚ ਅਮਰੀਕਾ ਤੋਂ 3600 ਤੋਂ ਵੱਧ ਸ਼ਰਾਬ ਦੇ ਉਤਪਾਦ ਹਨ।
ਐੱਲ.ਸੀ.ਬੀ.ਓ. ਵਲੋਂ ਕਿਹਾ ਗਿਆ ਕਿ ਕੈਨੇਡੀਅਨ ਸਾਮਾਨ 'ਤੇ ਲਾਏ ਗਏ ਅਮਰੀਕੀ ਟੈਰਿਫਾਂ ਪ੍ਰਤੀ ਓਨਟਾਰੀਓ ਦੀ ਜਵਾਬੀ ਰਣਨੀਤੀ ਦੇ ਹਿੱਸੇ ਵਜੋਂ ਇਹ ਕਾਰਵਾਈ ਕੀਤੀ ਜਾ ਰਹੀ ਹੈ। ਅਮਰੀਕੀ ਸ਼ਰਾਬ ਉਤਪਾਦਾਂ ਦੀ ਸਾਰੀ ਵਿਕਰੀ ਨੂੰ 4 ਫਰਵਰੀ ਤੋਂ ਅਣਮਿੱਥੇ ਸਮੇਂ ਲਈ ਬੰਦ ਕਰਨ ਅਤੇ ਰੈਸਟੋਰੈਂਟਾਂ, ਬਾਰਾਂ, ਕਰਿਆਨੇ ਅਤੇ ਹੋਰ ਪ੍ਰਚੂਨ ਵਿਕਰੇਤਾਵਾਂ ਨੂੰ ਅਮਰੀਕੀ ਉਤਪਾਦਾਂ ਦੀ ਥੋਕ ਵਿਕਰੀ ਬੰਦ ਕਰਨ ਲਈ ਕਿਹਾ ਗਿਆ ਹੈ। ਇਸ ਕਦਮ ਦਾ ਰੈਸਟੋਰੈਂਟਾਂ, ਬਾਰਾਂ ਅਤੇ ਬਰੂਅਰੀਜ਼ 'ਤੇ ਅਸਰ ਪਵੇਗਾ।
ਇਸ ਸਬੰਧੀ ਓਟਾਵਾ ਬਰੂਅਰੀ ਦੇ ਸਹਿ ਮਾਲਕ ਸ਼ੇਨ ਕਲਾਰਕ ਨੇ ਕਿਹਾ ਕਿ ਉਹ ਨਿੱਜੀ ਤੌਰ 'ਤੇ ਬੌਰਬਨ ਬਾਰੇ ਸਭ ਤੋਂ ਵੱਧ ਚਿੰਤਤ ਸਨ ਅਤੇ ਜਦੋਂ ਉਨ੍ਹਾਂ ਨੇ ਸਰਕਾਰ ਦੇ ਇਸ ਫ਼ੈਸਲੇ ਬਾਰੇ ਸੁਣਿਆ ਤਾਂ ਥੋੜ੍ਹਾ ਜਿਹਾ ਸਟਾਕ ਕਰ ਲਿਆ ਕਿਉਂਕਿ ਇਹ ਉਨ੍ਹਾਂ ਉਤਪਾਦਾਂ ਵਿੱਚੋਂ ਇੱਕ ਹੈ ਜੋ ਸਿਰਫ਼ ਅਮਰੀਕਾ ਵਿਚ ਹੀ ਬਣਦੇ ਹਨ। ਉਨ੍ਹਾਂ ਕਿਹਾ ਕਿ ਉਮੀਦ ਹੈ ਕਿ ਇਸ ਕਦਮ ਦਾ ਮਤਲਬ ਹੈ ਕਿ ਹੋਰ ਲੋਕ ਸਥਾਨਕ ਉਤਪਾਦ ਦਾ ਸਮਰਥਨ ਕਰਨਗੇ।
