ਟੋਰਾਂਟੋ, 26 ਜਨਵਰੀ (ਪੋਸਟ ਬਿਊਰੋ) : ਭਾਰਤ ਦੇ 74ਵੇਂ ਗਣਤੰਤਰ ਦਿਵਸ ਮੌਕੇ ਕੈਨੇਡਾ ਵਿੱਚ ਭਾਰਤ ਦੇ ਹਾਈ ਕਮਿਸ਼ਨਰ ਸੰਜੇ ਕੁਮਾਰ ਵਰਮਾ ਅਤੇ ਟੋਰਾਂਟੋ ਵਿੱਚ ਭਾਰਤ ਦੀ ਕਾਊਂਸਲ ਜਨਰਲ ਅਪੂਰਵਾ ਸ®ੀਵਾਸਤਵ ਵੱਲੋਂ ਕੈਨੇਡਾ ਵਿੱਚ ਵੱਸਦੇ ਭਾਰਤੀਆਂ ਨੂੰ ਮੁਬਾਰਕਬਾਦ ਦਿੱਤੀ ਗਈ।
ਇਸ ਮੌਕੇ ਸ®ੀ ਵਰਮਾ ਨੇ ਆਖਿਆ ਕਿ ਸੰਵਿਧਾਨ ਲਾਗੂ ਹੋਣ ਤੋਂ ਲੈ ਕੇ ਹੁਣ ਤੱਕ ਭਾਰਤ ਦੀ ਯਾਤਰਾ ਕਮਾਲ ਦੀ ਰਹੀ ਹੈ ਤੇ ਅਸੀਂ ਹੋਰਨਾਂ ਦੇਸ਼ਾਂ ਲਈ ਵੀ ਪ®ੇਰਣਾ ਦਾ ਸਰੋਤ ਬਣੇ ਹਾਂ। ਉਨ੍ਹਾਂ ਆਖਿਆ ਕਿ ਜਦੋਂ ਅਸੀਂ ਗਣਤੰਤਰ ਦਿਵਸ ਮਨਾਉਂਦੇ ਹਾਂ ਤਾਂ ਵਿਕਾਸ ਦੇ ਨਾਂ ਉੱਤੇ ਜਿਹੜੀਆਂ ਪ®ਾਪਤੀਆਂ ਅਸੀਂ ਕੀਤੀਆਂ ਹਨ ਉਸ ਦਾ ਅਸੀਂ ਜਸ਼ਨ ਮਨਾਉਂਦੇ ਹਾਂ।ਉਨ੍ਹਾ ਆਖਿਆ ਕਿ ਆਜ਼ਾਦੀ ਦੇ ਸ਼ੁਰੂਆਤ ਵਾਲੇ ਦਿਨਾਂ ਵਿੱਚ ਸਾਨੂੰ ਕਈ ਤਰ੍ਹਾਂ ਦੀਆਂ ਚੁਣੌਤੀਆਂ ਦਾ ਸਾਹਮਣਾ ਕਰਨਾ ਪਿਆ, ਜਿਨ੍ਹਾਂ ਵਿੱਚੋਂ ਗਰੀਬੀ ਤੇ ਅਨਪੜ੍ਹਤਾ ਮੁੱਖ ਸਨ। ਪਰ ਅਸੀਂ ਸਮੇਂ ਦੇ ਨਾਲ ਨਾਲ ਇਨ੍ਹਾਂ ਦੋਵਾਂ ਅਲਾਮਤਾਂ ਉੱਤੇ ਕਾਫੀ ਹੱਦ ਤੱਕ ਕਾਬੂ ਪਾ ਲਿਆ ਹੈ ਤੇ ਤਰੱਕੀ ਦਾ ਰਾਹ ਫੜ੍ਹਿਆ ਹੈ।
ਇਸ ਮੌਕੇ ਟੋਰਾਂਟੋ ਤੋਂ ਭਾਰਤ ਦੀ ਕਾਊਂਸਲ ਜਨਰਲ ਅਪੂਰਵਾ ਸ®ੀਵਾਸਤਵ ਨੇ ਆਖਿਆ ਕਿ ਸਾਡਾ ਸੰਵਿਧਾਨ ਲਾਗੂ ਹੋਣ ਨਾਲ ਸਾਨੂੰ ਜਮਹੂਰੀਅਤ ਮਿਲੀ ਜੋ ਕਿ ਆਜ਼ਾਦੀ, ਨਿਆਂ ਤੇ ਸਮਾਨਤਾ ਉੱਤੇ ਅਧਾਰਤ ਸੀ। ਪਿਛਲੇ ਸੱਤ ਦਹਾਕਿਆਂ ਵਿੱਚ ਅਸੀਂ ਕਈ ਚੁਣੌਤੀਆਂ ਤੋਂ ਪਾਰ ਪਾਉਣ ਦੇ ਨਾਲ ਨਾਲ ਵਿਕਾਸ ਦਾ ਰਾਹ ਫੜ੍ਹਿਆ ਤੇ ਦੇਸ਼ ਵਿੱਚ ਖੁਸ਼ਹਾਲੀ ਲਿਆਂਦੀ ਤੇ ਭਾਰਤੀਆਂ ਦਾ ਸਸ਼ਕਤੀਕਰਨ ਕੀਤਾ।ਉਨ੍ਹਾਂ ਇਸ ਮੌਕੇ ਸਾਰੇ ਭਾਰਤੀਆਂ ਨੂੰ ਗਣਤੰਤਰ ਦਿਵਸ ਦੀਆਂ ਵਧਾਈਆਂ ਦਿੱਤੀਆਂ।