-40 ਸਾਲ ਦੇ ਇਤਿਹਾਸ ਵਿੱਚ ਮਿਲਆ ਸਭਤੋਂ ਵੱਡਾ ਦਾਨ
ਓਟਵਾ, 17 ਜੂਨ (ਪੋਸਟ ਬਿਊਰੋ): ਓਟਵਾ ਫੂਡ ਬੈਂਕ ਨੂੰ ਆਪਣੇ 40 ਸਾਲ ਦੇ ਇਤਿਹਾਸ ਵਿੱਚ ਸਭਤੋਂ ਵੱਡਾ ਦਾਨ ਮਿਲਿਆ ਹੈ।
ਮਨੁੱਖੀ ਸੰਗਠਨ ਖਾਲਸਾ ਏਡ ਕੈਨੇਡਾ ਨੇ ਓਟਵਾ-ਕਾਰਲਟਨ ਡਿਸਟਰਿਕਟ ਸਕੂਲ ਬੋਰਡ ਨਾਲ ਮਿਲਕੇ 15,000 ਪਾਊਡ ਭੋਜਨ ਇਕੱਠਾ ਕੀਤਾ।
ਕਿਰਾਨਾ ਸਪਲਾਈਕਰਤਾ ਇਟਾਲਫੂਡਜ਼ ਦੀ ਮਦਦ ਨਾਲ ਦਾਨ ਦੇ ਪੈਸੇ ਇਕੱਠੇ ਕੀਤੇ ਗਏ। ਉਹ ਸ਼ਨੀਵਾਰ ਦੁਪਹਿਰ ਨੂੰ ਬੈਂਟਰੀ ਸਟਰੀਟ ਗੁਦਾਮ ਵਿੱਚ 210,000 ਪਾਊਂਡ ਭੋਜਨ ਪਹੁੰਚਾਉਣ ਵਿੱਚ ਸਫਲ ਰਹੇ।
ਵਲੰਟੀਅਰਜ਼ ਅਤੇ ਵਿਦਿਆਰਥੀਆਂ ਨੇ ਭੋਜਨ ਨਾਲ ਭਰੇ ਟਰੱਕਾਂ ਵਿੱਚੋਂ ਉਤਾਰਣ ਲਈ ਇੱਕ ਮਨੁੱਖੀ ਕੰਵੇਇਰ ਬੈਲਟ ਬਣਾਇਆ, ਅਤੇ ਦਾਨ ਨੂੰ ਫੂਡ ਬੈਂਕ ਕਰਮਚਾਰੀਆਂ ਦੁਆਰਾ ਸਟਾਕ ਕਰਨ ਲਈ ਅੰਦਰ ਲੈ ਗਏ।
ਓਟਵਾ ਫੂਡ ਬੈਂਕ ਦੇ ਸੀਈਓ ਰਾਚੇਲ ਵਿਲਸਨ ਨੇ ਕਿਹਾ, ਅਸੀਂ ਕਦੇ ਵੀ ਇੱਕ ਦਿਨ ਵਿੱਚ ਇਨੀ ਮਾਤਰਾ ਵਿੱਚ ਭੋਜਨ ਦਾਨ ਹੁੰਦੇ ਨਹੀਂ ਵੇਖਿਆ। ਇਸਦਾ ਮਤਲੱਬ ਇਹ ਹੋਵੇਗਾ ਕਿ ਲੋਕ ਆਪਣੇ ਸਥਾਨਕ ਫੂਡ ਬੈਂਕ ਉੱਤੇ ਭਰੋਸਾ ਕਰ ਸਕਦੇ ਹਨ ਅਤੇ ਇਹ ਯਕੀਨੀ ਕਰ ਸਕਦੇ ਹਨ ਕਿ ਉਨ੍ਹਾਂ ਕੋਲ ਆਪਣੇ ਪਰਿਵਾਰਾਂ ਲਈ ਲੋੜੀਂਦਾ ਭੋਜਨ ਹੈ। ਇਸਨੇ 2013 ਵਿੱਚ ਬਣਾਏ ਗਏ 182,000 ਪਾਊਂਡ ਦੇ ਪਿਛਲੇ ਰਿਕਾਰਡ ਨੂੰ ਤੋੜ ਦਿੱਤਾ ਹੈ। ਇਸ ਵਿਚੋਂ ਲਗਭਗ 420,000 ਮੀਲ ਜ਼ਰੂਰਤਮੰਦ ਬੱਚਿਆਂ ਨੂੰ ਦਿੱਤੇ ਜਾਣਗੇ।
ਖਾਲਸਾ ਏਡ ਦੇ ਖੇਤਰੀ ਡਾਇਰੈਕਟਰ ਮਨਦੀਪ ਸਿੰਘ ਨੇ ਕਿਹਾ ਕਿ ਫੂਡ ਬੈਂਕ ਦੇ 36 ਫ਼ੀਸਦੀ ਉਪਯੋਗਕਰਤਾ ਬੱਚੇ ਹਨ। ਉਹ ਬੱਚੇ ਹਨ ਜੋ ਹਰ ਦਿਨ ਭੁੱਖੇ ਉਠਦੇ ਹਨ ਅਤੇ ਭੁੱਖੇ ਸੌਂਦੇ ਹਨ। ਉਨ੍ਹਾਂ ਨੇ ਕਿਹਾ ਕਿ ਉਹ ਭੋਜਨ ਦਾਨ ਇਕੱਠਾ ਕਰ ਰਹੇ ਹਨ। ਉਹ ਪੈਸੇ ਜੁਟਾਉਣ ਲਈ ਪਿਕਨਿਕ ਕਰ ਰਹੇ ਸਨ। ਸਾਡੇ ਕੋਲ ਗਰੇਡ 1 ਅਤੇ ਕਿੰਡਰਗਾਰਟਨ ਦੇ ਵਿਦਿਆਰਥੀ ਵੀ ਸਨ ਜਿਨ੍ਹਾਂ ਨੇ ਭੋਜਨ ਅਭਿਆਨ ਦੇ ਹਿੱਸੇ ਦੇ ਰੂਪ ਵਿੱਚ ਆਪਣੇ ਭੱਤੇ `ਚੋਂ ਇੱਕ ਜਾਂ ਦੋ ਡਾਲਰ ਦਿੱਤੇ। ਏਵਲਾਨ ਪਬਲਿਕ ਸਕੂਲ ਦੇ ਵਿਦਿਆਰਥੀ ਬਲੇਕ ਮੇਲਲੇਟ ਨੇ ਸ਼ਨੀਵਾਰ ਨੂੰ ਕਿਹਾ ਕਿ ਮੈਨੂੰ ਜ਼ਰੂਰਤਮੰਦ ਲੋਕਾਂ ਦੀ ਮਦਦ ਕਰਕੇ ਬਹੁਤ ਚੰਗਾ ਲੱਗ ਰਿਹਾ ਹੈ।
ਦਿਨ ਦੇ ਪ੍ਰੋਗਰਾਮ ਨੇ ਸ਼ਹਿਰ ਦੇ ਅਧਿਕਾਰੀਆਂ ਅਤੇ ਪਤਵੰਤਿਆਂ ਨੇ ਦਾ ਧਿਆਨ ਆਕਰਸ਼ਤ ਕੀਤਾ, ਜਿਸ ਵਿੱਚ ਮੇਅਰ ਮਾਰਕ ਸਟਕਲਿਫ ਵੀ ਸ਼ਾਮਿਲ ਸਨ।