ਇਸ ਦੌਰਾਨ, ਓਨਟਾਰੀਓ ਰੈਸਟੋਰੈਂਟ, ਹੋਟਲ ਅਤੇ ਮੋਟਲ ਐਸੋਸੀਏਸ਼ਨ ਨੇ ਅਮਰੀਕੀ ਸ਼ਰਾਬ ਨੂੰ ਹਟਾਉਣ ਲਈ ਆਪਣਾ ਪੂਰਾ ਸਮਰਥਨ ਪ੍ਰਗਟ ਕੀਤਾ ਹੈ। ਉਨ੍ਹਾਂ ਕਿਹਾ ਕਿ ਸੂਬੇ ਦੇ ਅੰਦਰ ਬਹੁਤ ਸਾਰੇ ਵਿਕਲਪਕ ਉਤਪਾਦ ਉਪਲਬਧ ਹਨ, ਜਿਸ ਨਾਲ ਕਿ ਲੋਕਲ ਉਤਪਾਦ ਨੂੰ ਹੁਲਾਰਾ ਮਿਲੇਗਾ।

 
Have something to say? Post your comment
ਹੋਰ ਕੈਨੇਡਾ ਖ਼ਬਰਾਂ
ਪ੍ਰੋਗਰੈੱਸਿਵ ਕੰਜ਼ਰਵੇਟਰਾਂ ਦੀ ਐਡਵਾਂਸ ਪੋਲ `ਚ 15-ਪੁਆਇੰਟ ਦੀ ਲੀਡ ਬਰਕਰਾਰ ਸਸਕੈਚਵਨ ਬਿਗ ਰਿਵਰ ਫਸਟ ਨੇਸ਼ਨ 'ਤੇ ਚਾਕੂ ਮਾਰਨ ਦੀਆਂ ਤਿੰਨ ਘਟਨਾਵਾਂ ਵਿਚ ਸ਼ੱਕੀ ਦੀ ਭਾਲ `ਚ ਪੁਲਿਸ ਟਰੰਪ ਕੈਨੇਡਾ ਨੂੰ ਅਮਰੀਕੀ ਰਾਜ ਬਣਾਉਣ ਵੱਲ ਨਿਸ਼ਚਿਤ ਤੌਰ 'ਤੇ ਦੇਖ ਰਹੇ : ਪ੍ਰੀਮੀਅਰ ਫਿਊਰੀ ਕੈਨੇਡਾ ਅਮਰੀਕਾ ਨਾਲ ਵਪਾਰ ਸਮਝੌਤੇ ‘ਤੇ ਮੁੜ ਗੱਲਬਾਤ ਲਈ ਹਮੇਸ਼ਾ ਤਿਆਰ : ਆਨੰਦ ਬਾਰਡਰ ਗਾਰਡ ਹੁਣ ਅਸਥਾਈ ਵੀਜ਼ੇ ਕਰ ਸਕਣਗੇ ਰੱਦ ਕਾਨੂੰਨੀ ਰਿਹਾਈ ਦੌਰਾਨ ਨਿਯਮਾਂ ਦੀ ਉਲੰਘਣਾ ਕਰਨ ਵਾਲੇ ਖਿਲਾਫ਼ ਦੇਸ਼ਭਰ `ਚ ਵਾਰੰਟ ਜਾਰੀ ਐਡਮਿੰਟਨ ਪੁਲਿਸ ਡਕੈਤੀ ਦੇ ਸਬੰਧ ਵਿੱਚ ਲੋੜੀਂਦਾ 19 ਸਾਲਾ ਮੁਲਜ਼ਮ ਦੀ ਕਰ ਰਹੀ ਭਾਲ ਐਸਕੁਇਮਲਟ ਨਾਡੇਨ ਬੈਂਡ ਨੇ ਇਨਵਿਕਟਸ ਗੇਮਜ਼ `ਚ ਕੈਟੀ ਪੈਰੀ ਤੇ ਕ੍ਰਿਸ ਮਾਰਟਿਨ ਨਾਲ ਕੀਤਾ ਪਰਫਾਰਮ ਫੋਰਟ ਮੈਕਮਰੇ ਹਿੱਟ ਐਂਡ ਰਨ ਮਾਮਲੇ ਵਿਚ ਪਿਕਅੱਪ ਟਰੱਕ ਦੀ ਭਾਲ ਕਰ ਰਹੀ ਪੁਲਸ ਵੁਲਫ ਆਈਲੈਂਡ ‘ਚ ਦੋ ਘਰਾਂ ‘ਤੇ ਹਮਲਾ ਕਰਨ ਦੇ ਦੋਸ਼ ‘ਚ ਇਕ ਵਿਅਕਤੀ ‘ਤੇ ਮਾਮਲਾ ਦਰਜ